حاولت الهرب كثيراً
ولكنك تكتشف فى كل مره أنه يجدك
كيف يصل ومتى لا تعرف
يبدأ بالسيطره قليلاً فقليلاً
وبعد ذلك يبدأ في التحكم بك كلياً
ما بك أتخشى ذكر إسمه
لا تخاف .. فهو بداخلك
نعم إنه الحب ..
لا تحاول اقناع نفسك
لا تكذب مشاعرك
لا انها ليست علاقه أخوه
أو حتى صداقه
أو حتى إعجاب
نعم إنه حب صريح
لماذا دوماً تنكر وتهرب منه
حاول ان تجرب ولو لمره
انه اسهل من قطار الموت
مواد هامه لكل مواطن مصري
تنص المادة 71 من الدستور المصرى على آلاتي :- يبلغ كل من يقبض علية أو يعتقل بأسباب القبض علية أو اعتقاله فوراً ويكون له حق الاتصال بمن يرغب إبلاغه على وجه السرعة بالتهم المواجهة إليه . . . . . . . . . الخ .
كما تنص المادة (41) من الدستور المصرى على " فيما عدا حاله التلبس لا يجوز القبض على أحد أو تفتيشه أو حبسة أو تقيد حريته بأى قيد أو منعه من التنقل إلا بأمر تستلزمه ضرورة التحقيق أو حماية أمن المجتمع ويصدر هذا الأمر من القاضي المختص " أو النيابة العامة "
وتنص المادة (42) من الدستور المصرى على أن " كل مواطن يقبض علية أو يحبس أو تقيد حريته بأى قيد تجب معاملته بما يحفظ علية كرامته ، ولا يجوز إيذائه بدنيا أو معنوياً كما لا يجوز حبسه أو حجزة فى غير الأماكن الخاضعة للقوانين الصادرة بتنظيم السجون "
وأكدت المادة 57 من الدستور المصرى على أن كل " اعتداء على الحرية الشخصية أو حرمة الحياة الخاصة للمواطنين وغيرها من الحقوق والحريات العامة التى يكلفها الدستور والقانون جريمة لا تسقط الدعوى الجنائية ولا المدنية الناشئة عنها بالتقادم وتكفل الدولة تعويضاً عادلا لمن وقع عليه الاعتداء " كما حرمت المادة 280 من قانون العقوبات القبض أو الحبس أو احتجاز الأشخاص بدون أمر الجهة المختصة .
هو الشعب المصري ده شعب الكسل ؟
يمكن الحكومه بتحطلنا حبوب كسل فى الميه
ولا تكونش اسرائيل ..
حد عارف حاجه ..
حاجه تفرقع .. بقالى نص ساعه مستني تاكسي يوديني الحمام !
بعد كده هشتري بامبرز .. حاجه تفلق 
نفسي اروح الجامعه .. بس النوم أكيد أحلى ..
نفسي أشتغل .. بس مش هشتغل إلا لما أفلس
انا عارف نفسي لما بفلس بشتغل .. طول ما في فلوس فى تناحه
مش انا لوحدي مصر كلها كده نادراً إما تلاقي حد بيعمل اللى عليه إلا وهوه قرفان
منهتمش بالقانون إلا لما ناخد على قفانا
منعملش مظاهرات إلا لما يضيع حقنا
منشتغلش إلا لما نفلس
منرحش الحمام إلا لما نتزنق 
مش اي زنقه .. لازم نتزنق قوي ..
إف إيه الريحه الوحشه دي مين اللى عملها في المدونه 
مش ملاحظين معايا الموضوع ده ..
ايام ما كنت فى الهندسه كنت بحضر إجباري
لأن في تسجيل للغياب والحضور وعليهم درجات .
إنما فى الحقوق .. طنش تعش .. ممكن أنزل لو في ميعاد مع بنتوته جميله هتزعل لو طنشتها .. واحيانا تتفلق فى مقابل اني افضل تحت البطانيه الدافئه باتفرج على روتانا أحلام مش هتقدر تفتح عنيك ..
ليه إحساسنا بالواجب دايماً مبيتواجدش إلا لما يكون فى إحساس بالعقوبه والإيلام
يمكن إتعودنا على كده من واحنا صغيرين
منحلش الواجب إلا علشان منتضربش
حتى ماما كانت دايما تقولى حل الواجب علشان ميضربكش المستر
ذاكر كويس علشان تحل فى الإمتحان … درجاتك لو وحشه هتاكل علقه
لو الباص فاتك مش هتاخد مصروف النهارده
وبقى الطبيعي بالنسبالى دلوقتي ان اي حاجه لازم يبقى في عقوبه علشان أعملها ..
كنت بستغرب من الشرط الجزائي فى حاله التأخير ..
عرفت دلوقتي اتعمل ليه ..
