مدونة أحمد هتلر

جبت ريشتي والواني ورسمتك
رسمت صورتك وجبتها وجتلك 
كنت حاسس انى طفل صغير
نجح فى الامتحان .. بدرجه عاليه
رايح لحضن امه.. معاه شهادته 
مسكتها وقطعتها فوشه
 
اتكسر جواه امل فى بسمه 
امل فكلمه شاطر وبونبونايه 
اتكسر جواه معنى المكافأه 
اتكسر جواه امل فبكره

اترسم على وشه دمعه 
بكل برائه مسحتها 
فاكره ان كل اللى حصله دمعه 
مشافتش حسره جوه عينه 
مسمعتش صرخه كتمها قلبه  
قالتله شاطر
وايه تسوى دلوقتي شاطر ؟

انتى كسرتيني .. 
كسرتي كبريائي لما نزلت دموعي 
كنت باني قصر عالى 
وبكلمه .. ملقتش قصري 
ملقتش ارضي 
تهت فيكي 

اقولك ايه مانا الغلطان 
انا الموهوم وانا الزعلان 

تفتكري هقدر ابعد عنك ؟
ده انتى امى وانا ابنك 

بيفكروني بالذي مضى 
بس الفرق بيني وبينهم انى كنت بنط علشان اطلع من المدرسه
دول بقى داخلين المدرسه 
جيل مكافح بسم الله ماشاء الله عليهم ..
ياريت يبقوا يوطوا البوابه شويه 
لاحسن حد من العيال يقع يتعور ولا حاجه