انا شفتك قبل كده
اكيد .. امتى .. مش فاكر ابداً
بس ازاي المره دي اثرتي فيا بالشكل ده ؟
لا .. المره اللى فاتت كنت خايف
منعت نفسي اني احس بيكي
المره دي انا واحد تاني
واحد مش خايف من حاجه
انا اتغيرت بجد
بقيت واثق فنفسي اكتر
بس ازاي ومع اني عارف انك مش ليا
فايدك دبله غيري
احسس المرادي قلبي بيكي ؟؟
ازاي انتي الوحيده اللى حركتيني بجد من جوايا
احساس بجد محستوش قبل كده
ومع ذلك .. حبيت اقولك ان الحب عندي مش ابدي
الحب حريه
مسمعتيش منير بيقول وده حب ايه ده اللى من غير اي حريه
ومسمعتيهوش وهوه بيقول ياللى انتي حبك حريه
معلش انا عندي هوس بمنير
شفتي فيلم صياد اليمام ؟؟
لازم تشوفيه .. انا حسيت اني بشوف نفسي فيه
انا اللى مش عايز اكون اغنى واحد فى القبر
وبرضه مش هرضى اكون متوسط فى الدنيا
انا عايز اوصل للمرحله اللى اكون فيها حر
حر فقراري .. حر فاختياري .. حر حتى فاني احب واكره
مش هتفهميني ..
عموما حبيت اقول اني عملت حاجات كتير
مش راضي عن نفسي اني عملتها
حاجات كتير همسحها من حياتي
وهبدأ بدايه جديده ..
واتمنى انه ميجيش اليوم اللى احتاج فيه ابدأ كمان بدايه
لان مش دايما هتكون الفرصه موجوده لده
وانا عارف ده
ده كمان اخر بوست فى مدونتي باسم احمد هتلر
بعد 3 سنين ويوم بالظبط من افتتاحها
3 سنين اتعلمت فيهم حاجات كتير
وبقيت فيهم انسان مختلف ومتميز
صحيح لسه محتاج تطوير لكن عارف هوه عايز ايه
وعنده خطه لسنين حياته هينفذها بكل اراده
ومتحمل لكل نتايجها
انا بعتذر لاي شخص ضريته ففتره كنت بستغل اي انسان غبي فيها استغلال سيء
كنت بستغل مبدأ ان القانون لا يحمي المغفلين وبدي نفسي الحق اني استغلهم لانهم مغفلين
انا مش زعلان بالعكس دي كانت ايام لذيذه حسيت فيها بذكائي وبقدراتي .. صحيح استغليتها بشكل سيء ..
بس انا كنت لسه ناقص الاهليه قانوناً ..
انا مش هعوض حد عن حاجه ولا بطلب من حد يسامحني .. اخبطوا دماغكوا فى الحيط
واي حد معجبوش حاجه من اللى كنت كتبتها برضه يخبط دماغه فى الحيط
المدونه دي هتفضل شغاله لغايه ما اقرر غير كده
مش هكتب هنا عنوان مدونتي الجديده
لكن هتوصلوله زي ما جيتوا هنا
متشكر لكل الناس اللى حبت اسلوبي فى الكتابه
متشكر لكل الناس اللى تابعتني على مدى 3 سنين
متشكر لكل رد مشجع وصلني .. لكل انسان ضحك على بوست كتبته
او رد رد محترم على بوست نقاش فكري
او عجبته صوره كنت صورتها عن بلدي اللى بحبها وبعشقها .. مصر
وكل بلوج وانتوا طيبين ..
دي اكبر كدبه حصلت السنه اللى فاتت .. فعليا
الواقع ان كل الدول المحترمه المتقدمه اللى بتعترف بالانسانيه
هيا نفسها الدول اللى مبتحكمش بالدين وشايلاه تماما من قوانينها
وفي المقابل لو بصينا الاديان عملت ايه فى الشعوب في الماضي
هنلاقي فعلا انها كانت السبب فى الغابه اللى كان فيها حروب صليبيه وغزوات ..
