اليوم التالت ده كان يوم لذيذ جدا
صحينا من النوم متأخر طلعنا على سان ستيفانو
عالفود كورت علطول .. طلبت واحد برجر يار من مؤمن
وبصراحه ده خلاني اخد موقف نهائي من مؤمن وكل منتجاته
زيزينا فى الزقازيق بيعمل حته برجر مكس احسن منه ميه مره !
اختفت يانيا عشر دقايق ورجعت معاها ايس كريم
قعدنا نكلم ماتيا شويه كانت موجوده اون لاين
وبعد كده طلعنا على القلعه
الجو كان مشمس وفنفس الوقت في غيوم
وانا داخل من البوابه بتاعه الامن
الموظف كان بيكلمني انجليزي 
لما شاف التذكره بتاعتي قالى انت مصري
قلتله اه .. قالى وسايبني اتكلم انجليزي ده كله !
قلتله وايه المشكله مانا فاهمك وخلاص عربي انجليزي مش مشكله يعني
البت دي بتشتغل مصوراتي بعد الضهر
ومن القلعه على بير مسعود فميامي مباشره
قعدت تصور فى الموج وهوه بيخبط فى البير شويه
وبعدين رجعنا عالشقه
اتفرجنا على فيلم a walk to remember
وطبعا كنا فحاله نكد ميه ميه
فشغلنا فيلم مستر بين هوليداي
بعد كده شويه سوينج
وخلص اليوم ..
أحدث التعليقات