مدونة أحمد هتلر

افتكرت المشهد بتاع احمد السقا ففيلم الجزيره
وهوه بيقول من النهارده مفيش حكومه .. انا الحكومه !!
من كام يوم كنت قريت ان الرئيس معمر القذافي (بتاع الثوره الليبيه اياها)
قال ايه هيوزع فلوس البترول عالشعب ..
يعني كل واحد يصحى الصبح اول الشهر 
يروح يقبض حقه فدخل الدوله 
مفيش تعليم حكومي لانه فاشل .. يودي ابنه مدرسه خاصه 
مفيش علاج لان المستشفيات الحكومي زباله .. يروح مستشفى خاصه 
مفيش مواصلات حكوميه الاتوبيسات مكسحه .. يركب تاكسي
من الاخر هوه لقى البلد كله عمال يسرق فكله 
والناس عماله تقول عليه حرامي وناهب البلد 
وهوه فنفس الوقت مش عايز يسيب الحكم 
لحد يجي يسرق البلد ويضيع ثروه الشعب !
فقالك خلي الشعب التيت ابن التيت ده 
يوريني هيعمل ايه بالفلوس اللى قارفني بيها دي 
كل واحد ياخد فلوسه احسن 
ويبقى من النهارده مفيش حكومه .. الشعب الحكومه 

الحزب الوطني بقى طلعلنا باشتغاله جديده 
من فيلم برضه .. فيلم عايز حقي بتاع هاني رمزي 
قال ايه هيدوا كل واحد حقه اسهم فملكيه الشركات العامه للدوله 
طبعاً ماعدا الشركات الاحتكاريه والاساسيه ..
لذيذ قوي الموضوع ده
تفتكروا مبارك يقدر يعمل زي القذافي كده 
ويقولك فلوس قناه السويس اهيه 
وفلوس الضرائب والجمارك والسياحه 
كله هقسمه عليكم بالتساوي 
من غير ما تشتغلوا ولا تتعبوا ..
كل واحد ياخد 150 جنيه فى الشهر 
نصيبه فدخل الدوله ؟؟
اضربوا 150*12*80 مليون 
وشوفوا محتاجين كام كل سنه علشان ندي كل مصري 150 جنيه بس كل شهر !!

مش عارف ليه حاسس اننا ظالمين الحكومه