مدونة أحمد هتلر

8 عدد التعليقات على “ماراثون بكين ..”

1. المواطن مصرى يعلق:
   18 أغسطس, 2008 في الساعة 7:54 ص

   انا مشفتش المراثون ولا اى حاجة من بكين,
   1-انتا بتقول ان لو حصل وكان فى حاجة زى كدة فى المحروسة الناس هتروح تتفرج على الاجساد مش على فاعليات البطولة ……….. سعتك لو رحت هتتفرج على اية؟؟؟؟؟؟؟؟ وبعدين مين قال لمعا ليك ان الصنيين كانو ريحين يتابعو المراثون مش لاى غرض تانى.
   2- بخصوص ابو دقن والانتحارى اللى هيفجر نفسة تفتكر ان الجماعة بتوع التبت وتيوان مش عايزين يعملوا حاجة زى كدة فى الصين………. زى بن لادن هنا .
   3- صفر المنديال هو صفر ومفيش اى تبرير للصفر غير اننا امة عاجزة عن التخطيط وعن الدخول ى منافسات , لكن الصفر ما يعبرش عن عدم القدرة على تنظيم بطولة بمستوى كاس العالم ,
   مثلا البرازيل نظمت كاس عالم وهى دولة فقيرة ونامية
   جنوب افرقيا بتواجة مشاكل ف الالزام بالجدول المحدد للاستعداد للبطولة (بالمناسبة جنوب افرقيا دولة تشبة مصر جدا وتزيد بانعدام الامن تماما )
   4- اخ احمد انتا لفيت فى مصر يعنى رحت قنا او اسوان او العريش او حتى بورسعيد او السويس , سيبك من الزقازيق والمنصورة لانهم اقرب الى الارياف من المدن , وسيبك من القاهرة وتلوثهاا وزحمتها وكل حاجة فيها – مصر مش القاهرة بس.
   مصر بتتاخربينا (الشعب المصرى) ……… بفسادنا برشاوينا بزممنا الواسعة ………… و بالحزب الحاكم وبالكبير اللى قاعد على الكرسى.

2. abeer يعلق:
   28 أغسطس, 2008 في الساعة 12:51 ص

   انت شايف ان دى فعلا قيمه بلدنا؟؟؟؟؟؟؟؟؟؟؟؟
   بلدنا اللى هى ام الدنيا واللى بيجلها السواح من اخر الدنيا
   ولا بلدنا اللى هى شيلانا مهما كانت عيوبها انت ممكن تحس فعلا بقيمتها الحقيقيه لو سافرت بلد تانيه واتذليت شويتين
   انا مش بقول ان مصر مفهاش فقر ولا جهل لا اكيد فيها بس حتى لو دى الحقيقه هى اكيد فيها مزايا تانيه كتير اوى
   انت فعلا دا رايك ولا انت بتنتقد دايما عشان تبقى مختلف ؟؟؟؟؟؟؟؟؟؟ لان لو كان دا رايك واحساسك الحقيقى يبقى كدا مفيش حاجه عجباك اصلا لا الدين ولا البلد يبقى ايه ناقص تانى ؟؟؟؟؟؟؟؟

3. أحمد هتلر يعلق:
   28 أغسطس, 2008 في الساعة 3:19 ص

   ايوه قيمتها صفر
   وبعدين انتي بتتكلمي عن انهي بلد
   هما السواح بيجوا القاهره اللى فيها نسبه تلوث عالميه
   ولا بيروحوا شرم والغردقه اللى هما مش تبع البلد دول بلاد لوحدهم ..
   اكيد طبعا مش معارضه لمجرد المعارضه
   ولو انتي متابعه المدونه من بداياتها هتعرفي انا بفكر ازاي
   لكن الاعتراف بالحق افضل من دفن الراس فى التراب ..

