مدونة أحمد هتلر

فعلاً غريبة يا إنشراح ..

انا كنت فمصر امس <<< حلوة امس دي
كنت عند احمد زفت
عملتله المنتدى بتاعه www.zeftawy.com
واد رايق
ام هند وطلعت المقطم وقابلت شريف واحمد عبد القادر ونزلنا طلعت حرب واشتريت كرافته وحزام D&G

آه صحيح انا كنت مسافر علشان ابعت الـ DVD لمحمد عن طريق DHL
اتصلت بـ 8000 وخدت رقمهم اتصلت بيهم قالولي تكاليف الارسال 770 جنيه … احيييه
انا اروح الكويت اديهاله احسن ولا ابعتها مع اي واحد في المطار رايح الكويت .. خخخخ

وانا مروح بالليل انا ورفعت في البيجو اللى خدناه من عبود وقفنا فكمين شرطه وبيقولى انت بتشتغل ايه ..
شكله ميعرفش احمد هتلر
طلعتله كرنيه الكليه بتاع الحقوق قالي اتفضل ياباشا

انا في الشركه علشان الهارد بتاعي باظ سلمته وراح الضمان وقالولي عدي علينا بعد اسبوع

وهروح اشوف حد يشترى الراوتر القديم ودفعت مقدم الابتوب الجديد ..

بيقولوا مش عارف مين لما يفلس يدور في دفاتره القديمه

اهو انا بدور بقى

عليا 1800 جنيه مش عارف هجيبهم منين

انا مخنوق جدا من كل حاجه

الهارد بتاع الكمبيوتر الجديد بااظ والشركه خدوه صيانه وقالولي عدي علينا بعد اسبوع مش مهم عندى الهارد انا عايز شغلي اللي عليه

واحد عميل كويتي اسمه طلال باعتلى رساله بيقولى انى نصاب

اعمل ايه معنديش كمبيووووتر ايه مش مفهومه دي

وعندى خمسين شغلانه لازم اعملها ومش عارف ارتب نفسي ازاى

رجعت تانى للهارد القديم 10 جيجا

وقولوا معايا .. منك للة يا هيثم …

غريبه يا إنشراح .. وهي دي مصر يا سوسن ..

نمطيه بلا حدود وتخطى للمعدود المردود ..

صباح الخير علي مصر الحلوه والنيل الصافي

صباح الخير على عيون اجمل بنات مصر

طارق اتصل وكلمت رفعت ونازل الكليه < < تقدم ملحوظ ونشاط مفاجيء

شحنت امبارح كارت 100 علشان عرض السنه و 80 رصيد

كنت مع احمد طاهر للساعه 2 بالعربيه بنلف فى المدينه العتيقه الزقازيق

هي صحيح اسمها ممتع ومختلف بس نمطيه بطريقه غير معتادة ..

اسيبكم بقى وانزل الكوليدج ..

صحيح نسيت اقولكم

قابلت امبارح مين في الكليه نهال واااااو انا بموت في البنت دي

نهال نجحت والنكته انها جابت 3 مقبول وواحده جيد زي

باي بقى ولو حصل حاجه هكلمكم ..

حاجه ممله هيثم ده
انا بقالي 3 ساعات عايز اعمل DVD
وكان المفروض اني هسافر القاهره النهارده واقابل احمد مسعد علشان اعمله موقعه “زفت” وكنت هبات عنده بس ميعاد اخر قطر مشي ..
انا كنت في محطه القطر وكان عندي ميعاد
انا هروح اشوف الزفت الـ DVD ده لاني لازم ابعته لمحمد الكويت بكره ..
يلا سلام …

السبت 15 ابريل 2006

الساعه 8.30

ترن ترن

طارق بيتصل من البيت

الو
صباح الخير هتلور
صباح الخير يا طارق
ايه صحيتك من النوم
لا ولا يهمك يا باشا
انا نازل الجامعه دلوقتي
انا هقوم البس واجيب رفعت واجي اهه
اوك باي
باي

