مدونة أحمد هتلر

جلس دهراً ينقد شاعراً 
لانه ابدع فى وصف النهدين !!
ونعت ابياته بالوقاحه الأدبيه ..
وأول ما سطر من الأبيات 
كتب عن بلاد ما بين القدمين …

حاسس بملل بيقتلنى ببطء
مفيش طعم للحياه 
اخر مره دخلت فيها الويكيبيديا وقريت عن موضوع جديد كانت من شهرين 
اخر مره شفت فيها فيلم جديد كانت من شهر 
بدأ الملل يخنقني 
بقيت عامل زي انسان عجوز 
بيصحى الصبح يشوف حسابه فى البنك بقى كام 
ومستنى يموت 
ويوزعوا الثروه ..
قلت اما اغير الرتم الممل بتاع الحياه 
نزلت فيلم الكتاب الأسود (The Black Book)
الفيلم بيحكي قصه فتاه هولنديه يهوديه 
فى فتره احتلال المانيا 
حسيت بتعاطف كبير جداً لليهود 
حسيت كمان بشرف مقاومتهم للألمان 
مستغربتش لما كان الالمان بيطلقوا عليهم لفظ ارهابيين 
مسلمين فلسطين كمان بيتقال عليهم ارهابيين 
انصحكوا تشوفوا الفيلم 
الفيلم فيه بعض المشاهد الخارجه 
البطله كانت مجبره تستخدم جسدها 
للدفاع عن قضيتها ..

بفتح المفضله عندي 
كان فى مواضيع ضفتها زمان 
تحت تصنيف سياسه 
لقيت صفحه عن محافظه المنوفيه 
وصفحه عن الإلحاد 
اكتشفت ان فى الفتره اللى ضفت فيها الصفحات دي 
كانت اى معلومات عايز ابقى ارجع اقراها بعدين 
كنت بضيفها تحت تصنيف سياسه 

حاسس بخوف اول مره بحس بيه فحياتي 
بقيت بكره المجتمع اللى عايش فيه 
مش عارف يمكن مينفعش اكتب الكلام ده 
بس اتمنيت لو انى اتولدت فمجتمع غير ده 
وناس ثقافتهم مختلفه عن الوطن ده 
ساعتها برضه كانوا هيعلموني ان افكارهم 
هيا الصح وان دينهم هو الأصح 
وان لو لم اكن منهم لوددت ان اكون منهم 
هما مين دول معرفهمش 
بس اكيد مش اللى انا عايش معاهم …

حاسس كمان بتضارب نفسي 
مش عارف ممكن انساه بعد 10 دقايق 
بس انا من فتره كان لازم ارجع عقلى يشتغل تاني 
واشيل طبقه التراب اللى غطته 
بقى عندي فلسفه استنتجتها
ان الانسان عباره عن كمبيوتر 
مدخلات ومعالجه ومخرجات 
مفيش مدخلات مفيش معالجه مفيش مخرجات 
هي دي معادله الحياه ..
حتى فى الحب ..

بمناسبه الحب 
كنت عايز اكتب جواب لـ "حبيبتي"
زمان كنت لما افتح ايميلى 
اول ايميل ابص عليه اشوفه ايميلك 
الافيكي اوف لاين 
اقعد اقرى المحادثات 
كنت برتاح جداً 
كان ممكن تعدي عليا ساعتين اقرى واضحك 
وابتسم واحياناً ابكي .. واحزن .. وارجع اضحك 
كان كل ايميل يفتح اتاكد هو ايميلك ولا لا 
اكتر من مره كنت اجي ابص على ايميلك 
الاقيكي دخلتى اون لاين فجأه 
كنت بقول يمكن صدفه 
بس انا حاسس انه حاجه تانيه 
ابعد بكتير من انها تكون صدفه 
كنت حاسس اننا زمان اقرب لبعض من النهارده 
كنا بنضحك ونعيط 
كنتي فعلا اقرب انسانه ليا 
وكنت زي ماكنتي بتقولى اقرب انسان ليكي 
او الوحيد اللى سمحتيله يعدي الحدود زي ما بتحبي توصفيني 
لكن دلوقتي بقيت اقعد استناكي وبس 
ومبقتش الاقيكي 
كانى بستنى وهم او شبح 
او حد اداني ميعاد ونسيني 
مع ان عمرنا مكان فى بينا مواعيد 

