مايو 30
كل سنة وإنت طيب يا أنا
النهارده 30/5/2006
تميت بالضبط كده 18-19 سنه تقريباً الله اعلم هما كام بالضبط
انا بقى بكره عيد ميلادي ده
بيجي فى وقت غبي دايماً
وقت الإمتحانات
طيب احتفل بيه ازاى انا
حاجه تغيظ
مايو 29
I Think Ill Be Good Designer
And Good Thief Also
Really .. I cant Forget Her Eyes
مايو 29
إذا أردت أن ترتدى قبعة الإخفاء
فهذا ليس بمستحيل
كل ما عليك ان تجد مجتمعاً منغلقاً
كل أهلة يفقدون حاسة الإبصار ..
مايو 25
كانت البداية
وصارت في النهاية ككارتون ..
وبألوان الماء
الصوره التقطت بتاريخ 22-5-2006
مكان التصور محل عمى محمد رحمه الله بشارع الحمام بمدينة الزقازيق
SMS للإتصالات حالياً ..
تم التصوير بموبايل احمد ابن عمي والتعديل بواسطتى ..
مايو 24
خائنه .. تخون الحب ..
عن أي حب تتحدث يا معتوه ؟؟
وهل كنت في اي يوم تمثل حباً لأحد ؟؟
امازلت تعاند ؟؟ ما انت الا مجرد سراب
ما انت الا هامش فى الحياه
من انت بالنسبه لاى انسان ؟؟
فلتجابه نفسك بالواقع يوماً
ما انت الا مجرد جسد
انسان بلا روح !!
اعد حساباتك من جديد
فلقد مر طويل وقت منذ اخر حساب 
حاول ان تكون عملياً بدرجه أقل
هناك روح ومشاعر
لا تساوى عندك الا اموالاً
قروش وجنيهات
الى متى ستتجاهل وتهرب
لم نعد فى زمن الجوارى والعبيد
لن تنزل سوق النساء بمالك اليوم
المرأه لم تعد تشترى يا صديقي
اصبحت الان تنادي بالمساواه
حتى فى العسكريه !!
طبعاً فهم ليسوا بأقل من الرجال فى الوطنية ..
قد نسمع فى يوم من الايام عن تحرير فلسطين
على يد المجاهده اللواء ساندي
ابحث عن طريق آخر غير قروشك وجنيهاتك
اقرأ القصائد والأشعار
اسمع السيمفونيات وشم الأزهار
اطلق لحروفك العنان
اصنع لها من كلماتك طوقاً ذهبياً
اجعل لها الايام وساده وردية
ارسم لها الحياه مملكة انت قيصرها
وهي مليكتها المدللة ..
اتمنى ان تكون فهمت ..
فالاسماك في البحار قد فهمت ..
بتحب عليا .. هو انت كنت يوم بتحبني
مش داري بيا ..
وبالك لو جيت في بالك !!!
مايو 21
أجلس وحدي سارحاً لوقت طويل …
تمر الدقائق والساعات
اتخيلها تجلس فى آخر الغرفه تبتسم لي بابتسامتها السحرية
تنظر لي محدقه بعيناها الرائعتان ..
مالك يا قلبي تدق في خوف ولهفة
أمُعجب أنت بها ؟؟
ليست بتلك الفتاه فائقه الجمال التى كنت تبحث عنها
أخالك تتحدى نفسك
أستعود لحالات جنونك ؟؟
حسناً فأنا أعرفك جيداً ولا مجال لتحديك ..
لكن كيف ستمضي فى الطريق ؟؟
ماذا ستفعل .. عهدتك عاقلاً فى أقصى لحظات جنونك …
نعم أرى أنها أيضاً منجذبة ولكن لا مجال للإعجاب فى زماننا هذا
ومصيبتك الكبرى أنك تخاف
تخاف من عيناها .. من شعرها ..
تخاف حتى من النظرات ..
أتذكر أول مرة حينما خاطبتها .. أتذكر رجفتك أمامها وتعثرك فى الكلمات ؟؟
أنسيت فى أول مكالمه بماذا رددت عليها ؟
لا ليس خطأك قلة خبرتك مع الجنس الآخر ..
فكما قيل لك كثرة التجارب تنتج موت المشاعر وتبلد الإحساس ..
وتُزيد أيضاً من عمق الجروح ..
منذ متى وانت تفكر فى فتاة ؟
منذ أول مرة رأيتها
لقد تأكدت من ذلك
ستمر الأيام وسنرى ماذا يُخبيء لنا الدهر يوماً بعد يوم ..
الشاعر التائة مؤقتاً 
أحمد هتلر
مايو 15
الاثنين 15 مايو 2006
آه هي بقت موضه والله
كل واحد فى البلد دي بقى فاكر نفسه جيفارا
وكل واحد عاملى فيها ثوري
كل واحد فى البلد دي لما بيغني بيبقى فاكر نفسه عبد الحليم ولما بيلعب كوره بيبقى فاكر نفسه رونالدو ولا بيكهام
اوعى حد يفتكر نفسه مبارك ولا حاجه
يعني مثلاً الأخ علاء
بزمتكم مش شبهه
الواحد صاحي من النوم فى امان الله
نازل الكليه يلاقى واحد اسمه حسن الحيوان مقبوض عليه
ومحاكمته فى المحكمه اللى جنب كليه الحقوق فى ميدان الزراعه فى الزقازيق
وايه خمسين عربيه اللى تبع الفرقه 8 والفرقه 18 والفرقه 180
حاجه تخنق
الواحد ميعرفش يقضي يوم رومانسي فى البلد النحس دي
مش فاهم انا مين حسن الحيوان ده اللى عاملينله مظاهره
تقولش تامر حسني يا ولاد
المهم بقى عايزين نعرف ايه السبب فى القبض عليه ومحاكمته
المتظاهرين
نطالب بالغاء قانون الطواريء << هوه مال الحيوان والطواريء ؟؟
واحد تانى بقوله مين الحيوان ده ؟؟ بيقولى ده دكتور بيطري
وبعدين لمحت عباره الاخوان المسلمين
فهمت علطول
هوه يستاهل يتقبض عليه الصراحه
المهم بقى المفروض ان الكليه بتاعتنا مخلصه محاضرات من امس
حلوه امس دي وامسيكم بالخير وكده
المهم انا كنت نازل ليه مش عارف
نزلت قابلت طارق ورفعت كان معايا
والصراحه طبعا يعني وكما هو معروف عننا اننا شعب متحضر وكده جبنا قلم وقعدنا نكتب اسامينا على الحيطان
كان المفروض انى عندي درس الساعه 10 عند مستر علاء
وبعديه درس الساعه 12 عند مستر على
والفاشل المنحرف ولا درس راحه
برضه لازم نشارك اخواننا الفاشلين وجدانياً وروحياً ..
انا فكر ابقى جيفارا المصري على المدى البعيد
وبعد كام يوم هبقى ابعتلكم صورتي من المعتقل .
حاجه تفلق ..
سلام ..
أحدث التعليقات