قضيه اعتقد اني قد اتعرض لها
او يتعرض لها اي انسان يختار منهجاً مخالفاً او
طريقاً معاكساً للفكر العام والسائد ..
ولما يسمى بالقالب الاجتماعي
حسام شحاته هو احد ابناء مصر
اختار طريقاً يسارياً بإنضمامه لحزب التجمع الإشتراكي
وبغض النظر عن اقتناعي بالإشتراكيه او لا
فالفضيه هنا ليست قضيه اشتراكيه او رأسماليه
القضيه هنا قضيه حريه
فحسام شحاته بدأت قصته منذ ان كان فى
ندوه فى جريده روز اليوسف ممثلاً عن حزبه
ونشرت الندوه فى الجريده كامله فى عدد 13/8/2008
وقرأها شيخ مسجد الشيخ ابو الحسن بقريه دهروط بالمنيا
ويدعى أحمد محمد جابر
فما كان منه الا ان قام بجمع بعض كبار القريه والتوجه لمنزل حسام
ولم يجده فترك رساله لاسرته بان ياتي له عندما يصل
وعندما ذهب اليه حسام وجد اتهام تكفيريا فى مقابلته
لان الاشتراكيه تتنافى مع الاسلام ..
وفى خطبه الجمعه 22/8/2008
قام الشيخ باعلانها على الملأ ان من ينتمى لحزب التجمع فهو كافر
ومن يعتنق الفكر الاشتراكي فهو كافر
ويجب استتابته فان لم يتب فيقتل ..!!
وهنا يجب ان نوجه عده تساؤلات
اين نعيش نحن حتى يقوم شيخ مسجد بتوجيه رساله
لبعض السفهاء والمتشددين باحلال دم مواطن مصري
اياً كان توجهه الفكري والديني ؟؟
اي حريه اذا نعيش فيها اذا لم يكن المواطن يستطيع
ان يعلن توجهه الفكري بكل حريه ؟؟
كيف يأمن على حياته وماله اذا رفض النفاق ؟؟
سبتمبر 04
4 سبتمبر, 2008 في الساعة 10:08 م
طبعا من حقك ومن حق كل انسان انه يختار الاتجاه والدين اللى عايزه
بس فى نفس الوقت مش ينفع ان احنا نعمم خطا خطيب جامع على كل خطباء المساجد فى مصر انا كمان قريت انه اتعرض للمساله القانونيه ودا معناه ان وزاره الاوقاف رافضه التعصب الدينى اللى بالشكل دا
5 سبتمبر, 2008 في الساعة 11:47 ص
يا عبير الخطيب ده مش واحد . فكره موجود فى كل حته . وزاره الاوقاف رافضه التعصب لكن الشعب غير رافض وبالذات الغوغاء . والسؤال المهم .ماذا فعل ويفعل المستنيرين امثالك ؟ هل حاولت ان تثقفى من حولك من غوغاء ؟ هذا اهم من وزاره الاوقاف وامن الدوله . تحياتى يا هتلر
5 سبتمبر, 2008 في الساعة 11:36 م
1- الشيج دة عندة نقص فى الدين ودة للاسباب التالية:
- مين قال ان المرتد يقتل؟ لم يرد نص فى القران او السنة بذلك.
- مين قال ان امام المسجد لة الحق فى اهدار دم مواطن مثله وهل دة تطبيق لقوله تعالى واطيعوا الله ورسوله واولى الامر منكم(اولى الامر هم الحكام مش امام المسجد) .
2- الشيخ دة اصلا جاهل لانه ميعرفش الفرق بين الاشتراكية والشيوعية
الاشتراكية نظام اقتصادى ,,, الشيوعية نظام دينى اجتماعى وهو عدم الاعتراف بوجود الخالق
3- انا ضد ماقالة وفعلة الامام ويجب اقالتة .
4- امثال الشيخ دة خر على مصر أخطر من النظام الحالى
5- استاذة عبير واستاذ مصرى فى امثال الخطيب دة كتير وفى خطباء مختلفة فى الراى والفكر معاة دة مش توجة وزارة(لى فكرة اى حد خريج ازهر ممكن يبقى امام لو دفع المعلوم يعنى اللى بيطلع يقول قال الله وقال الرسول ممكن اوى يكون راشى او مرتشى)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أستاذ احمد هتلر انا معجب جدا بالمدونة ومساحة الحرية فيها وايمانك بافكارك ودفاعك عن الا خرين .
6 سبتمبر, 2008 في الساعة 3:31 ص
انا شايفه يا مصرى انه من الصعب اوى فرد او اتنين يكون ليهم تاثير على ملايين من البشر اللى تفكيرهم كدا عارف ليه ؟ لان الدور الاساسى لازم ييجى من جهات عليا زى وزاره الاوقاف مثلا وغيرها..لان الناس دى واللى يمكن يكون بعض افراد عيلتى وعيلتك منهم مش من السهل خالص يغيروا تفكيرهم فى حاجه زى كدا بسهوله هما بيشوفو ان ارائهم هى بس اللى صح
بس الاهم من دا كله فى وجهه نظرى ان اللى ينتمى لاتجاه معين ميحاولش انه يخبط فى الاتجاهات التانيه حتى لو مكنش مقتنع بيها من الاساس وكل انسان حر الاختيار….