عموما اتمنى اقدر ارجع احمد تانى 
احمد الكوكتيل 
مش احمد المجوف 
اللى لما رخصه تتسحب علشان العربيه متفيمه 
يحس ان الدنيا انتهت وان البلد ظالماه 
ارجع احمد الواقعي 
اللى بيبقى عارف انه عامل مخالفه 
ومقدر تماما ايه عقوبتها 
وعارف هيتصرف معاها ازاى 
ومقابلها ايه 
احمد اللى قيم الكليه 
واقتنع بانها عديمه القيمه 
واداها الاهتمام اللى تستاهله 
ولما سقط بتلت مواد محزنش ولو دقيقه 
لان اعتبر نجاحه فبقيت المواد اكبر دليل على فشل النظام الدراسي 
احمد اللى مخه طااااااااااااااااااقق 
هوه انا …

كمبرمج ومطور مواقع مستقل 
لا انتمى لاى جهه عمل خاصه كانت او حكوميه 
فمصدر دخلى يتسم بكل تاكيد بالعشوائيه 
ففى فتره تجد الدخل فى افضل ما يكون 
وفى فترات اخرى لا توجد اي اعمال للقيام بها 
وهذا كنت اعتقد انه لا يؤثر علي اقتصاديا 
وخصوصا انى لا اتقيد باي التزامات ماديه 
سوى مصاريف شحن الموبايل وايجار السيرفر وبنزين السياره مؤخراً
لكن ..
مع قليل من التفكير 
نجد ان الاستمرار فى هذا المجال مستحيل بهذه الطريقه 
فلكي اضمن الاستمرار لابد لي من الوصول لدرجه الاستقرار المادي
التى توفر لي دخلاً مادياً مناسباً
يقوم بتغطيه المصاريف الشهريه 
والسماح لى ايضاً بالادخار 
اى بمعنى اصح استثمار 
وبما انى لا احترف في شيء سوى هذا العالم الشبكي 
فكل معلوماتي الاخرى هي مجرد معلومات عامه 
لا تكفى للاعتماد عليها لامتهانها فلا يمكن ان امتهن السياسه 
لانى اعرف معنى الاشتراكيه او الماسونيه 
ولا ان افتى بالدين لاني احفظ ايه الكرسي
او اشتغل في الرياضيات لانى ساقط هندسه 
او اشتغل بالقانون لاني طالب بالحقوق 
لا الاخيره دي ممكن بس بعد 7 سنين ولا حاجه
لكن ياترى ماهو هذا الاستثمار ؟
الاستثمار سيكون فى تنفيذ عده مشاريع 
كان اولها مشروع سمعنا والذي بحمد الله بعد مرور 7 شهور على انشائه 
بدا يقوم بتغطيه تكاليفه 
ومن المتوقع باذن الله ان يبدا فى تحقيق الارباح النسبيه من الشهر القادم 
المشروع الاخر هو مشروع "للعرب"
وكل مشروع له ميزانيته المستقله وتخطيطه المناسب
كاي استثمار على ارض الواقع 
الا اننى لو كنت قد ذهبت لابي لاطلب منه 10 الاف جنيه 
لانشاء موقع انترنت كان قد ضربني بالرصاص 
واتهمني بمحاوله تبديد الثروه 
ولكني اعتقد انى بعد مرور 5 سنوات 
ساكون مليونيراً ..

