ده شعار حمله عمر خالد
ومن زمان كنت مستني حمله زي دي تطلع
حمله لمكافحه المخدرات .. مكافحه التدخين
بدل الفتاوي اللى طالعين لنا فيها
مقصدش عمر خالد بموضوع الفتاوي
المهم
عايز احكيلكم حدوته قديمه
كنت قريتها وانا فاولى اعدادي تقريبا
الحدوته دي عن حرب اسمها حرب الأفيون
يمكن قليلين اللى يعرفوها
وخصوصاً اللى كانوا علمي زي حالاتي فالثانويه العميا
سنه 1888 قامت الحرب بين الصين وبريطانيا
نبدأ من اول القصه
الملك جورج التالت ملك بريطانيا طلب من امبراطور الصين شيان لونج
توسيع العلاقات التجاريه بين البلدين
وكان رد امبراطور الصين
ان امبراطوريه الصين السماويه
لديها ما تحتاج من السلع
وليست فى حاجه لاستيراد سلع من البرابره
فمقدرتش بريطانيا تصدر منتجات كتير للصين
وفي المقابل كان التجار بيضطروا يدفعوا للصين الفضه مقابل الشاي والحرير والسلع التانيه
وده عمل خلل واستنزاف لاقتصاد بريطانيا
كانت الهند فى الوقت ده مستعمره بريطانيه
فقامت بريطانيا بزراعه الافيون فى الهند وتصديره للصين
وبدأ الشعب الصيني ادمان الافيون
وبدأت بريطانيا تسترد الفضه اضعاف اللى كانت دفعته
ولما بدات مشكله الادمان تكبر فى الصين
الامبراطور اصدر اول مرسوم بتحريم المخدرات
ومع ذلك استمرت بريطانيا فى التهريب من الهند
وصل الموضوع لان الصيني كان بيبيع اولاده وزوجته وبيته علشان الافيون
وطبعاً بريطانياً اتضايقت من منع الافيون
وقررت حرب الصين لادخال الافيون بالقوه
وكان شعار الحرب وقتها الدفاع عن مبدأ حريه التجاره
زي شعار تحرير العراق كده بحجه اسلحه الدمار الشامل
تقدروا تقروا بالتفصيل عن الحرب هنا
حروب الافيون - الموسوعه الحره
بمناسبه اتفاقيه التجاره الحره
واللي مصر موقعه عليها
واللى بسببها دخلت 900 الف عربيه زيرو السنه اللى فاتت القاهره بس
وبالتاكيد طلع قدامهم مليارات من الجنيهات
علشان الشعب يركب عربيات ويشرب سجاير
انا مبقولش اننا نلغي الاتفاقيه
بس بقول ان الشعب محتاج يتعلم ثقافه
الانتاج .. الدخل العام
مش كل واحد معاه 100 الف جنيه يطلعهم بره البلد
وهو واخدهم من لحم الشعب
من رصيد الدوله وميزانيتها
لو جايبهم من بره مفيش مشكله طلعهم تاني محدش هيلومك
اتمنى تكون الفكره وصلت
الصين اتحاربت لانها تحولت من مستهلكه لمنتجه
واحنا طول عمرنا مستهلكين
وعلشان كده مش هنلاقي رغيف عيش ناكله 
) 
)
أحدث التعليقات