مطالبتي بالحاد الدوله قانونا ده حق مشروع
انا هنا مبطلبش الحاد المجتمع .. كل واحد حر فى اعتقاده الفكري ..
لكن الدول .. من وجهه نظري
لازم تشيل الدين من دنياها
هناك قواعد يجب ان نلتزم بها ونحن نتحدث عن البهائيين في مصر
قواعد لا يجب ان نخرج عن اطارها مهما حدث
أولاً هؤلاء الناس مواطنون مصريين يتمتعون بكل الحقوق وملتزمون بكل الواجبات مثلهم مثل اي مواطن مصري
هم طبقاً للقانون المصري مصريين وليس من حق اي شخص ان يزايد على مصريتهم بناء على مرجعيتهم الدينيه .
ثانياً القانون المصري يعطي الحق ويحمي حريه العقيده وسيستمر فى ذلك وانا اطالب فى زياده القوانين التى تحمي تلك الحريه .
ثالثاً مصر ليست حكراً لدين واحد او اثنين .. مصر بها 80 مليون مواطن وكل انسان فيهم يرى الله ويعبده بالشكل الذي يراه
وليس من حق اي شخص حتى ولو كان قاضياً ان يصف اي فكر ديني بانه شاذ او منحرف .
هذه هي الاطر التى ارى انه يجب على البهائيين الالتزام بها فى النقاش دوماً مع اي معارض
لا يجب ان يضعوا نفسهم فى موقف الدفاع عن عقيدتهم .. الموقف الذي يجب ان يقفوه هو موقف المدافعين عن حقوقهم كمواطنين فى الاعتقاد
مثلهم مثل اي مصري اخر .. حقوقهم المدنيه فى دوله يحكمها القانون ..
البهائيين وكل الاقليات الدينيه يجب ان تشارك فى الاحزاب السياسيه التى تدافع عن حقهم فى الاعتقاد وتحمي حقوقهم المدنيه .
يجب ان يكون هناك قوانين تجرم التطاول على اي فكر ديني ايا كان ومنعا للفتنه الطائفيه يمنع حتى رجال دين الدوله فى المناصب كشيوخ الازهر
او الباباوات الاقباط من التعليق بصفتهم وبشخصهم عن اي فكر ديني اخر .
قاضي المحكمه .. قاضي المحكمه هو رجل يجب ان يلتزم بتطبيق القانون وليس من حقه نهائيا وصف اي رافع دعوى او حتى مجرم باي صفه
يجب ان يكون القاضي محايدا تماما ويطبق القانون كما يقال وعندما يصف القاضي فكر او دين ما بانه شاذ ومنحرف يجب ان يقال من منصبه لخروجه
عن حياديه رجال القضاء .
يجب ان يكون هناك تعريف لمعنى كلمه دين فى القانون المصري فالاديان تقسم لسماويه وارضيه
والبهائيه تصنف تحت الاديان السماويه مثلها مثل الاسلام واليهوديه والمسيحيه وهي دين يوجد به كتاب منزل
ويوجد له رسول ويوجد اشخاص يؤمنون به وبشرعيته .
وليس من حق احد ان يصدر احكاما على دين معين او اتباعه .
ويجب ايضاً ان يضمن القانون حريه ومساواه اللادينين والملحدين فى الوجود والاعتقاد .
انا اعلن رفضي التام لما حدث منذ ايام فى احدى قرى الصعيد من حرق لبيوت البهائيين
اعلن تضامني معهم ومع حقهم فى الاحتفال باعيادهم فى الاماكن العامه مثلهم مثل اي مصري
اعلن احقيتهم فى وجود دور عباده مثلهم مثل اي دين اخر موجود على الساحه المصريه
أحدث التعليقات