حصريا على سمعنا وقبل اي حد تاني
أغاني البوم وائل كفوري الجديد بيحن
لتحميل الاغاني اضغط هنا

كترت اليومين اللى فاتوا دول الملاحظات على الموبايل

فقلت اما اخف الضغط عنه شويه

وارمي على مدونتي حماله الاسيه 

وكان يا مكان فى زمن من الازمان كتب هتلر فارس الفرسان

رساله قصيره لفتاه رحمها الله (بيقولوا الرحمه تجوز عالحي والميت )

"وما شرايينك إلا أنابيب ماء بارده"

معلش كنت مخنوق منها شويه …

وطبعا بمناسبه الخنقه ونظرا للخدمه الزباله بتاعه موبينيل

فقد كان لموبينيل نصيب من كلماتي

"موبينيل …. نحن نحتقر العميل"

وجه على دماغى وصف للدنيا حلو قوي

"الدنيا .. تلت دواسات … وفتيس "

معلش العربيه مأثره عليا حبتين 

فى ناس الدنيا بتاعتها دواستين بس دول بقى حباسبنا اصحاب الاوتوماتييييييييييك

اما بمناسبه المباديء الاخلاقيه

"هي لن تقبل أن تفعل شيئاً اقتنعت انه خطا لاجلي 
اما انت فمنذ عرفتك وانت مقتنعه ان مجرد معرفتنا 
هو ذنب كبير ومع ذلك استمريتي بحجه الحب 
يالك من مضحيه …
أفضل أن تكوني منفتحه 
على أن تكوني خائنه لمبادئك .."

مش حاجه تخنق لما تكون راكب عربيتك وتسال واحد تقوله عايز اروح الحته الفلانيه 

يقولك اركب اتوبيس الحته الفلانيه ؟

نسبه الغباء ارتفعت قوي فى الشعب ..

نختتم برؤيه تبسيطيه لبعض المفاهيم الحياتيه

الرأسماليه : الأيد البطاله نجسه

الإشتراكيه : إيد لوحدها متسقفش

وكفايه عليكم كده .. سلامي

اللى بيحصلى اليومين دول 
فكرني باغنيه محمد منير 
قبل ما تحلم فوق .. احلم وانت فايق 
قبل ما تطلع فوق انزل للحقايق ..
موقع سمعنا 
ابني اللى عمره 7 شهور
قررت انى ازود عدد زواره 
وقد كان 
وارتفع عدد الزوار من 13 الف زياره يوميا
لـ 27 الف زياره فى يوم واحد 
الفرق فى عدد الزيارات قد لا يكون كبيراً 
ولكن لقد نسيت ان ابنى مازال صغيراً 
والسيرفر لن يتحمل كل هذا الضغط 
ووجدت نفسي بمأزق بتهوري 
ارتفع استهلاك الباندويث من ~9 جيجا يوميا
الى 70 جيجا والسيرفر باكمله له 500 جيجا شهرياً 
وبهذا الوضع لن يستمر الموقع اسبوع كامل من الشهر 
ارتفع اللود على السيرفر بشكله فظيع 
قررت انزل للحقايق واراجع طريقه برمجه الموقع 
واللى بتعتمد على تحميل ملف الاغنيه من خلال الـ PHP 
وهذا يجعل الاتصال بقاعده البيانات مفتوحا حتى الانتهاء 
وهذا يستهلك الرام بشكل فظيع لانه ايضا يقوم بتحميل ملف الـ PHPعلى الرام
فقررت حفظ الملفات على السيرفر واعطاء الزائر الرابط المباشر للملف 
مما يجعل اللود على الاباتشي فقط 
وكان الفارق شاسعاً 

اليمين قبل التعديل واليسار بعده بالطبع 
لكن لم تمض نصف ساعه من بدء التعديل ووجدت المجلد الذي توضع به الملفات التمب قد وصل لـ 683.55 Meg
فاكتشف ان ما فعلت ماهو الا حل مؤقت 
الى ان يوجد الدخل الذي استطيع به ان اصرف على ولدي 
لادخله مدرسه خاصه (سيرفر أقوي )
تحياتي …

حصريا على سمعنا وقبل اي حد تاني
أغاني البوم محمد فؤاد الجديد ولا نص كلمه 
لتحميل الاغاني اضغط هنا