بمناسبه عيد الشرقيه القومي
قامت قوات المرور باغلاق الطرق
ومحاور الزقازيق الرئيسيه
متسببه فى اختناق مروري لم اشاهده فى الزقازيق من قبل
لان سيادتهم عاملين احتفال قدام المحافظه فخيمه
وانا علشان اخد تاكسي يجيبني من وادي النيل لمؤمن
لان الريتمو بعافيه شويه
فهضطر امشي من الجمباز وبعدين كفر الزقازيق
وبعدين موقف المنصوره وبعدين ادخل القوميه من طريق مصرف اكوه
احيه بجد يعني عالصبح
مش فاهم هما احتلوا البلد ولا ايه ؟
ميروحوا يشوفوا حته ارض فاضيه ولا قاعه مؤتمرات فاي نادي
ولا يعملوه فى الاستاد
لازم يوقفوا حال الناس يعني عالصبح ولا ايه ؟؟؟
عيد ايه والناس صايمه ومخنوقه فى الحر ده
علشان تعطلوهم فى العربيات نص ساعه زياده ؟؟
متخلوا عند اهاليكم دم مره فحياتكم
الكلام موجه لكل قاده الشرقيه من اول المحافظ
ومرورا بمدير الامن وحتى اقل عسكري من حراميه المرور
9 سبتمبر, 2008 في الساعة 6:11 م
انتا مضايق اوى علشان نص ساعة ةلا ساعة بحلها يا راجل انتا عايش فى الزقازيق وبتشتكى امال اللى عايش فى القاهرة يعمل اية ؟
ينى مثلا
ــــ فى 6 اكتوبر والريس رايح يقرأ الفاتحة على الزعيم الراحل عبد الناصر والسادات تلاقى العباسية وصلاح سالم والاوتو ستراد مقفولين وكمان جسر السويس طول ما سعتوا فى جامع عبد الناصر او فى النصب التزكارى يعنى حوالى من 2 ل 3 ساعات مع العلم ان معالية بيوصل بالطيارة للاماكن دى
10 سبتمبر, 2008 في الساعة 11:24 ص
اه يبقى المفروض تعملوا فيه محضر ويتسائل قانونيا عن تعطيل مصالح المواطنين !!
معلش بهيس عالصبح بس ده المفروض والله
25 سبتمبر, 2008 في الساعة 5:00 ص
كنت عايز أخد دومين أ سفن أ بس أنت أخدته
يلا مبروك عليك يا بوبـ ع فكره أنا من الزقازيق برده