أولاً ميرسي لكل اللى اتصل بيا واتطمن عليا .. وانا الحمد لله بدأت استعيد صحتي يا جماعه وبروح الإمتحانات ولسه عايش ..
وإن شاء الله هرجع تانى لمدونتي حبيبتي وارجع اكتب واكتب لغايه ما اصدعكم ..
صحيح انا بقالى فوق 8 ايام خارج نطاق الخدمه
ومنزلتش من البيت غير مرتين مره لمستشفى الحرمين فى القوميه والمره التانيه لدكتور صدر معرفش اسمه ايه ..
امبارح كنت خالص بموت .. بابا نزل يجيبلي دكتور .. تخيلوا جايبلى دكتور نساء وولاده .. الراجل ده هيجنني ..
النهارده كان عندنا امتحان مدني فى الكليه .. وانا مكنتش مذاكر اى حاجه لان كنت بموت وكويس ان حضرت اساساً وربنا سهل وحليت شويه .. نوني ونسمه كانوا قاعدين يذاكروا قبل اللجنه ويقولوى السؤال بتاع النيابه ده جاي السؤال ده جاى والله ذاكره .. وقعدوا يذاكروه هما … انا حليت وهما محلوش وطالعين هيموتوا بعض ..
كفايه كده انا فقدت الروح الكتابيه .. او يمكن الوحي الكتابي .. او يمكن مش قادر اكتب لاني حاسس اني هيغمى عليا وعندي ضعف عام من الادويه اللى باخدها دي والمضادات الحيويه ..
سلام
أحدث التعليقات