مدونة أحمد هتلر

حصريا على سمعنا وقبل اي حد تاني
أغاني البوم نوال الزغبي الجديد خلاص سامحت
لتحميل الاغاني اضغط هنا

تفتكر لو انت فعالم جديد
خيالي 
معاك البنتوته اللى بتحبها 
مفيش غيركم 
وشويه عصافير 
وورد 
تفتكر هتكون مبسوط ؟؟
تفتكر هيا دي الجنه ؟
ابداً 
آدم وحوا لما انطردوا من الجنه 
نزلوا الارض لوحدهم 
واهي زي ماحنا شايفين 
جحيم ..
تفتكروا لو الواحد قتل الناس كلها 
ومفاضلش غير هوه وحبيبته 
اللى مبتدورش على شقه ومهر 
وعربيه ومظهر اجتماعي 
ووظيفه قياديه 
الدنيا تقف لواتاخرت عن الشغل 10 دقايق 
تفتكروا الواحد هيكون مبسوط ؟؟
بيتهيالى لا 
ساعتها الواحد مش هيلاقى حاجه يفكر فيها 
بس والله اريح !

النهارده بلاوي كتير حصلت 
الاول بس اجدد البوم النهارده
تقدر تحمل البوم كريم ابو زيد الجديد انا عايز اتجوز من هنا

النهارده صحيت الصبح على بابا عمال يزعق 
ويقول "هو لو عنده كرامه ميدخلوش البلد "
مكنتش فاهم ولا مستوعب هو مين اللي يدخل وميدخلوش
لسه صاحي من النوم بقى ومأنتخ 
المهم طلعت من الكهف بتاعي 
لقيت بوش افندي والست كوندليزا هانم 
واصلين مطار شرم الشيخ الدولي
وبيركبوا العربيه الكاديلاك اياها اللى عرض الباب بتاعها 20 سنتي دي 
شكلها عفش الصراحه الريس بتاعنا معودنا على المرسيدس 
نتفرج عليها بس متفهمونيش غلط ..
المهم لقيت نفسي بتلقائيه واحد لسه مأنتخ 
بقوله ماهو لو مدخلهاش ضيف النهارده هيدخلها محتل بكره
يبقى ندخله ضيف احسن
لقيته بصلى بصه من فوق لتحت كده 
وحسيت ان ثوريه جيفارا ولعت جواه 
وبعدين قام مكمل زعيق
ماهو انت واللى زيك اللى هتخربوا البلد وتودوها فداهيه
قلت يا نهار مش فايت 
انا شكلى عملت مصيبه وبقيت من العملاء والعلوج على الصبح 
متلم الدور ياعم صدام بقى اصطبح والنبي 
فين الفول ياجدعااااااااااان ؟؟؟
المهم وانا بفطر قلت ايه الانهزاميه اللى الواحد بيفكر بيها دي ؟؟
ده بدل ما نقول ارواحنا قبل ما يدخلها 
قبل ما كلب زي ده ينجس بلدنا وشرفها واسمها ؟؟
المهم بعد الفطار لقيته قام نازل المكتبه بتاعته 
وعمال يدعبس ويدور 
وقام جايبلي جرنان اخبار اليوم بتاريخ 13/10/1973 
ببص لقيت الجرنان كان بـ 15 مليم وعشر صفحات
قلت ايه هيقولى شفت الجرنان زمان كان رخيص ازاي 
والاسعار ولعت "زي اسطوانه كل يوم اللى بسمعها عند كل 
الجيران  لما بتيجي فاتوره الكهربا اول الشهر "
لقيته بيقولى اقرى اول سطر 
"مصر تحذر من نتائج استمرار تزويد اسرائيل بالاسلحه الامريكيه"

إضغط على الصوره للتكبير

واخد بالك انت من مصر تحذرررررررررررر دي 
قلتله ايه ده 
انتوا كنتوا بتحذروا زمان زي امريكا كده ما بتعمل مع ايران ؟؟
المهم علشان اخلع من الموضوع 
قلتله بص ياحج حسن 
انا النهارده طالع رحله عقبال عند احفادك كده 
رايح صان الحجر اتفرج على اثارات الفراعين اجدادي 
علشان الواحد كده يستمد قوته من الفراعين دول 
ويحس ان له اصل وجذر مدفون فى اعماق التاريخ 
هبقى انزلكم البلوج الجاي صور الرحله بقى 
كفايه عليكوا كده النهارده