4. abeer يعلق:
   28 أغسطس, 2008 في الساعة 3:36 م

   ليه بقى لما جيت تتكلم عن الغردقه وشرم اعتبرتهم مش تبع مصر ولا عشان لقيت فيهم مزايا ما فى الاول والاخر دى مدن مصريه سواء انت شايف كدا ولا لا
   وبعدين انا مش بنكر ان مصر فيها فقر وجهل وغيرها بس على الاقل مش كل حاجه فيها وحشه زىانت ما شايفها كدا..
   وبعدين لما انت شايف ان قيمتها صفر ليه كاتب proud to be egyption)منين بتقول انك فخور انك مصرى ومنين بتقول ان قيمتها صفر مش شايف ان دا رقم قليل عليها؟؟؟؟؟؟؟؟؟؟

5. أحمد هتلر يعلق:
   29 أغسطس, 2008 في الساعة 11:45 م

   من حقي افخر اني حفيد الفراعنه
   بغض النظر عن اني بكره ميه المجاري فى الحنفيات
   والفشل الكلوي في السندوتشات
   والتلوث فى الهوا والفساد والرشاوي والتخلف
   كل دي حاجات بكرهها مع اني بحب اسكندريه
   وبحب الغردقه ومرسى مطروح وبحب ناس من اهل مصر الواسعه
   وبالنسبه للغردقه وشرم فدول مدن صريحه بتتطبق فيها العلمانيه بمنتهى
   الوضوح وبدون اي مشاكل نموذج احب انه يكون فكل مدينه مصريه
   مش نفاق مجتمعي عايشين جواه ومطلوب نسكت
   ولو مسكتناش نبقى خونه وعملاء وكفار كمان ..

6. مصريه رومانسيه يعلق:
   31 أغسطس, 2008 في الساعة 1:41 ص

   والله انا شايفه يا استاذ احمد ان مصر مش قيمتها صفر ذى ما بتقول ومش قيمتها 10 من 10 لكن بجد مصر فيها حاجات كتير حلوه كفايه الناس اللى عيشين فيها ومش هقول كل الناس اللى فيها علشان كل بلد فيها الحلو والوحش كفايه ان انت واحد من نسها وكفايه ان فيها اسكندريه والغردقه وشرم الشيخ والزقازيق علشان مش تزعل بس بجد والله مصر حلوه وتستاهل اننا نحبها ونفتخر بيها فى كل كلامنا ده المفروض ان لو اى حد اتكلم عن بلدنا وحش احنا اللى نقف قصاده مش احنا اللى نتكلم عليها كده مبالك الناس التانيه هيعملو ايه فكر فى كلامى وحاول تحب مصر من قلب مش بالكلام ذى ماهيا دى بلد الفراعنه ذى ما بتقول معلش طولت عليك.

7. المواطن مصرى يعلق:
   1 سبتمبر, 2008 في الساعة 2:04 ص

   وكفايا ان فيها توكتوك وكفايا ان فيها ناس بتمشى عكس الاتجاة وكفايا ان فيها طلاب جامعة مبيعرفوش يجمعوا الا علا صوابعهم او بلالة الحاسبة وكفاية ان فيها احمد عز -محتكر الحديد- وكفايا اكوام الزبالة اللى فى كل مكان
   وكفاية انك فى بلدك ويتعامل الاجنبى احسن منك وكفاية ان الشباب مش لاقى شغل وكفاية طبور العيش وكفاية فساد ورشوة وكفاية كدة.

8. مصريه رومانسيه يعلق:
   1 سبتمبر, 2008 في الساعة 6:05 م

   هو ليه انتو نظرتكم متشائمه ليه كده ناحيه البلد مهو اللى عمل فيها كده الناس اللى فيها اللى مش بيحبوها والله مصر لو لقت حد يحبها ويخاف عليها هتكون احسن بلد فى الدنيا وهتكون صحيح ام الدنيا ياريت تحبو مصر علشان تحبكو اكتر ما انتو هتحبوها لو سمحت يا هتلر هو انا هسألك سؤال هو ليه مفيش حد تانى بيكتب مواضيع ولا هى دى قوانين المنتدى معلش انا متبعاكو من فتره قليله ومعلش طولت عليك

أضف تعليق.

الاسم (مطلوب)

البريد (لن يتم نشره) (مطلوب)

الموقع

You must read and type the 2 chars within 0..9 and A..F, and submit the form.