أغسطس 20
20-8-2006
من مدينة الغردقه على سواحل البحر الأحمر
ومن محافظه البحر الأحمر المصرية
ومن ومن ومن
انا قاعد في انترنت كافيه فى شارع الشيراتون
من الآخر . المهم انا بقى بقالى 3 ايام هنا فى ضيافه عمي
المقيم بالغردقه ..
احكيلكوا موضوع الغردقه ده من البدايه
اصل انا ليا واحد غلس بيقولوا انه ابن عمي
المهم الواد ده كل شويه يتصل بيا يقولى تعالى الغردقه تعالى الغردقه
وعمال يحكيلي بقى عن السياح والمعاصي بقى ..
وانا بيني وبينكم بقى زي كل الشباب عايز ينحرف بس مش لاقي اللى يوجهه
قلت اما اجيله يمكن انحرف على ايده بقى
اتاريني كنت مخدوع .. زي كل الشباب المصري المخدوع
كل مافى الغردقه رجلين حلوه بس ..
آه والله رجلين بس مش اكتر
ده بالنسبه للنص التحتاني النص الفوقاني مفيهوش حاجه خالص بقى
بس حلو يعني ..
يعني الموضوع هنا ممتاز بس جايب مقبول
المهم انه نجح يعني
مش فاهمين حاجه طبعاً
ولا انا والله
انا هنا عايش فى جو من المتناقضات
سياح مش لابسين غير البكيني
ومصريات مش باين منهم غير وشهم
طبعاً انتم عارفين بقى باقي الفروق اكيد بتشوفوا السياح فى التليفزيون
ومش محتاجين انقل صور تاني ..
وبعدين كل ما الست الوالده تتصل بيا تقولى خلي بالك من نفسك وخاف ربنا ..
مش فاهم انا هو انا فى بلد الرزيله ولا ايه
ولا البت كل ما تكلمني تقولى اوعى عينك تزوغ يمين ولا شمال
تقولش انا جاي هنا علشان احترم نفسي
اما كنتش ازوغ بعيني يعني اعمل ايه انحرف
حاجه تانيه غايظاني بقى
انا اعرف ان الانجليزي ده اللغه التوب يعني وكده
اول مره اعرف ان الروسي اهم من الانجليزي هنا فى الغردقه
كل ما اكلم حد من السايحات اقولها كان يو سبيك انجليش الاقيها بتقولى نو
واحده تانيه عملتلى بايديها نص نص يعني
المفروض يعلمونا روسي فى المدارس بقى مدام الغردقه حته من روسيا
مش من مصر
لا وحاجه تانيه تغيظك بقى موضوع السفر والكماين فى الطريق من الزقزوقه الى المدينه المحروسه (الغردقه)
المسافه تقريباً 600 كيلو بايت
فيهم 3 كماين او هما دول اللى عدينا عليهم ..
اول كمين هو كمين العين السخنه
وده مالوش لازمه اساساً
ضباط محطوطين غلاسه
وبعدين راس غارب
المفروض يبقى اسمه راس الغراب
ده بقى اصعب كمين
بس اخوكم مبيهموش
انا مواطن مصري والغردقه مدينه مصريه ومفيش اي قانون يمنع مواطن مصري من التوجه الى او التواجد فى ارض مصريه
اه ومش من حق الضابط يعدي ناس وناس لا .. دي تبقى تفرقه ومخالفه للدستور اللى بينص على المساواه بين الجميع على ارض المحروسه ..