تخيل تفتح منتدى 
تلاقي موضوع فيه الف مشاركه 
ويطلع الموضوع بيسالك تقبل تتجوز واحده بتكتب فى المنتديات ولا لا ؟
مش عارف ايه التخلف اللى وصلناله ده 
هو احنا فاضيين قوي كده ؟؟
لا ويطلع كاتب الموضوع ناقله من منتدى اسلامي 
قال ايه واحد راح خطب واحده 
وشافها الرؤيه الشرعيه
عجباني قوي حته الرؤيه الشرعيه دي 
بيتهيالى الناس اللى بعد البحر الابيض وانت طالع كده 
هما بس اللى يعرفوها بجد
انما احنا منعرفهاش خالص 
قال رؤيه شرعيه قال
المهم بعد ما خطبها حدد ميعاد كتب الكتاب 
وراح يقول انا خطبت فلانه بنت فلان << مش عارف انا هيا نكره علشان يعرفها باسم ابوها
المهم قابل واحد زميله قال ما شاء الله خطبت الكاتبه الفلانيه 
فاستغرب …
فقاله فلانه اللى بتكتب باسم كذا فى منتديات كذا 
اختى تعرفها واعترفتلها بالسر << تقولش ارتكبت الخطيئه
فاتصل بيها امها ردت عليه قالها ممكن اكلم خطيبتي << هيا معهاش موبايل ولا ايه ؟؟
وبعدين قالها انتى فلانه اللى بتكتبي باسم كذا فمنتدى كذا 
قالتله اه 
قالها اسف انا لا اتجوز فتاه انترنت << تقولش ياخويا فتاه ليل
وطبعاً بما اني فتى انترنت 
ومش شايف ان دي وصمه عار ابداً 
الا اذا كان اللى بيقرر متخلف همجي من بلاد ما وراء كثبان الرمال 
فانا شايف ان البنت دي ربنا رحمها من المتخلف ده
واقر باني اقبل بان اتزوج من فتاه تكتب فى المنتديات 
وتكتب فى البلوجات وبتسمع اغاني فسمعنا كمان
وبتتفرج على يوتيوب ولا بلاش يوتيوب لحسن فيه حاجات قبيحه
وعندها موبايل وخطين واحد موبينيل وواحد فودافون 
ويمكن اكون اتعرفت عليها فهاي فايف ولا فيس بوك 
بعد كده الناس وهيا رايحه تتجوز 
العروسه تشوف العريس بيشرب سجاير ولا لا 
وهوه يشوف عندهم كمبيوتر ولا لا ؟
وواحد يجي يقولك المنتدى ده مصطبه 
لو ترضى ان مراتك تقعد على مصطبه 
تبقى راجل مش ولا بد 
مش عارف انا هيا قاعده على مصطبه اباحيه ؟؟
ولا هيا كانت مصطبه ابوه ؟؟
كمان كام يوم هنلاقى موضوع هل تقبل الزواج بفتاه تشاهد ميلودي افلام
فين الواد اللى بيتحدى الملل عاوزينه فمشوار ..
احنا نقول عليهم متخلفين 
وهما يقولوا علينا كفار 
وزغرطي يام فاروق

النظام العام في مدينتنا الصغيره فى طريقه للتحسن 
ويتجه اتجاه ملتزم نسبياً 
واحياناً متشدد فى تطبيق القوانين 
البعض ينسب ذلك لمدير الأمن الجديد 
ويقال ان لديه اوامر صارمه من وزير الداخليه شخصياً
والبعض يقول انه المحافظ الجديد 
فبالنسبه للمرور مثلاً 
وقد تم تغيير ادارته بالكامل 
وطاقم الظباط ايضاً 
فنجد نشاط ملحوظ لموتوسيكلات المرور فى الشوارع 
ونجد ايضاً انتشار لعساكر المرور فى اماكن لم نعهدهم بها 
نجد ايضاً كمائن مروريه فى اماكن جديده 
وبشكل يومي على مداخل ومخارج الزقازيق 
هذا غير الكمائن فى الشوارع الرئيسيه 
ونسمع الشتائم علناً فى جهاز اللاسلكي للظباط 
لنستنتج ان النظام اللااخلاقي المتبع مع بعض المواطنين فى الاقسام 
يتم التعامل به مع الظباط والعساكر ايضاً 
وكانه اصبح نظام بهيمي عام
كل هذا جيد في حد ذاته 
ولكن ..
يجب ان يوجد تحرك آخر فى اتجاه متناسب مع التحسينات التي نراها 
فلا يمكن ان نكون متعسفين فى تطبيق القانون 
وان يكون القانون فى نفس الوقت اصم واجوف 
فيجب ان نراعي ان الذي ادى الى الفساد اولاً 
هو صعوبه تنفيذ القانون وتعسفه 
وليس حباً لخروج عن القانون 
فيجب ان نراعي فى القوانين المصلحه العامه للشعب 
فانا لن ادفع رشوه لمجرد ان ادفعها 
فيجب ان يراعى تسريع تقديم الخدمه للجمهور 
اقترح مثلاً ان يوجد نظام مدفوع للتسريع فى تقديم الخدمه 
ان يوجد نظم لتحسين الاداء عموماً 
والا فلن نخرج الا بمزيد من الفوضى 
وهو مالا نريده 
اذا رغبنا فى التقدم فلنتقم بشكل صحيح ..

صباح الخير 
بما ان السنه باينه نكد عليا وعلى اللى جابوني 
وبادئه من اولها بحاجات ربنا يعلم بيها 
كنت لسه فى الجامعه 
بوصل زميل ليا عنده امتحان النهارده 
قابلت مستر هاني عند الكليه زي عوايده ايام الامتحانات
وسالته على مواعيد المراجعه النهائيه والمفروض هروحله الساعه 11
بعد ساعه الا تلت من دلوقتي 
وانا راجع لقيت مشهد غريب قدامي 

لقيت نفسي فحاله غريبه 
لانا عارف اضحك 
ولا عارف انا مبسوط ولا مخنوق 
يلا بقى مووووش فارقه
على راي المطرب الشعبي الشهير "هيا خربانه"
طلعت البيت 
ملقتش غير اغنيه واحده اسمعها
أغنيه نفس المكان عمر دياب
وبس ..