مدونة أحمد هتلر

لما تشد هاند العربيه
فوق ارض مبلوله
وتتزحلق بسرعه
عارف انك
ممكن تموت
ومع ذلك
مش خايف
مش عاوز تقف
عايز تفضل تتزحلق
عايز تفضل بين الحياه والموت
حاسس الاحساس
اللى مانتاش عارفه
حابب احساسك
حب صوفي
مش فارقه حياتك
بس روحك .. تهوى حبك 
حب احساسك ..

في جلد كان جمل
وجلد كان حمل 
واهو كله بيتعمل جزمه وحزام وشنطه ..
فى جلد مالوهش لون 
وجلد بالف لون 
لو تغسله بصابون 
يطلع لونه اونطه ..

وبص بص شوف 
يمكن تلقى الديابه لابسه فروه خروف 
يمكن تلقى الغلابه فى أول الصفوف ..
درجن درجن درجن ..

يا شيخ حسني يا جــن 
هع هع هع 

فاكرين الاغنيه دي من فيلم الكيت كات 
لمحمود عبد العزيز ..

افتكرتها لما لقيت ان شعري 
لو طول او قصر بيفرق مع ناس
بيفرق فنظره مجتمع 
لما لقيت اني بنضاره شمس 
بتعامل احسن من النضاره النظر 
لما لقيت اني لما بلبس هدوم غريبه
مبعجبش ولما بلبس نورمال بيعجب 
ولما لقيتني مع كل ده برضه راكب دماغى 
بكره الحلاق وبدوخ على لبس ميمشيش معايا 
بشتري نفس النضاره وكل مره تتكسر لاني بنساها على كرسي العربيه 
وبقعد عليها لما اركب العربيه تاني ..
لما لقيتني شايل موبايل N90 
عارف اني هخسر فتمنه فكام شهر نص تمنه 
عارف اني مش هقدر كمان ابيعه 
ولما بفكر اشترى موبايل جديد 
فكرت فـ N93i 
كل دي حاجات خاصه بيا 
يمكن انا مجنون وعبيط واهبل 
انا حر فنفسي .. حر فتفكيري 
حر فمبادئي حر حر حر 
حتى لو كنت غلط .. لو الناس كلها فطريق وانا فطريق 
مش لازم اعجبكم مش لازم اكون زي مانتوا عايزين 
اه ذكاء ان يتفق ما اريده مع ما يريده الاخرين 
لكن انا غبي !
غبي لو افتكرت ان الذكاء ان يكون ما اريده هو ما يريده الاخرين ..
حد فاهم حاجه ؟؟

يبقى منطقي لو حبيت بنت اسمها منى
لكن مش منطقي لما تحبي واحد اسمه منى  !!
وتبقى مصيبه لو طلع منى ده واحده !!!

ودنك منين يا مبرمج  ..
كنا عاوزين نخلي البرنامج يطبق بعض الاوامر على المدخلات من رقم 1 لرقم 100
يبقى المنطقي اننا هنحط شرط نقول فيه لو المتغير رقمه اقل من 100 او بيساوي 100
ينفذ الاوامر .. ولو غير كده يتوقف ..
بس الحل الأذكى اننا نقول لو المتغير بيساوي 101 يتوقف ونريح دماغناً ..
البرمجه دي مرايه لشخصيه المبرمج ..
لو الانسان معقد وبيحب اللف والدوران .. يبقى عليه العوض فى اللود على السيرفر ..
لو الانسان بيجيب من الآخر زيي كده يبقى اللود مش هيعدي 0.02 زي سيرفري كده

مره واحد لما لقاني كاتب فى الماسنجر ستعود القوميه العربيه 
قالى ايه القوميه دي .. مش دي اللى عندكوا فى الزقازيق ؟
قلت جاهل وعديتها ..
لكن لما اكتب النهارده وفقدت يا اوزون البكاره 
ويجي واحد ويقولى مين اوزون دي ؟؟
اقوله ايه ده

