مدونة أحمد هتلر

9 عدد التعليقات على “الشورى ولّع ..”

1. المواطن مصرى يعلق:
   28 أغسطس, 2008 في الساعة 4:54 م

   كل الكلام اللى انتا كتبته صح دى كارثة ولو دى حصلت فى دولة اخرى كان مجلس الوزراء استقال.

   تصحيح البيت الابيض اتحرق قبل كدة وعلشان يداروا اثر الحريق دهنوا المبنى ابيض.

2. أحمد المنسي يعلق:
   30 أغسطس, 2008 في الساعة 12:40 م

   اسبوع واحد عدي علي حريق الشوري واهو الشعب نسي واتلهي في مشاكل تانية مابتخلصش وهكذا دواليك مع كل مشكلة بتحصل في المحروسة

   المواطن مصري
   فعلا البيت الأبيض اتحرق قبل كده بس مش ولع
   وعلي فكرة المبني كان أبيض برضو قبل ما الانجليز يولعوا فيه

3. مصريه رومانسيه يعلق:
   1 سبتمبر, 2008 في الساعة 1:38 ص

   والله يا احمد انت مهما اتكلمت ومهما الناس اتكلمو فى الموضوع ده عمركو ما هتتصورو الشكل البشع اللى كان موجود انا شفته بعينى الله لا يوريك ده احنا قلنا ان حريق القاهره رجع تانى وربنا يحمى مصر من كل شر ومش يقولو ان اللى عملها واحد مجنون او بسبب ماس كهربى علشان احنا مش مختومين على قفانا معلش طولت عليك

4. المواطن مصرى يعلق:
   1 سبتمبر, 2008 في الساعة 1:57 ص

   أحمد المنسى …………… اية الفرق بين اتحرق وولع؟؟؟؟؟؟
   طبقا لمعلوماتى انة كان قبل الحريق مش ابيض
   على فكرة دة كان تصحيح لمعلومات هتلر مش مارنة او تبرير لحريق الشورى لان اللى حصل كارثة وعدم معاقبة المقصر مصيبة ونسيانة عار.

5. أحمد المنسي يعلق:
   1 سبتمبر, 2008 في الساعة 9:44 م

   المواطن مصري
   (حسبته مفهوما).. أنا قصدت اتحرق عن قصد مش ولع بالصدفة, ولو مش هو دا المعني اللي بينط في راسك اول ما تسمع أو تقرى كلمة اتحرق وولع فأنا آسف لحضرتك

   بالنسبة لموضوعنا بيقولك اجتمعت لجنة برلمانية برئاسة فتحي سرور لبحث حريق مجلس الشوري والاجتماع ممكن تلاحظ فيه الآتي:
   - الحكومة غابت عن الاجتماع
   - المجلس ولع قبل كده خمس مرات في عين العدو
   - زكريا عزمي طالب بضرورة دراسة أسباب شماتة المواطنين في المجلس (وبنقوله يا دوك راجع الملحوظة اللي فوق دي علي طول)
   - اللجنة وجهت الشكر للسيد رئيس الجمهورية علي قرار اعادة بناء المجلس (وبنقول للجنة عيب عليكي يا لجنة لا شكر علي واجب!!!!)

6. المواطن مصرى يعلق:
   3 سبتمبر, 2008 في الساعة 3:16 ص

   مع احترامى للفرق بين اتحرق وولع واللى وش موجود فى المعجم بس مش دى القضية
   احنا لو كنا فى بلد محترم كانت حصلت وزارة نظيف على لقب سابق ودة كان اقل شيئ
   اما بالنسبة لشماتة المواطنين فدة مش محتاج دراسة دا محتاج تقرأ السطر التالى
   شر البلية ما يضحك
   فخامة معالى صاحب السمو والاحترام جناب رئيس الجمهورية تفضل بنفسة واصدر تعليماتة باستخدام المال العام لاعادة ترميم المجلس ودة انجاز زى كل انجازاتة من محطات مياة وكهرباء وصرف وطرق و مستشفيات ياراجل انتا فاكر ان دة واجب؟؟؟؟؟؟؟؟؟؟
   انتا مش عايش معانا ؟؟؟؟؟؟؟؟؟

