مدونة أحمد هتلر

على جهاز رقم

B2-RT-011

كان المفروض اني واخد الجهاز علشان انزل الصور من على الميموري بتاع الموبايل لكن الجهاز مفيهوش USB يلا خير ..

انا صورت القبه الفضائيه والمكتبه من الداخل ومعايا رفعت

الميموري مفيهوش غير 10 ميجا

فاضل حاجات كتير فى المكتبه لسه مزورنهاش ومصورناهاش

ان شاء الله انزل الصور النهارده بالليل

الجهاز هنا غريب جداً ومش عارف اتحكم فى اي حاجه مفيش غير متصفح من برمجه المكتبه

وكل ما احاول افتح اى هارد درايف يقولى اكسس دينايد

كان معانا مصطفي واتنين اصحابه فرقعونا فى الشقه امبارح .

نزلنا البحر الساعه 4 الفجر وطلعنا الساعه 6

انا سايب شغل كتير فى الزقازيق وجاي هنا اتفسح

نهال مسافره الساحل الشمالي النهارده

بفكر اسافرلها بكره ولا حاجه ..

معلش انا بكتب بسرعه لان المكتبه هتقفل بعد ربع ساعه من دلوقتي …

يلا كفايه كده باي دلوقتي وعلى لقاء مساءً ..