مدونة أحمد هتلر

قاعد بخلص فى موقع للعرب 
لقيت قصيده من ايام العصر العباسي
لشاعر اسمه بهاء الدين زهير 
القصيده اسمها دخلتُ مصرَ غنياً 
ولكم ان تتخيلوا كيف خرج الاخ منها

:: تنبيه : هذا الفيلم قد يحتوى على مشاهد او ايحائات جنسيه ::
حلو موضوع التنبيه ده 
علشان محدش يتفزلك ويقولى فى بنات بتتفرج وعيب عليك 
انا بصراحه حسيت اننا جهله 
فقلت لازم نتعلم شويه 
الفيديو عن كيفيه البووووس "التقبيل بالفصحى "
اترككم لتشاهدوا مالم ولن تفعلوه فى دولنا المتحضره 

آه يا سافل يا أنا ..

من كام ساعه بس نزل الديمو الخاص باجهزه الكمبيوتر للعبتي المعشوقه
نيد فور سبيد برو ستريت 

فى وصلات كتير للديمو 
بس طبعاً الضغط فظيع 
اللينك الوحيد اللى لقيته بيحمل معايا بسرعه كويسه كان هنا 
بيحمل على 46 ك/ث 

عايز كمان انبهكوا لان فى واحد عمل اشتغاله مش محترمه 
ونزل 96 ملف مضغوط على الرابد شير 
حجم كل واحد 50 ميجا تقريباً
على اساس انهم اللعبه 
انا كنت حملت منهم 5 تقريباً
واكتشتف انها ملفات مزيفه 
من احد الاشخاص اللى انتهى من تحميلهم 
وبعد فك الضغط لقاهم 3 افلام مضغوطين 
وشربنا المقلب ..
عموماً
كلها اسبوعين وتنزل النسخه النهائيه …
يا مسهل

- - - - - - - - - - - - - - - - - - - - - - - - 
إضافه لاصحاب الـ SSH حبايبنا اصحاب السيرفرات 
استخدموا الامر ده اسرع انا حملت الملف بيه 
لان الكونكشن معروف عندنا راائع خمسه يشتغل وخمسه نت كت 
wget ftp://dl1.nfsunlimited.eu/nfsps_demo.exe

انتهت قضايانا
انتهت مشاكلنا 
حُلت كل المعضلات
واصبحت تقاريرنا الآن 
لرصد ظاهره التصفيق 
في برنامج "حديث المدينه" ..

طبعا وكما هو معروف للجميع ان عربيتي فل اوبشن
فاللاسف الزجاج الكهربائي بتاع الباب اللى جنبي باظ ولا راضي يطلع ولا ينزل امبارح
طبعاً قلت عليك وعلى الكهربائي يا ولدي 
رحت للـ "فار" << الكهربائي اسمه فار 
المهم الاخ نزل تحت الدركسيون وقام مطلع لفه سلوط طويله عريضه 
وقعد يقطع ويلزق .. وفى الاخر
شغل كهرباء الباب 
جيت ادور العربيه مش راضيه تدور 
ادي اشارات مفيش 
اقلب نور عالى واطي مفيش 
اشغل المساحات مفيش 
قلتله واد انت 
ايه الورشه اللى عامله زي مستشفيات الحكومه دي 
تدخلها عندك برد 
يستاصلولك المراره ..

المهم عمل العربيه ومشيت من عنده والحمد لله 
ورحت دفعت مبلغ محترم علشان اجيب رخصي المسحوبه 
350 جنيه رشوه للرخصتين 
علشان مدخلش الفحص والافلام بتاعه المرور 
يحيا الفساد .. ومع ذلك قررت انى اشيل الفاميه 
لانى معنديش استعداد ادفع كل اسبوع 350 جنيه 

مره واحده منقبه مسكوها فكمين 
وسحبوا بطاقتها 
عارفين كتبوا فى الوصل ايه ؟
مخالفه زجاج ملون .. هع هع 

انا بحسد السعوديين 
الفاميه عندهم مش ممنوع 
علشان "الحريم" محدش يشوفهم !!

الى لقاء ..