قدام باب الجامعه
كانت واقفه منهاره
اول ما شافتني اترمت فحضني
لاول مره بحس ان فى حد محتاجني
محتاج لحضني
ضميتها لثواني وايدي على كتفها وشعرها المفرود
وفقت على اتوبيسين الام سي في اللى كانوا بيتفرجوا علينا !!
واحد سخيف قعد يقول يا قليل الادب بلهجه ساخره
قلتلها .. اللى بتعمليه ده فعل فاضح فى الطريق العام !!
تخيلي اننا فوطن لو مسكت فيه ايدك ادفع غرامه ؟!
تخيلي اننا فوطن لو حضنتك وبوستك وقلتلك بحبك اتسجن ؟!
تخيلي اني لو حطيت ايدي على خدك ابقى ارتكبت جنحه
تخيلي اننا فوطن بيلبس فيه السياح البكيني فى شرم
بيلبس فيه الهاي كلاس البكيني فمارينا
وبيلبس فيه الحريم اللوكال جلاليب سوده فبلطيم
تخيلي انه ممنوع امسك ايدك فى الشارع
ومش ممنوع تقعدي معايا فشقتي مادام مش متجوزه غيري !!
اتمنى ان يتحرك رجال القانون ليعالجوا هذا الخلل القانوني
ولا يربطوا الفعل الفاضح بما يسمى القيم العامه
لانه لا يوجد معيار للقيم العامه فهي متغيره يوم بعد يوم
اتمنى ان لايجبروا الشباب للجوء الى الكازينوهات ليعلنوا عن حبهم
فلا يمكن ان يكون مصير شاب بسيط يجلس مع خطيبته على شاطيء النيل
ممسكاً بيدها الى قسم من اقسام الشرطه !!
اتمنى توفير اماكن نستطيع ان نخرج فيها مع من نحب
دون التعرض لحماقات المراهقين والرجعيين
دون تدخل الرافضين للعلاقه بين الجنسين الا فى اطار الزواج
الزقازيق بها مليون مواطن مصري ولا يوجد بها ربع حدائق الاسماعيليه !!
17 يناير, 2009 في الساعة 8:52 م
مشكلة فعلا
الموضوع دة نموذج للمجتمع التافة
المجتمع اللى مش مهتم لا بالأقتصاد المنهار ولا بالأحتكار ولا بالجيش الضعيف ولا بالمصريين اللى بيتجلدوا فى السعودية ولا بالدكتاتورية و القهر السياسى ولا بالتعذيب فى أقسام الشرطة ولا بالبيروقراطية و عدم أستقلالية القضاء
سايب كل دة ، و شاغل نفسة بمين مسك إيد مين
تفاهة
19 يناير, 2009 في الساعة 8:30 م
انت شكلك كده عاوز قانون الاداب يتلغى وتلاقى الناس كلها بت اكيد فاهم انا عاوز اقول ايه ؟!
شكلك مش بتقراء كتير يا اخ هتلر وبجد روح غير اسمك احمد ده مش لايق عليه
20 يناير, 2009 في الساعة 3:58 ص
هههههههههه كلام لذيذ يا مايكل .
ونموذج للهايف كمان !!
انا ممكن اوفر لك مكان تقعد فيه انت وخطيبتك وتمسكوا ايد بعض بس مش حاجة تانية , بس بشرط صغير اني هاقعد في نفس المكان مع اختك وامسك ايديها , بجد هامسك ايديها بس مش هاعمل حاجة تانية .
ها … موافق ؟
21 يناير, 2009 في الساعة 10:15 م
- مايكل
فعلاً تفاهه وصف مناسب ..
- مش لازم
شكلك وشكلك مش .. اولا انا مش اخ غير لاخواتي من امي او ابويا .
ثانيا انا اسمي هتلر احمد هتلر اسمي وبقوله قدام الكل ميخصكش فحاجه وميفرقش معاك فحاجه وبصراحه انا كان نفسي يكون اسمي احمس بدل احمد !!
- مش مهم
معرفش ليه الناس بقت بتتكسف من اساميها لما بتقول رايها
انا هرد عن نفسي باعتبار اني كاتب الموضوع وصاحب المدونه
اولا انا مش محتاج منك مكان انا اقدر اجيب مليون مكان ومكان اقعد فيه مع الانسانه اللى بحبها وبتحبني وقدام اي حد ومش هتكسف من حد لاني عارف ايه حدود اللياقه والاتيكيت وايه اللى ينفع يكون فى الاماكن العامه واللى مينفعش .. وده طبعا مختلف عن معاييرك علشان كده قلت ان القانون مينفعش يكون مربوط بمقياس عشوائي والا يبقى فوضى .
ثانيا السؤال النمطي من اي انسان شرقي متمتع بتشبع ذكوري
ترضاها لاختك وامك والخ
لازم سيادتك تفهم اني انسان حر بالغ عاقل مستقل وده معناه اني مبعملش حاجه مش من حقي واني بمثل نفسي وده نفسه حق متبادل لاختي او امي هيا كمان انسانه حره ومن حقها تمارس كل اللى بتمتع بيه من حقوق .. انا مش هدي لنفسي حق واحرم اختي منه .. مش هحب بنت واطلب من اختى متحبش !
وردود من صنف ديوث وغيره على المحارم والخرافات البدويه دي كل واحد يحتفظ بيها لنفسه .. انا معنديش اي مانع لو اختى بتحبك انها تمسك ايدك قدامي او من ورايا !
فكرتني باغنيه محمد محيى في شارع الهوى
22 يناير, 2009 في الساعة 1:49 م
رد صغير على مش مهم اللى هو فعلا مش مهم
لو اختى ترضى تبص لواحد شكلك ، أنا معنديش مشكلة
بس دة لو ترضى ، ولا انت هاتقعد معاها غصب عنها ؟؟