بما إن الكل بقى عمال يفتي وكل واحد عمل نفسه شيخ الإسلام والمسلمين ..
وبما ان التدخين مبقاش بيفطر الصيام .. اسمعوا بقى فتوى واحد صاحبي .. 
الشيخ صاحبي بقى بيقول ايه :
بيقول بما ان الاصل فى الاشياء هو الإباحه .
وبما أن الغرض الأساسي من تحريم الزنا هو عدم تخالط الأنساب .
وبما انه توافرت عده اساليب طبيه الآن تمنع المرأه من الحمل بعد ممارسه الجماع .
مما يضمن انه لا يمكن حمل المرأه وإنجابها .
وبذلك يكون قد انتفى الغرض من التحريم للزنا ..
بمعنى إن المرأه التى تقوم بإستئصال رحمها مثلاً يمكنها ممارسه الزنا بدون مشاكل
بيني وبينكم انا عذرته
اولاً اشمعنى هوه ميفتيش يعني
ثانياً بقى فى كبت جنسي عند الشباب وده محدش يقدر ينكره ..
طيب الواد قال بدل ما يقولوا عليا برتكب الخطيئه .. اما اخليها حلال ويبقى حد يكلمني بقى !
كلنا سمعنا عن موضوع التحرش الجنسي اللى حصل فى القاهره ايام العيد ..
طيب الناس قعدت تفكر وتحلل ايه سبب الموضوع ده .
وكل واحد قال رايه .. فى ناس زي وزاره الداخليه دافنه راسها فى الرمل وبتنكر الموضوع ..
بتنكروا ايه ؟؟
متشوفوا عدد قضايا الزنا وعدد محاضر الفعل الفاضح والتحرش و .. و ..
فاكرين فيلم ثقافي
اهو احنا عايشين الفيلم ده فعلاً فى الحقيقه ..
مش عارف محدش بيتحرك ليه !
في ناس كتير علقت على الموضوع وفى حاجات لفتت انتباهي ..
منها :
ايام السبعينات والتمانينيات لما كانت البنات مش ملتزمه باللبس بنفس الالتزام اللى بنشوفه اليومين دول مكانتش بتحصل مواضيع التحرش دي بالاسلوب اللى حصل ده ..
حاجه تانيه !
بغض النظر عن سبب التحرش فالمعروف لدى الشباب المصري ان التحرش ده فعل غير صحيح يعني انا متاكد ان كل واحد تحرش عارف انه بيعمل حاجه غلط على الاقل او عيب !
ايه اللى خلى العدد ده كله مع بعضه فوقت واحد يرتكب نفس الجريمه ..
تحبوا اقولكوا انا ايه ؟
غياب رجل الأمن فى الشارع المصري
ايوه لو كان فى ضابط واقف او دوريه شرطه بتعدي كل شويه كان مستحيل حاجه زي دي تحصل .
معروف عن الشباب فى المرحله دي لما مبيلاقيش رادع مبيبقاش في حاجه تمنعه من الغلط .
مكان بدون قانون .. هخاف من ايه ؟ ما اعمل اللى انا عايزه ..
حاجه تانيه الكل علق عليها ..
ان حوادث التحرش الجنسي فاي دوله فى العالم عدد مرتكبيها فى الحاله الواحده لا يتجاوز 4 او 5 لكن اللى حصل فى مصر مصيبه بشكل كبير عدد خيالي من الشباب فى نفس الوقت ..
انا شايف ان فتوى صاحبي مش مستغربه فى الظروف اللى بنشوفها دي
ناس كتير علقت على ان الناس بيظهر عليها مظاهر الصلاح والخير لكن نفوسها من الداخل عفنه .. انا شايف انها مش عفنه بمقدار ان المقاييس والمعايير اتغيرت يا جماعه ..
انا كشاب ايه اللي يمنعني عن ممارسه الجنس فى المرحله العمريه دي .. علشان انا معنديش القدره على الزواج مثلاً طيب ليه ؟
مافى شباب فنفس مرحلتي العمريه ويمكن اقل مني وبيتمتعوا بكامل صلاحياتهم الجنسيه فدول اوروبا وامريكا ..!!
هتقولوا الدين والأخلاقيات .. هقولكوا حاجه ..
دين ايه اللى اتمسح منه جواز المتعه والجواز المسيار !
متلوموش الشيعه بقى لما يحللوا تفخيذ الأطفال ..
ومحدش يقولى اخلاق ومجتمعيات .. ده حتى الجواز العرفي بترفضوه .. خليتولنا ايه بقى ..
بيتهيالى العاده السريه هتقتل شباب مصر خلاص ..
حاولوا تفتح الملفات اللى مقفلينها .. الموضوع ده لو فضلنا قافلينه هنضيع ..
بمناسبه المواضيع المتقفله واللى بتتفتح ..
على فكره انا شامم ريحه ورى الموضوع ده ..
المواضيع دي فى من فتحها دلوقتي كلها مع بعض هدف واضح ..
محدش منتبه .. الله اعلم .. ممكن ..
بس مش شايفين ان الموضوع بقى غريب ..
غرق سفن – حوادث قطارات – افكار زي الإضطهاد السياسي والديمقراطيه والحريه - شذوذ جنسي - ديانات جديده ..
ربنا يكون فعون الرئاسه .. ويكون فعونها بجد
محدش يجي فوقت زي ده ويشكك قدام العالم ويطعن فى قدرتها .
متكرروش سيناريو العراق ابوس ايديكوا !
افهموا ايه اللى بيحصل وبعد كده قرروا ..
انا بفكر فحاجه نفسي الناس تبدأ معايا فيها
لو كل واحد بص لنفسه بس كفرد وحاول يبدأ فى الإصلاح من نفسه الأول .. هيبقى بكده بيساهم فى إصلاح المجتمع ومصر بشكل غير مباشر لكن هو ده فعلاً الإصلاح اللى المفروض نطالب بيه ..
حاسس انى طولت عليكم ..
ومتاكد ان فى ناس موصلتش لآخر الموضوع ..
نفسي بجد كل واحد يقولى رايه وبصراحه ..
اول مره هطلب تعليقات من حد ..
لكن بجد الردود تهمني 
أحدث التعليقات