مانا لازم اقول ان البرلمان هو مجلس الشعب
علشان فى ناس سالتني هيا مصر فيها برلمان !!!
المهم .. ماله بقى البرلمان ..
مالوش . مش هنتكلم عن موافقون موافقون وبعد كده موافقه بالاجماع 
هنتكلم عن مهزله موقع البرلمان المصري
http://www.parliament.gov.eg/EPA/ar/Index.jsp
طبعاً موقع بالأهميه دي المفروض يكون موقع محترم
مش اقل من موقع مزيكا دوت كوم اللى عاملاه لينك دوت نت
بس تعالوا نتفرج على المهازل
الموقع بقاله 3 ايام واخد اجازه
الظاهر حتى مواقع الحكومه بتاخد أجازه
لما لقيت الموقع مبيفتحش عندي تخيلت ان المشكله منى
لكن لما الموقع اتفتح بعد تلات ايام
وفتحت موقع احصائيات نت ستاتيك << شفت المهزله نت ستاتيك
لقيت فعلاً ان الموقع مدخلوش الا 2 ولا 3 فى الـ 3 ايام اللى فاتوا
خدت برنت سكرين للموقع
دي حاجه
حاجه تانيه
وانا بتصفح الموقع علشان بدور على شويه حاجات عاوزها
دخلت قسم الدستور
تعالوا بقى نشوف مهزله الدستور
http://www.parliament.gov.eg/EPA/ar/Levels.jsp?levelid=6&levelno=1&parentlevel=0
على الرابط اللى فات ..
بيتهيالى اقل حاجه انهم يجيبوا واحد بيعرف يقرى ويكتب
علشان يكتب لنا نص الدستور
عموما شوفوا المهازل الإملائيه من الصوره
نروح بقى لصفحه تعديل الدستور
http://www.parliament.gov.eg/EPA/ar/Levels.jsp?levelid=47&levelno=2&parentlevel=6
الاخ باين عليه واخد العمليه كوبي وبيست ..
مش عارف انه هو المفروض يكون المصدر ؟؟
نشوف الصوره
وما خفي كان أعظم
ده انا اتكلمت عن الأخطاء الإملائيه ..
مش هتكلم بقى عن تنسيق الكلام وحروف كبيره وحروف صغيره !!
وعن لينكات مش شغاله .. << اتعودنا خلاص !
أتمنى يتم تصحيح الأخطاء دي علشان عيب قوي لما يبقى موقع البرلمان يقف 3 ايام
وموقع اغاني مبيقفش دقيقه !!!
عجبي يا بلد !!
أحدث التعليقات