حلو العنوان
بيفكرني بقصيده عادل إمام
أبيع نفسي .. مم
هو ممكن الواحد يبيع مدونته ؟؟
يعني اصحى الصبح الاقي أحمد هتلر بقى مش أنا
والاقي المواضيع اتقلبت افكارها الليبراليه العلمانيه
لمواضيع يمينيه أصوليه متشدده
تفتكروا ممكن
آه ممكن 
صحيح كنت متوقع وفاته فأي لحظه
لان رجوعه من بره على مستشفى القوات المسلحه
كان رد بيقول
ان مفيش امل .. ويموت عندكوا احسن ما يموت عندنا
مع ذلك اتصدمت لما قريت خبر وفاته النهارده الصبح
زعلت جدا على انسان
انسان مصري
فنان
انسان مخلص ومبدع
انسان كان ثروه وكنز للبلد دي
عملاق نفتخر بيه
فكل افلامه كان بيرسم مشوار وطريق من ذهب
انسان ليبرالى حر
بيرفض الرقابه وبيرفض العدوان والتشدد
واي انسان يقول غير كده يبقى انسان مبيفهمش
ومش هتقبل ردود ترفض كلمه من اللى قلته
ربنا يرحمه وكنت اتمناله حياه اطول
لان كل يوم هيعيشه زياده
هيبدع فيه ويخدم مصر
وحياته اهم بكتير من ناس متخلفه قوالب متكرره منسوخه من بعضها ..
أحمد
كنت أجلس مع أحد افراد العائله
واذا به يطلب مني تجهيز موقع له
وقالى انه قد جهز بعض الشروحات والدورات
ويريد موقع ليقوم بعرضها وبيعها من خلاله
وعندما سالته عن مجال الموقع والدورات قال انها ستكون مفاجأه
فقلت بكل برود .. يبقى فوركس
فوجئت به وقد ذهل
وبطريقه تعجبيه سألني
كيف عرفت انه عن الفوركس ؟؟
تلك أمتنا
أمة بدأت بغزوة بدر وأحد
وتأتي لتقول أنها لم تنتشر بحد السيف !!
أمة ارتد أغلبها بعد ما مات رسولها
وما عادت الا بعد حروب رده
وتأتي لتقول انها تدعوا لسبيل ربها بالحكمه .. والموعظه !!
أمة قالت عن اليهود انهم المنافقين
ولا ادرى ماذا ستقول عندما تطالب اسرائيل بتعويضات
نتيجه تهجير يهود خيبر !!
أمة أراد الله ان يخبرها بنفاقها
فجعل أهلها لاهم بيضاً ولاهم سوداً
وتأتي لتقول أنها أمة الوسط !!!!
من اسكندريه
من حوالى 4 سنين
كنت فنفس الكافيه
كان يوم نتيجه الثانويه العامه
اخويا الصغير جالى وانا نايم رقم جلوسك كااااااااام ؟؟
قلتله رقم مش فاكره
راح وبعدين رجعلى
قالى ده رقم غلط ده بتاع بنت وساقطه !!!
يادي النيله
طيب حط الخمسه بدل التلاته وجرب
رجعلى تاني
يابني غلط برضه
بتاع بنت وساقطه
قوم ماما مستنياك فى النت كافيه
رحت الكافيه
قعدت اجرب ارقام وابدل
والغريب ان 90% من النتائج بنات وساقطين ..
وفي النهايه طلعت النتيجه
ونجحت بنسبه 71% باين
ومع ذلك دخلت هندسه
لان الحياه فى بلدنا بسيطه
وبصراحه انا الهندسه زيها زي الحقوق عندي
كلها اشتغالات بيضحكوا علينا بيها
وعالاسر الغلبانه المؤمنه بالنظام التعليمي المصري العقيم !!
وبالمناسبه البنتين اللى عندنا من الزقازيق الاوائل عالجمهوريه
الاتنين مدارس خاصه
تفتكروا دي دعايه للتعليم الخاص مثلاً
ولا دليل واقعي على فشل التعليم الحكومي ابو بلاش ؟؟
- المفرود : وأيضاً الكلمه ليس لها علاقه بالعيش البلدي ابو ظلط نهائياً انما هيا استمرار لنظريه الضاد النونيه
وتأتي فى جمله مثل : انت صحيح مش المفرود تروح الجيش
- مئدية : ودي مالهاش شبه او تشبيه بس بتستخدم بالشكل التالي
يعنى ولا حتة انفع اكون مئدية
ده لو قلتلها ان صوتها اللى شبه تزييق البوابه ولا مؤاخذه حلو
وفى الاستفهام التالي العجب :
هو انت شايف انى لما اغنى حسبت وجودى !!
فليس النون والضاد فقط بل الثاء ايضاً قد ضاعت
ومثلا كليمات تعني بها كلمات
ومثلا اربتك تعني قريبتك
وقد تاتيك بجمله مركبه
تجلس دقائق لتستوعب قصدها
مثلاً :
انا عدتن مبحبش اقول يرتنى كتير
بقول ديمن لابكاء على البن المسكوب
ومثلاً :
مش كل اسبوع بترش خوفن منو ولو دخل البيت ممكن تسيب البيت وتمشى
وديمن حئفلين الشبابيك وحطين سلك خوفن منو
الكلام عن الفار
ومثلاً :
مش عيزة اعرف بلاة سوسو
خد ندية
ومثلا :
معئنو موقف صعنون بس اثر فيك جامد
واتمنى بعد ما سبق
ان اكون اوصلت لكم جزءاً و لو بسيطاً
من القاموس النوني الضخم
الذي ارى اقتباسات منه منتشره
فكان لابد من اثبات السبق والحق
للرائعه نوني بوسه
امبارح بس حسيت اني كنت فغيبوبه !!
رحت اغير زيت العربيه لقيته غلى 15 جنيه زياده
رجعت طلبت كنتاكي نفس الاوردر بتاع كل مره
الو .. لو سمحت عاوز واحد ميجا زنجر سوبريم كومبو ..
لدرجه اني بقيت بقولها بطريقه شبه آليه
ويوصلني الاوردر غالى حوالي 8 جنيه !!!
مصاريف الدليفري كانت 3 جنيه بقت 5
واللى يغيظ ان الاوردر من غير كاتشب 
ولما اتصلت بالفرع قالى لازم تطلبه والكيس ببريزه !!
واخدين 31 جنيه وبيقولي بريزه 
امبارح جيت ادور العربيه مش راضيه تدور
افتح الكبوت .. ادور على سير الدينمو مش لاقيه !!
انا مفلس هشتري واحد بكره واصلحها
تفتكروا هلاقيه غلي كام عن اخر مره 
أحدث التعليقات