خخخخخخخ

الساعه 1

ماما
انت هنا منزلتش الجامعه
خخخخخخخخخ
يابني قوم ابو جوز خالتك مات
خخخخخخخخ
يابنى قوم عزي في الراجل
خخخخخخخ
الواد ده هيبقى راجل امتى مش عارفه
خمس سنين كده ياماما
قوم يابنى عيب كده روح مع جدك وخالك اعمل الواجب
ابوك مش هنا روح بداله
لما يجيب العربيه هروح واوديك تعزي انتى كمان
طيب مش لما يجي من اسكندريه يابنى
بقاله اسبوع فى اسكندريه

الراجل ده شكله متجوز واحده هناك

خخخخخخخخخخ

الساعه 4 العصر

ترن ترن

مين
انا
مانا عارف ان انت … انت مين بقى ؟؟
نسيت صوتي
بااااي

خخخخخخخخخخخخ

الساعه 5 المغرب
يالهوي انا مرحتش الجامعه
يادي النيله كان عندي ميعاد النهارده

بكره بقى

كلمت رفعت عند على بابا
ابوه لقالى واحد يعمل الرخصه بالف جنيه
وهيمضي وصل امانه لغايه ما يعملها

الله الغني ياعم انا اللى بنصب على الناس يتنصب عليا ..
الواد نسي انى في كليه القانون “حقوق”

هبقى اقولكم لو فيه جديد ..
برب

النهارده الجمعه
أول مره يعدي اليوم “خنيق” كده
معرفش ليه انا مكنتش فى المود العادي
اتنرفزت جدا لما سمعت ان في واحد “حيوان” مع الإعتذار إسكندراني
المتخلف البني ادم اللى ميستحقش الحياه ولا يستحق يكون مصري
دخل 3 كنايس تقريبا وكان معاه سكينه وجرح فى كل كنيسه 2 مسيحين
وفي واحد منهم مات واتقبض عليه فى الكنيسه التالته
والدته بتقول انه عنده انفصام فى الشخصيه
مش عارف ازاى عنده انفصام ورايح يقتل مسيحين بالتحديد
ومختار 3 كنايس
ربنا ينتقم من كل اللى بيفكر يعمل كده ويشل ايده قبل ما يفكر يإذي اي واحد مصري زيه بالطريقه البشعه دي ده لو في يهودي مصري مش هعمل معاه كده
منهم لله انا اتخنقت من كل حاجه
المفروض ان في قدام كل كنيسه 2 عساكر كحرس
المفروض ان في وزير داخليه متخلف حصلت تفجيرات شرم الشيخ ولسه فمكانه متشالش ..

أنا أطالب بسجن هذا الوزير لتقصيره وإثبات فشله على مدار السنتين الماضيتين

لأمتى كل يوم حوادث
السيد مبارك انا حاسس انك مبقتش زي الاول … مصر بدأت تتغير
وللأسوأ

الله اعلم بكره مخبي ايه

ياه اخيرا الواحد نجح

لا وايه بتقدير مقبول

انا نجحت لاول مره في تاريخي مع الجامعات

بعد الفشل المحبط في الهندسه السنه اللى فاتت شايل 7 مواد

وكمان جايب في ماده جيد

استنونى بقى لما اجيب العربيه الكاديلاك بتاعتي بمناسبه النجاح

بابا في اسكندريه وبعتله sms من بص وطل

ونسيت الجاكت بتاعى في الكليه <<< كان فرحان قوي وبيتنطط

ابن اللذين بتاع الكافتريا خد 10 جنيه علشان يجيب النتيجه من الكنترول

اصلي مكانش معايا رقم الجلوس <<< مسطول أنا من زمان

كلمت طارق على التليفون وباركلي

وهبعت رساله لكل حبايبى وخصوصا حبيب قلبي احمد عبد القادر وتحياتى

لكل زملائي في مودرن اكاديمي هندسه ..

انا بفكر اطلع رحله شرم الشيخ ولا حاجه بقى ترفيه

عقبالك يارفعت بدعيلك انت وطارق من كل قلبي ..