من اسكندريه
من حوالى 4 سنين
كنت فنفس الكافيه
كان يوم نتيجه الثانويه العامه
اخويا الصغير جالى وانا نايم رقم جلوسك كااااااااام ؟؟
قلتله رقم مش فاكره
راح وبعدين رجعلى
قالى ده رقم غلط ده بتاع بنت وساقطه !!!
يادي النيله
طيب حط الخمسه بدل التلاته وجرب
رجعلى تاني
يابني غلط برضه
بتاع بنت وساقطه
قوم ماما مستنياك فى النت كافيه
رحت الكافيه
قعدت اجرب ارقام وابدل
والغريب ان 90% من النتائج بنات وساقطين ..
وفي النهايه طلعت النتيجه
ونجحت بنسبه 71% باين
ومع ذلك دخلت هندسه
لان الحياه فى بلدنا بسيطه
وبصراحه انا الهندسه زيها زي الحقوق عندي
كلها اشتغالات بيضحكوا علينا بيها
وعالاسر الغلبانه المؤمنه بالنظام التعليمي المصري العقيم !!
وبالمناسبه البنتين اللى عندنا من الزقازيق الاوائل عالجمهوريه
الاتنين مدارس خاصه
تفتكروا دي دعايه للتعليم الخاص مثلاً
ولا دليل واقعي على فشل التعليم الحكومي ابو بلاش ؟؟
يوليو 18
23 يوليو, 2008 في الساعة 6:21 م
انا شايفه انه دليل على الاتنين مع بعض
بس دليل اكتر على فشل نظام التعليم فى مصر
والدليل على كدا امتحانات الثانويه العامه وبعد كدا النتائج بس اكيد الهندسه مش زى الحقوق عارف ليه ؟؟؟؟؟لان احنا فى مصر بنبص للحقوق على انها الكليه اللى يدخلها اى حد فاشل مش جايب مجموع على الرغم انى بشوف انه مجرد ان حد يدخل ثانويه عامه فى مصر وينجح دا فى حد ذاته انجاز لكن اى حد بيجيب مجموع الهندسه دا يبقى عبقرى زمانه (بس بصراحه مش عبقرى فى نظرى)
22 أغسطس, 2008 في الساعة 1:52 ص
جزاك الله كل خير على مجهوداتك
26 أغسطس, 2008 في الساعة 9:48 م
انا مش عارفه ايه هدفهم لما يخبطونا مع اننا كنا بنزاكر طول السنه والي ما زاكرش تلاقيه جايب نفس مجموعك حاجه غريبه والله ديه الدراسه بقت وجع دماغ