ديسمبر 23
من سنتين تقريباً بدأت عمليه بناء بنظام جديد علينا فى الزقازيق
عمليه بناء محكمه بجوار قسم أول الزقازيق فى منطقه المنتزه فى ظهر مدرسه الثانويه بنات وظهر مديريه الأمن …
كانت اول مره نشوف فيها عمال بناء بيشتغلوا بالليل وكمان اول مره تقريباً نشوف عربيات الخرسانه الجاهزه ..
انتهى بناء المحكمه منذ اسابيع وانتهت تشطيباتها وكان الافتتاح الاسبوع الماضي ..
المحكمه روعه معماريه منظرها يفرض عليك احترامها مع انها فى منطقه "معفنه"
وبصراحه انا كنت عايز اتصور جنبها بس مجتش فرصه ..
المهم بقى يوم الافتتاح الصبح لقينا شركه النظافه الجديده واخده الطريق من الزراعه للكوبري الجديد تنضيف بطريقه فظيعه كان ناقص يغسلوا الاسفلت … قلنا يمكن بيحسنوا من مستواهم .. وبعد شويه لقينا ناس من الطرق تقريبا بيدهنوا الرصيف قالب ابيض والتاني اسود ..
قلنا ايه ده كله ايه ده كله .. المحافظ مظبطنا …
مفيش شويه ولقينا الدنيا اتقلبت وعربيات مرسيدي بقى من السودا دي وخمسين موتوسيكل ..
فى ايه يا جماعه .. وزير العدل .. يالهوي يالهوي وزير العدل فى زقزوقتنا ..
وانا اقول ايه النضافه المفاجأه دي .. لسه بدري على العيد ..
المهم الوزير جه وافتتح المحكمه بامان وسلام ..
معدي امبارح بالصدفه من قدام المحكمه لقيت واحد شكله كده بيدل على انه مختل عقلياً
قاعد قدام المحكمه على الأرض وعمال يغني ويلعب بصوابعه وحواجبه للناس اللى معديه واللى واقفه ..
ولقيت الشارع بتاع المحكمه ولاول مره نضيف ومكنوس ومتسفلت جديد …
آه يابلد .. لو كل المواطنين وزراء مكانش ده بقى حالك ..
عمليه بناء محكمه بجوار قسم أول الزقازيق فى منطقه المنتزه فى ظهر مدرسه الثانويه بنات وظهر مديريه الأمن …
كانت اول مره نشوف فيها عمال بناء بيشتغلوا بالليل وكمان اول مره تقريباً نشوف عربيات الخرسانه الجاهزه ..
انتهى بناء المحكمه منذ اسابيع وانتهت تشطيباتها وكان الافتتاح الاسبوع الماضي ..
المحكمه روعه معماريه منظرها يفرض عليك احترامها مع انها فى منطقه "معفنه"
وبصراحه انا كنت عايز اتصور جنبها بس مجتش فرصه ..
المهم بقى يوم الافتتاح الصبح لقينا شركه النظافه الجديده واخده الطريق من الزراعه للكوبري الجديد تنضيف بطريقه فظيعه كان ناقص يغسلوا الاسفلت … قلنا يمكن بيحسنوا من مستواهم .. وبعد شويه لقينا ناس من الطرق تقريبا بيدهنوا الرصيف قالب ابيض والتاني اسود ..
قلنا ايه ده كله ايه ده كله .. المحافظ مظبطنا …
مفيش شويه ولقينا الدنيا اتقلبت وعربيات مرسيدي بقى من السودا دي وخمسين موتوسيكل ..
فى ايه يا جماعه .. وزير العدل .. يالهوي يالهوي وزير العدل فى زقزوقتنا ..
وانا اقول ايه النضافه المفاجأه دي .. لسه بدري على العيد ..
المهم الوزير جه وافتتح المحكمه بامان وسلام ..
معدي امبارح بالصدفه من قدام المحكمه لقيت واحد شكله كده بيدل على انه مختل عقلياً
قاعد قدام المحكمه على الأرض وعمال يغني ويلعب بصوابعه وحواجبه للناس اللى معديه واللى واقفه ..
ولقيت الشارع بتاع المحكمه ولاول مره نضيف ومكنوس ومتسفلت جديد …
آه يابلد .. لو كل المواطنين وزراء مكانش ده بقى حالك ..
أحدث التعليقات