اسلوب قذر جداً 
بيتبعه اصحاب المواقع من المتخلفين العرب ..
وصلتنى رساله النهارده بعنوان 
"انا صديقتك ريم في منتدى روعه ومحتاجه مساعدتك زوجي لايجامعني‏"
معتقدش ان ريم هتحتاج انها تبعتلى ايميل .. 
لو نزلت الشارع هتطلع بمليون واحد ..
بصراحه لم اصدق نفسي 
ان يصل بنا الحال لهذه الوقاحه 
واستخدامنها لهذه الاساليب الحيوانيه 
من اجل اشياء تافهه 
من اجل بضع حمقى يدخلون الموقع ..
واستغلال لقضيه جنسيه بحته 
مع شعب اهم قضايا حياته قضيته الجنسيه 
فهو لا يهتم لان تتحرر فلسطين 
او ان يشنق صدام 
هو يريد ان يسمع هيفاء تقول بوس الواوا
ومش قادره استحمل ..
الحل .. هو في حلين 
واحد التشدد والالتزام ..
التاني بالانفتاح ..
وانا بقى من انصار الانفتاح  
مش معنى كلامى ان كل واحد لسه بيعملها على روحه يفتح موقع بخمسين ريال 
ويقولك " ممنوع دخول الورعان اقل من 18 سنه المنتدى للمتزوجين منتدى ثقافه زوجيه "

بصيت من الشباك 
شفت ماضي 
شفت ذكرى 
كنت فاضي 
بصيت لقيت 
مكتوب عالحيط 
موقع قديم 
دققت فيه 
مكنتش ناسيه 
كنت فاكره  
كل حرف منه 
فاكره لسه 
جريت فتحته 
لقيته لسه 
بيقولي فينك 
من زمان ناسيني 
ولا جيت فيوم 
من الوحده تواسيني 
وانا لسه فاكرك 
وشايل اسمك 
الموقع كان 
http://sharakwaonline.8m.net 

من اول تجاربي مع الويب 
سنه 2004
أحمد هتلر

تدور احداث المشهد في عالم بعيد عن عالمنا 
رحل الاب اليه مع زوجته التى توفت وتركت له ولداً وبنتاً كباقى القصص "الرومانسيه"
جمع الأب ولديه واخبرهم انه يريد ان يحدثهم فى موضوع هام 
قال لهم 
فى العالم الاخر 
قال احدهم ان الدين هو افيون الشعوب 
ثم قال مستدرجاً .. آسف نسيت .. 
الدين هو اعتقاد يعتنقه الشعوب فى العالم الاخر 
يشعرون فيه بالواجب تجاه كيان خيالى يدّعون انه خالقهم 
 ولانى ارى هنا انى ساقوم بدور آدم اول انسان فى العالم الآخر
وستاتي منكم اجيال واجيال 
فاردت ان احدد شيئاً لمن يريد ان يعتنق هذه الفكره منكم ومن اولادكم 
فسالوه وما هو هذا الشيء ؟
قال لهم : كان هناك شخص يقول انه رسول من الخالق 
وكان هذا الشخص دوماً يقول 
انه لا اكراه فى دين فمن اراد ان يؤمن بدين امن به ومن لم يرد فهو حر 
وان الطفل يولد على دين ابيه 
فقالوا له : ماهذا التناقض ؟؟
قال لهم لا شان لكم به 
فانا اعطيتكم الحريه الفعليه 
من يرد ان يعتنق ديناً فليعتنقه 
ومن لم يرد فلن اعاتبه فى شيء 
فسالوه باستغراب 
وانت اي دين اتبعت ؟
فقال لهم 
انا لا أؤمن أصلا بنظريه الأديان ..
ما ادراني ان كان ما قيل لى عن آدم هو الحقيقه ؟
وما ادراني ان آدم نفسه كان يقول الحقيقه ؟
الا يحتمل انه جاء من كوكب آخر مثلى ؟
ما ادراني ان آدم نفسه حقيقه ؟؟
دعكم من هذا الهراء الذي لا يجدي نفعاً
وهيا دعوني اعلمكم شيئاً ينفعكم لتعيشوا حياه ممتعه في هذا العالم اللذيذ ..

أيها الساده / محبي الشعر من مجتمع الويب العربي ;
أما بعد ..
نعلن لكم نبأ اطلاق شبكة شعر للعرب
آخر مشاريع خيمه الإستضافه
فيعتبر اليوم 12/11/2007 هو يوم الانتهاء من الموقع كبرمجه ومحتوى
وهو الآن جاهز للتصفح والموقع قيد النشر الآن ..
يمكنكم زياره الموقع على الرابط التالى 
www.ToArab.net 
الموقع يحتوي على 
50053 قصيدة لـ 449 شاعراً وشاعرة .
أتمنى لكم كل الفائده ..

تحياتي .. أحمد هتلر