ان شاء الله أطفالى مش هعمل معاهم كده …
مش عايزين تحلوا الواجب عن امه ما اتحل
مش عايزين تروحوا المدرسه بلا مدرسه بلا وجع دماغ
مفيش احلى من الفشل .. خليكوا فشله زي ابوكو … يلعن ابوكو
تيررم تيررم ده أنا حتى بفكر اسمي بنتي تيررم .. هع
ممكن برضه ليه لا .. ده حتى إسم جديد ومش نمطي
تيررم تيررم ..
كان المفروض انى انزل يوم التلات والاربع بس بما انى مدمن نوم والجو بدأ يسقع
فانا عامل بيات شتوي …
كان المفروض انى اروح الجزب الوطني علشان اعمل عضويه
آه علشان أتمتع بحقوقي السياسه .. هع هع
بيقولولي إنت منافق رايح للحزب الوطني علشان هو حزب الأغلبيه والحزب الحاكم ..
قلتلهم يا جماعه الحاكم فمصر هو مبارك مش الحزب الوطني
مفهمونيش ..بتقولوا ماهو الإتنين واحد .. ممكن برضه مادام مقتنعين بكده ..
قلتلهم يا جماعه لما يبقى عندنا خلل لازم نحاول نصلحه وان كان مفيش مجال لحزب تانى غير الوطني يبقى نصلح من داخل الوطني ..
فهمتوا حاجه ؟
يقولولي من إمتى الكلام ده مانت طول عمرك بتقول ان النظام الفاشل يجب بتره وإنشاء نظام جديد ..
والله ياجماعه بقى مش فكل الحالات مادام في أمل ان النظام الحالي يتصلح
والله انا حاسس ان صحابي دول شراقوه مش عارف ليه
كنت امبارح في الجامعه .. معرفش كنت نازل ليه الصراحه .. مفيش سبب هام
اهو تضيع وقت وتغيير جو ..
علاقاتي النسائيه فى تدهور اليومين دول مش عارف ليه ..
بس شكلى كده هدور على علاقات جديده .. مانا اصلي زهقت من القديم ..
مش كل القديم
انا كل ما بنزل الجامعه (بنزلها نادراً) بكتشف حاجات جديده وغريبه
ممكن بالنسبه ليا بس بالنسبه لناس تانيه حاجات عاديه لانهم بيشوفوها كل يوم ..
من الحاجات دي الست لبنى اللى بعضنا عارفها ومتصاحب عليها كمان
لو عايزنها هتلاقوها عند كليه علوم قدام مدرج شلبي
بتعدي كل يوم من هناك وبتقف مع الطلبه وتتكلم معاهم ..
لما كنت بشوفها من بعيد وعلى حسب ما سمعت من الطلبه افتكرتها مختله عقلياً
لكن لما تقرب منها وتتكلم معاها هتلاقي انها تنفع مصلحه اجتماعيه او دكتوره نفسيه !
اسلوبها فى الكلام بيدل على شخصيه راسخه ورزينه من وجهه نظري مع انى متكلمتش معاها كل الموضوع اني شفتها بتتكلم مع واحد صاحبي .
الله اعلم وجودها فى الجامعه شرعي ولا لا ممكن تكون موظفه فى الجامعه كفراشه او اي شيء آخر الله اعلم .
لكن اندماجها وسط الطلبه اللى شد انتباهي ليها وكتره كلام الشباب عنها شوقني انى القى نظره عن قرب
عموماً قريب هبقى اكتبلكم تقرير عن الست لبنى ..
حاجه تانيه من الحاجات اللى شدت انتباهي هيا الأطفال المتسولين ودول بقى منتشرين برضه عند طب وهندسه وعلوم هتستغربوا انهم بيروحوا لكليات القمه ..
اقولكوا ليه الموضوع مالوش دعوه بالتنسيق
كل مافى الموضوع ان الطبقات العليا من المجتمع وولاد الذوات بيبقوا قاعدين هناك بيمارسوا نشاطاتهم اليوميه والجامعيه ..
وسايبين بقى الفلاحين والطبقات الدنيا من الشعب عند تجاره واداب وحقوق وتربيه
ممكن تلاقي شويه من الأغنياء عند تجاره انجليش بس معندهمش شحاتين ..
ممكن لانهم مزروعين فى وسط الفلاحين
وطبعاً المتسولين الصغيرين تلاقيهم عند الشباب اللى معاه فلوس
هما اعدادهم مش كتير بس ملحوظين وده لانهم كلهم فى متوسط اعمار 6-10 سنين وبالتالى الفرق السني بينهم وبين السن المفترض وجوده فى الجامعه واضح ..
ليهم اساليب غريبه فى التسول وجديده فنفس الوقت ..
طول عمري كنت بنزعج من المتسولين فى القطارات وهرباً منهم كنت بركب فى العربات المكيفه .