اخوكم اول ما نزل فى راس غارب
الضابط بيقولى بطاقتك اديتهالك
وبعدين انت بتشتغل ايه
الصراحه قرفت منه مش عارف اه الاسئله الكتيره دي
وانت مال اهلك انا بشتغل ايه
طلعت له كرنيه الهندسه لانى معييش غيره الصراحه
وبعدين قمت قايله الكلمتين اللى فوق دول قالى اركب العربيه
وطلعت من الكمين وانا مش مصدق
5 اتمسكوا من الميكروباص ونزلوا
لو كانوا قالوا انهم تبعي كنت عديتهم
وبعدين الاحياء و ده برضه مالوش اي لازمه
وصلت الغردقه وطبعاً وصلني الباص لعمي مباشره
هو عارف السكه والله انا معرفش ازاى
عجبني قوي اسم شارع هنا اسمه شيري
هو اصلاً بتاع واحده اسمها شيريهان بس بيدلعوها يعني
المهم الجو هنا بقى لا يطاق بيفكرني بجو قريه الفريق والسلامه احدي قرى مدينه القنفذه بمحافظه مكه المكرمه بالمملكه العربيه السعوديه
درجه الحراره لما تنخفض بتبقى 35
كان مالها اسكندريه بس
بس تقول ايه بقى فى الشراقوه !!!
ربنا يصبحك بالخير يا نوني قالتلى ياحمد محدش يروح الغردقه فى الصيف
عملت فيها شرقاوي ونفضت ..
المهم انا هبقى اكتبلكم باقي تفاصيل الرحله قريباً
في حاجات مهمه جداً ..
اسيبكم بقى دلوقتي ..
من مدينة الغردقه على سواحل البحر الأحمر
ومن محافظه البحر الأحمر المصرية
ومن ومن ومن
انا قاعد في انترنت كافيه فى شارع الشيراتون
من الآخر . المهم انا بقى بقالى 3 ايام هنا فى ضيافه عمي
المقيم بالغردقه ..
احكيلكوا موضوع الغردقه ده من البدايه
اصل انا ليا واحد غلس بيقولوا انه ابن عمي
المهم الواد ده كل شويه يتصل بيا يقولى تعالى الغردقه تعالى الغردقه
وعمال يحكيلي بقى عن السياح والمعاصي بقى ..
وانا بيني وبينكم بقى زي كل الشباب عايز ينحرف بس مش لاقي اللى يوجهه
قلت اما اجيله يمكن انحرف على ايده بقى
اتاريني كنت مخدوع .. زي كل الشباب المصري المخدوع
كل مافى الغردقه رجلين حلوه بس ..
آه والله رجلين بس مش اكتر
ده بالنسبه للنص التحتاني النص الفوقاني مفيهوش حاجه خالص بقى
بس حلو يعني ..
يعني الموضوع هنا ممتاز بس جايب مقبول
المهم انه نجح يعني
مش فاهمين حاجه طبعاً
ولا انا والله
انا هنا عايش فى جو من المتناقضات
سياح مش لابسين غير البكيني
ومصريات مش باين منهم غير وشهم
طبعاً انتم عارفين بقى باقي الفروق اكيد بتشوفوا السياح فى التليفزيون
ومش محتاجين انقل صور تاني ..
وبعدين كل ما الست الوالده تتصل بيا تقولى خلي بالك من نفسك وخاف ربنا ..
مش فاهم انا هو انا فى بلد الرزيله ولا ايه
ولا البت كل ما تكلمني تقولى اوعى عينك تزوغ يمين ولا شمال
تقولش انا جاي هنا علشان احترم نفسي
اما كنتش ازوغ بعيني يعني اعمل ايه انحرف
حاجه تانيه غايظاني بقى
انا اعرف ان الانجليزي ده اللغه التوب يعني وكده
اول مره اعرف ان الروسي اهم من الانجليزي هنا فى الغردقه
كل ما اكلم حد من السايحات اقولها كان يو سبيك انجليش الاقيها بتقولى نو
واحده تانيه عملتلى بايديها نص نص يعني
المفروض يعلمونا روسي فى المدارس بقى مدام الغردقه حته من روسيا
مش من مصر
لا وحاجه تانيه تغيظك بقى موضوع السفر والكماين فى الطريق من الزقزوقه الى المدينه المحروسه (الغردقه)
المسافه تقريباً 600 كيلو بايت
فيهم 3 كماين او هما دول اللى عدينا عليهم ..
