العنوان مقطع من اغنيه مجموعه انسان للعملاق محمد عبده
النهارده بعت الريتمو للافس
بحلوها وبغتاتتها
ومش عارف هجيب ايه
فى ظل اللخبطه الموجوده فى اسعار العربيات دلوقتي
والعربيات منزلتش كتير زي ما كنت متوقع
يعني الاسعار نزلت فى حدود 6 – 4 الاف مثلا
وحتى العربيات اللى جايه من المغرب الرينو
عربيات شكلها عجيب 
وحرام يبقى عليها اسم رينو اساساً
وكل ما اسال حد عن عربيه صيني يجيبلى ارتكاريا 
اللى يقولى مالهاش صيانه واللى يقولى خاماتها زفت
واللى يقولي مالهاش قطع غيار ومش هتستحمل الخ الخ
وفعلا موضوع العربيه ده محير
والريتمو اللى بعتها بنص تمنها بعد سنه ونص
ومصاريف تقريبا ربع تمنها لو كنت دفعتهم مقدم لعربيه فيرنا
كان زماني مخلص نص تمنها !!
بس محدش بيتعلم ببلاش 
معلومه كده :
فى بلد اسمها سلوفينيا في اوروبا
سعر العربيات المستعمله موديلات التمانينات زي الريتمو بتاعتي
بيكون فى حدود 150$
مش عارف ممكن نوصل فمصر ان العربيه تبقى بـ 700 جنيه
22 نوفمبر, 2008 في الساعة 6:32 م
اولا ازايك يا احمد بصراحه انا اول مره اشوف حد بتكلام كده بس بجد رجل وعجبنى كلامك جدا وحسيت ان لسه فى ناس قدره تتنفس فى مصر المهم تسلم على كل حاجه بتكتبها ربنا يوفقق
22 نوفمبر, 2008 في الساعة 6:52 م
ميرسي يا خالد او يا منى ..
بالمناسبه سلوفينيا عدد سكانها 2 مليون