يوم الإتنين وانا امر بجوار هندسه انا وبنت طويله شويه نطت لنا واحده من الشحاتين
ياريتها كانت بتبيع حاجه مناديل مثلاً
كان باين عليها مش ناويه تسبني الا ما تاخد ربع جنيه ومسكت فرجليا وحلفت بالطلاق ما تسبني الا ما تاخد الربع جنيه .. يابنتي مبشيلش فلوس فكه
قالتلى هات نص جنيه … عبيطه دي ولا ايه
وطبعاً الموقف كان محرج فالبنت اللى معايا اديتها ربع جنيه 
قعدت تدعي بقى ويارب تتجوزها ..
اتجوزها 
هاتى يابنت الـ … الربع جنيه …
وطلعت تجري قلت انا مش هسيبك النهارده ..
وراكي وراكي ..
مفيش شويه ولمحتها عند الكافتريا وراحت مديه للبنت اللى قاعده على الكاشير الربع جنيه الفضه اللى خدته من البنت وخدت منها ربع جنيه ورق ..
وكمان بتعملي تبادل عملات !
البت دي شكلها بتشتغل فى الفوركس
هو إيه الفوركس ده؟؟
مش موضوعنا مفيش شويه ولقيت العسكري معلقها من قفاها وطالع بيها بره الجامعه .
انا بقى عرفت كده طلعت ازاى من الجامعه فاضل الاهم وهو انى اعرف دخلت ازاى !
قريب هعرف كل حاجه عن المتسولين دول ..
قال اتجوزها قال .. مش فاهم انا ايه حكايه الجواز دي .. ده ابويا كمان عايز يجوزني ..
الناس دي جرالها ايه بس ..
جواز ايه يا جماعه .. مش متخيل نفسي ماشي فى الشارع بعد سنه وعيل بيجري ورايا يقولى بابا اوبح ..
اوبح ايه يابن الكـ … يلا ياض من هنا ياض غور على امك ..
خخخخخخ هع هع هع
قال بابا قال ..
كفايه كده بقى .. وسلامات ..
فعلاً ومع مرور الوقت يكتشف الإنسان أننا فى هذا الزمان نعيش فى حرب دائمه
حرب ذات معارك يوميه .. وأنت فى هذه الحرب إما منتصر وإما مهزوم
إما قاتل وإما مقتول ..
كل يوم يتأكد لي ذلك ..
وأنت فى هذه الحرب يجب أن يكون لك حلفاء كما لك أعداء
ومن الغباء أن تتحالف مع الأغبياء
قالها شاخطاً فيا الأستاذ اللى باخد عنده درس
كان بيشرح جريمه الإغتصاب
وقال ان جريمه الإغتصاب في القانون المصري لا تقع إلا على أنثى
اي انه يجب أن يكون الفاعل رجل ويقع الفعل على أنثى !
قلتله يا أستاذ :
انت قلت إن الإغتصاب يقع على أنثى أفهم من كلامك إن لو حدث العكس وتم إكراه الرجل على ممارسه الفعل الجنسي من قبل أنثى ده ميكونش إغتصاب ؟
قالى لا ..
قلتله ازاي أعتقد إن الحالتين واحد ؟
قالى مفيش نص قانوني النص محدد الأنثى فقط كضحيه
لما تم تشريع القانون لم يتصور القانون قيام المرأه بالإغتصاب المعروف هو قيام الرجل بتلك الجريمه وليس المرأه .
يا أستاذنا
يعني الرجل لو تم إغتصابه من قبل أنثى متبقاش دي جريمه إغتصاب
قالى لا يابني إنت مبتفهمش
قلتله يعني احنا مفيش قانون يحمينا كرجاله ولا ايه ؟
قالى لا وهو انت تطول تغتصب
يانهاررر … إنت بتتكلم بجد يا أستاذ
ايوه ياحمد مفيش نص قانونـــــــــــــــي !!!
وقال ايه بيطالبوا بالمساواه
عليه العوض فى الرجاله ..
افتكرت المناقشه دي لما قريت نفس الموضوع
بس عن التحرش الجنسي مش الإغتصاب فى موقع عرشينيات
التعليق رقم 6
http://masr.20at.com/article.php?sid=1150
—————————–
كلية الحقوق – محاضرة القانون المصري
الدكتور : ويعاقب القانون المصري في جريمة التحرش الجنسي بأنثى.. بعقوبة الحبس والغرامة.. وفي حالات بعينها.. تصل العقوبة إلى الإعدام..
الطالب : بعد إذنك يا دكتور.. هي العقوبة بتطبق في حالة إن المتحرش به يكون أنثى.. يعني لو تم التحرش براجل.. بتكون إيه العقوبة..
(ضحك في القاعة.. ويقوم الدكتور بطرد الطالب صاحب السؤال ويقول في سره : أعوذ بالله.. أستغفر الله العظيم.. هو ممكن الفجور يوصل لكدة؟؟)..
صوت من خارج الكادر : ممكن يا دكتور!
——————————
ياترى انتوا فين يا رجاله مجلس الشعب من قصور القانون !
امال ازاى الراجل والست واحد قدام القانون .. ازاااااااااااااي ؟
أحدث التعليقات