اول كمين هو كمين العين السخنه
وده مالوش لازمه اساساً
ضباط محطوطين غلاسه
وبعدين راس غارب
المفروض يبقى اسمه راس الغراب
ده بقى اصعب كمين
بس اخوكم مبيهموش
انا مواطن مصري والغردقه مدينه مصريه ومفيش اي قانون يمنع مواطن مصري من التوجه الى او التواجد فى ارض مصريه
اه ومش من حق الضابط يعدي ناس وناس لا .. دي تبقى تفرقه ومخالفه للدستور اللى بينص على المساواه بين الجميع على ارض المحروسه ..
اخوكم اول ما نزل فى راس غارب
الضابط بيقولى بطاقتك اديتهالك
وبعدين انت بتشتغل ايه
الصراحه قرفت منه مش عارف اه الاسئله الكتيره دي
وانت مال اهلك انا بشتغل ايه
طلعت له كرنيه الهندسه لانى معييش غيره الصراحه
وبعدين قمت قايله الكلمتين اللى فوق دول قالى اركب العربيه
وطلعت من الكمين وانا مش مصدق
5 اتمسكوا من الميكروباص ونزلوا
لو كانوا قالوا انهم تبعي كنت عديتهم
وبعدين الاحياء و ده برضه مالوش اي لازمه
وصلت الغردقه وطبعاً وصلني الباص لعمي مباشره
هو عارف السكه والله انا معرفش ازاى
عجبني قوي اسم شارع هنا اسمه شيري
هو اصلاً بتاع واحده اسمها شيريهان بس بيدلعوها يعني
المهم الجو هنا بقى لا يطاق بيفكرني بجو قريه الفريق والسلامه احدي قرى مدينه القنفذه بمحافظه مكه المكرمه بالمملكه العربيه السعوديه
درجه الحراره لما تنخفض بتبقى 35
كان مالها اسكندريه بس
بس تقول ايه بقى فى الشراقوه !!!
ربنا يصبحك بالخير يا نوني قالتلى ياحمد محدش يروح الغردقه فى الصيف
عملت فيها شرقاوي ونفضت ..
المهم انا هبقى اكتبلكم باقي تفاصيل الرحله قريباً
في حاجات مهمه جداً ..
اسيبكم بقى دلوقتي ..
عجبي عليكي يا بلد
سلام ..
23 أغسطس, 2007 في الساعة 4:26 م
مش عارفة ليه كل اللي يجي الغردقة ما يشوفش منها غير الحاجات الوحشة بس……
تقريبا عشان اللي الناس متخيلاه عنها انها بلد الفسق و الانحراف و الانطلاق و الترويش و السياحة وخد عندك…لكن اللي عاوز يعرف البلد دي بجد يا ريت يزورها في الشتاء لان كل الناس المثقفين اللي بيزووها في الصيف ما يعرفوش انها اصلا مشتى. كمان اجازة اسبوع عشر ايام مش كفاية عشان تعرفها كويس،و لازم يكون معاك حد من اهل البلد عشان يوريك الحاجات الحلوة اللي فيها.يا ترى ليه الاجانب بيحبوا الغردقة و احنا لا؟؟؟ ((نشاطركم الاحزان في النقد البناء ولا عزاء للسيدات))
24 أغسطس, 2007 في الساعة 12:48 م
خلاص ياستي نعتبر هذه دعوه منك نيابه عن اهالى الغردقه
ونعدك بتكرار الزياره شتاءً
يمكن نكتشف حاجه جديد ..
يا مسهل ..
23 أبريل, 2008 في الساعة 3:56 ص
الله يحرق الغردقة علي كماين الغردقة تخيلوا ينزلوني من اتوبيس5نجوم
عشان يكشفوا علي البطاقة شرط اني كان معايا فيش وتشبية يثبت اني مفيش عليا او معايا اي مشاكل او قضايا
وحطوني في الحجز زي الحرامية
وفي الاخر بعد ساعتين يطلوني ويركبوني عربية نص نقل عشان ادخل بيها الغردقة حسبي الله ونعم الوكيل