مدونة أحمد هتلر

كنت النهارده فى القاهره
سيف صاحب موقع النوبه كلمني على الموبايل
كان المفروض هوه يجي الزقازيق بس للاسف مقدرش ..
المهم كلمت احمد منسي على الإيميل قلتله انت فاضي قالى اه قلتله عاوزك تيجي
معايا مصر ..
المهم روحتله عند احمد محجوب وبدأت الرحله .. حجزنا فقطر القاهره مكيف الدنيا
كانت حر
المهم وصلنا القاهره وركبنا من رمسيس او ميدان مبارك

وروحنا الحي السابع فمدينه نصر ..
اتصلت بسيف وقابلته وروحنا نت كافيه وركبتله السكربت على

موقعه .
وبعدين احمد كان مصمم نرجع الزقازيق ياحمد مش هنلحق نوصل قبل الفطار ..
لا نرجع ونفطر فى برادايز .. ش عارف ايه حب البيتزا اللى نزل عليه ده ؟
المهم وصلنا رمسيس .. كان نفسي نروح لاحمد عبد القادر فى المقطم بس محصلش نصيب
..
وبعد ما وصلنا رمسيس حجزنا تذكرتين بس المشكله انه لسه ساعه ونص على القطر
والمغرب اكيد هيدن علينا .. منك لله يامنسي

المهم طلعنا بره المحطه نتمشى شويه على ما يجي وقت القطر ..
قلتله تعالى نروح نفطر فى كنتاكي ولا مؤمن اي فرع قريب ليهم هنا قالى لا لازم
بارادايز
المهم .. طلعنا على كوبري مشاه علوي فرمسيس .. وكل شيء بقى واضح …
خدت شويه صور من فوق لجامع الفتح والميدان بعد ما شالوا تمثال رمسيس ..

صوره مباشره لجامع الفتح

صوره لعلم مصر الذي أعشقه فوق محطه قطارات رمسيس

صوره رائعه لغروب الشمس فوق مدينه القاهره

وبطبيعه الشعب المصري الذي اعتاد على ثقافه اكوام الزباله ..
حتى ميدان رمسيس اول منظر يقابل السائح القادم للقاهره عن طريق القطارات يقابله
كوم زباله مصري اصيل .. اكيد شاف منه كتير وصوره كمان .. وبقينا فمصر .. شعب
اكوام الزباله !