7. lady palace يعلق:
   7 سبتمبر, 2008 في الساعة 3:38 م

   بصراحة الله عليك يا هتلر
   كنت لسه هاقولها هههههههههههه
   بجد مدونة جنان، ايه يا باشا ده، بجد منور
   رمضان كريم

8. نانا يعلق:
   8 أكتوبر, 2008 في الساعة 1:23 ص

   اللى حصل حصل ولع ولا اتحرق مش فارقه نضيف بقى ولا مغسول باريال برضو مش فارقه

   اللى شدنى انى اكتب تعليق يا احمد هو ذكرك لاسم (( وائل عباس))

   طبعا مكدبتش خبر وزورت المدونه لقيت ايه بقى عينك ما تشوف الا النور

   شتيمه تلاقى سب تلاقى كلام قذر من الاستاذ وائل عباس واللى بيعترض على كلامه بيكون مصيره السب وحذف التعليق

   من فضلك تناقشنا حول المدونات وهل من حريه المدون اللى بيمثل بلده فى النهايه ان يكون اسلوبه سورى فى اللفظ اسلوب صيع

   وان كل زائر يعلق يترد عليه شيتمه وسب وكلام استغفر الله الواحد يخجل يقراه

   ده لينك ياريت تشوفه والكل يشوفه عشان الكل يعرف مصر ايه اللى مخليها دايما ورا

   http://misrdigital.blogspirit.com/archive/2008/10/06/ظ„ظٹظ‡-ط§ظ„ظ†ط§طµط±ط¬ظٹط©-ط®ظˆظ†ط©-ظˆط¹ظ…ظ„ط§-ظˆظ„ط§ط¯-ظ‚ط­ط¨ط©.html

   واسفه على الاطاله بس ياريت يا اخ احمد انك مش تتجاهل تعليقى

9. أحمد هتلر يعلق:
   18 أكتوبر, 2008 في الساعة 1:41 ص

   اسف يا نانا اني اتاخرت فى الرد عليكي
   بس ده لظروف خارجه عن ارادتي .. مع اني وافقت عالرد من فتره
   الا اني مكانش عندي الوقت اني ارد عليكي ..

   بكل بساطه يا نانا
   وائل عباس حر يكتب اللى يكتبه ويشتم زي ماهو عايز
   انتي اكيد خدتي اسم المدونه وعملتي عليها بحث فجوجل بمحض ارادتك
   ودخلتي مدونته مع سبق الاصرار والترصد
   ولو كنتي بصيتي عالشمال كنت هتلاقى اقرار كده
   كتبه وائل لاي حد معترض من باب ابراء الزمه
   واللى مش عاجبه ميدخلش ببساطه
   دي حريه … موافقه على شروطي اقري مش موافقه بكل بساطه اقفلى المدونه
   وفى مليون مدونه تانيه

   بالنسبه بقى لتمثيل وائل لمصر
   وائل مقالش انه وزير خارجيه
   واي مدون مقالش كده
   وائل انسان مصري بكل بساطه
   سافل زي اي مصري فبعض الاوقات وانا منهم
   ومحترم فى بعض الاوقات اكيد برضه وده من غير ما اقابله
   بس اتوقع كده يعني …
   واي حد مفروض انه بيقرى مدونه وائل
   لازم يكون عارف انه بيقرى افكار مواطن مصري
   وكل بلد فيها السافل والمحترم والمؤدب
   احنا فى الانترنت بنتجرد من شروط وقيود الاتيكيت
   والبروتوكولات الاخلاقيه الخ ..

   اتمنى مكنش خيبت ظنك بردي
   انا شايف ان وائل حر يكتب اللى هوه عايزه
   وانتي حره برضه متقريش وحره تعملي بلوج تشتمي براحتك برضه

أضف تعليق.

الاسم (مطلوب)

البريد (لن يتم نشره) (مطلوب)

الموقع

You must read and type the 2 chars within 0..9 and A..F, and submit the form.