يوم امتحان ايه مش فاكر استنوا لما افتكر 
انا امتحنت شريعه يوم السبت
اه بس كان امتحان اجرام وعقاب
تمام
نزلت مع رفعت الصبح مع انى معرفتش انام طول الليل
مش لانى كنت بذاكر ولا لانى كنت خايف من الامتحان مع انى معرفش فيه كلمه
بس الدنيا كانت حر .. اوف ايه الحر ده مع انى بكره الشتا
اكتشفت انى بكره الصيف كمان
نزلت مع رفعت ورحنا الجامعه
كنت متفق مع نهال انى هعمل البيرث داي بتاعي فى الكليه بعد الامتحان
وحجزت تورته من توبنج على اساس رفعت هيجيبها بعد امتحانه يعينها فى ثلاجه الكافتريا
المهم رفعت دخل الامتحان
وقابلت احمد نوار الصبح
وقعدت مع سامح بتاع كايرو << ممل شويه .. شويتين ثلاثه 
وسلمت على مستر هاني
المهم
نهال جت وقعدت معاها شويه لغايه ما دخلنا الامتحان وعزمت محمود على البيرث داي
واديت رفعت الايصال يروح يجيب التورته
وعزمت احمد عماد ومريم وطارق وشيماء
كل دول
التورته كبيره بقى ….
دخلت المتحان
طبعاً مش عارف اي حاجه عن اي حاجه
بس كنت مقرر لو عرفت اعمل زي ماعملت فى الشريعه
هتصرف
المهم دخلت حليت الحمد لله برشامه من هنا على برشامه من هنا على مكالمه للمستر الندل ومكالمه لاحمد عماء حليت الامتحان
طلعت من اللجنه نهال واقفه زعلانه محلتش حاجه
محمود اتعمله محضر
يا مساء الخير
العيال دي حظها من السما
المهم انا بقى طالع مش في دماغى غير التورته
رحت الكافتريا وجبت الحاجه والكانز جبتلهم بيبسي وانا كوكاكولا
بحب الكوكاكولا عن البيبسي هتقولوا ليه هقول علشان نانسي عجرم 
طبعاً بهدلنا الدنيا وكنت واقف متلخبط جداً ومعرفتش اعمل حاجه
مريم قطعت التورته وشيماء جابتلى فوم حلاقه
كانت مسخره
نسمه كانت معانا على فكره لسه فاكر سوري نسوم
ودعاء قالتلى هابي بيرث داي
ونهال جابتلى شمعه مش عاوزه تولع خالص
وكانت جايبه سكينه عاوزه تموتني بيها
ومريم عاوزه تعرف سبب التسميه باحمد هتلر
احداث كثيره ومتلخبطه
بكتبها للزمن …
المهم تعبنا وخلاص هنروح بقى
مفيش فلوس نروح
افتكرت ان فى 10 جنيه فى الـ ATM سحبت من الصراف جنب باب الجامعه وركبنا تاكسي وروحنا كلنا
يوم ممل وكنت هفرقع بس مش مشكله
اسوفكم على خير
حلوه اسوفكم دي
أحدث التعليقات