وخلص يوم الجمعه وقضيته في بيت العائله بيت جدي
كانوا عاملين محشي على الغدى
المهم خلصنا غدى واتفرجت على سبيس ستون مع اخويا الصغير
وبعدين مش عارف ايه اللى فتح قناه اقرا ولقينا مناظره دينيه بين علماء الدين المسلمين والمسيحين ..
انا مفهمتش حاجه والحمد لله انى مفهمتش ..
يروحوا يتناظروا بعيد عننا
ام هند
روحت البيت وقعدت كام ساعه كده وزهقت قمت واخد الهارد ونازل على مكتب المبره بتاع خالى حمدي
خالى محمد اتصل من مكتب منشيه السادات وبيقولى هوه انا اللى اتصلت بيك .. الموبايل قليل الادب اللى يعمل مكالمات لوحده
كان فى هنا عميل ممل شويه عمال يحكى تاريخ حياته والصراع بين الاجيال وبابا اوبح وتوتو ني التوتو ني وحاجه تفرقع
كل ما الهانم الممله ترن عليا اكنسل عليها
انا اقولها اطلعى البلكونه اشوفك تقولى لا .. طيب
شوفى مين هيعبرك بقى ..
بعد ما رنت لقيت نهال بترن قولت وانتى كمان مش رادد عليكي
الصراحه انا كنت هرد لما طولت بس لسه بقول الو
لقيتها قفلت
وبعد شويه بعتت رسالتين او بمعنى اصح رساله مكرره محتواهم ان درس الشريعه بكره اتكنسل ..
خير قال يعني انا بروح دروس
الساعه دلوقتى 2:48 وانا المفروض اكون نايم علشان عندي درس عند مستر علاء وهانى بكره الساعه 10 ..
اقولكوا نكته مش مستر علاء عايز يعمل موقع
هههههههه
والله قعدت اضحك لغايه ما بطنى وجعتني
نعمله موقع وماله
ده انا هعمله موقع متعملش للمحافظ بتاع الشرقيه
مركز ميت غمر مدينه فاقوس
وعلى راي عادل امام مش على الخريطه
تصبحوا على خير
يا حلوين يا صغنططين وسلمولى على طارق واحمد ..
مايو 13
أحدث التعليقات