أبريل 14
مساء الخير
على انغام عبد الحليم وفاتت جنبنا
وبحبك يا اسمرانى
رفعت كان بيكلمنى من شويه في التليفون
واتراهنا على ربع جنيه انه هيخلى (*سوسن) تلبس ميني جيب وتيجي الكليه بشعرها وبعربيه مرسيدس
شيطان انا صح ..
لا وباباه بيقولى تعالى اديك دروس علشان تظبط البنات
طارق كان لسه متصل بيا على الموبايل علشان ننزل بكره الجامعه نشوف النتيجه اللى مش ناويه تطلع في سنتها
الواد ده باباه مطلع عينه قوي مش عارف ليه ماكان في الامارات ومريحنا منه …
انا عملت موقع جديد لرفعت ولطارق ولبنت الجيران كمان ولو حد عايز يعمل موقع يقولى
يلا مهرجان دومينات ببلاش !!!
* سوسن كنايه عن البنوته الجميله قوى اللى عايشه ورفعت قصه ديمورومانسيه … < < بلاش فضايح ..
أبريل 14
ضافنى امبارح ايميل باسم مدير منتديات موقع عمر خالد ..
المهم بالصدفه النهارده كنت اون لاين فكلمته
الصراحه نسيت اسمه بس قالى انه شغال فى شركه زاد (للبرمجيات)
ومعاه ليسانس اداب ان لم تخني الذاكرة ..
ام هند لقيته بيقولى انت بتشتغل ولا بتدرس
قلتله الاتنين قالي ما شاء الله
لقيته بيقولى عايزك تعلمنى PHP
شفتوا انا بقيت باطلب بالاسم ازاى
دليته على وصفه حلوه قوي
موقع ارسن وقلتله تفاعل فيه وبعد كده اشترى كتاب البي اتش بي للمطورين مع قواعد MySql
وبعدين هبقى اروحله في الصيف اديله دوره ..
الدنيا غريبه يا انشراح
أبريل 14
النهارده الأربعاء 12 ابريل
حاجه تخنفق المدونه دي مفيهاش تقويم ميلادي الظاهر المبرمج جاى من مجاهل صحراء السعوديه وكان مبرمجها فخيمة من الى هناك
عامل التقويم هجري الباشا
ام هند انا نازل الجامعه على الصبح كده
طارق اتصل بيا
طبعا محدش عارف طارق مين
هبقى احكيلكم عن طارق وكل اصحابي بعدين
ربنا يستر والنتيجه تطلع بقى الواحد زهق من الكليه الكئيبه دي …
اسيبكم بقى واروح اجهز علشان انزل ..
أبريل 11
نظراً للمشكله التى حدثت في قاعده بيانات المنتدى وأدت إلى فقد كل البيانات
فلقد تم تحويل الموقع إلى مدونه شخصيه خاصه بي فمرحباً بكم في موقعي الجديد …
أحدث التعليقات