تخيل تفتح منتدى
تلاقي موضوع فيه الف مشاركه
ويطلع الموضوع بيسالك تقبل تتجوز واحده بتكتب فى المنتديات ولا لا ؟
مش عارف ايه التخلف اللى وصلناله ده
هو احنا فاضيين قوي كده ؟؟
لا ويطلع كاتب الموضوع ناقله من منتدى اسلامي
قال ايه واحد راح خطب واحده
وشافها الرؤيه الشرعيه 
عجباني قوي حته الرؤيه الشرعيه دي
بيتهيالى الناس اللى بعد البحر الابيض وانت طالع كده
هما بس اللى يعرفوها بجد
انما احنا منعرفهاش خالص
قال رؤيه شرعيه قال
المهم بعد ما خطبها حدد ميعاد كتب الكتاب
وراح يقول انا خطبت فلانه بنت فلان << مش عارف انا هيا نكره علشان يعرفها باسم ابوها 
المهم قابل واحد زميله قال ما شاء الله خطبت الكاتبه الفلانيه
فاستغرب …
فقاله فلانه اللى بتكتب باسم كذا فى منتديات كذا
اختى تعرفها واعترفتلها بالسر << تقولش ارتكبت الخطيئه
فاتصل بيها امها ردت عليه قالها ممكن اكلم خطيبتي << هيا معهاش موبايل ولا ايه ؟؟
وبعدين قالها انتى فلانه اللى بتكتبي باسم كذا فمنتدى كذا
قالتله اه
قالها اسف انا لا اتجوز فتاه انترنت << تقولش ياخويا فتاه ليل
وطبعاً بما اني فتى انترنت
ومش شايف ان دي وصمه عار ابداً
الا اذا كان اللى بيقرر متخلف همجي من بلاد ما وراء كثبان الرمال
فانا شايف ان البنت دي ربنا رحمها من المتخلف ده
واقر باني اقبل بان اتزوج من فتاه تكتب فى المنتديات
وتكتب فى البلوجات وبتسمع اغاني فسمعنا كمان
وبتتفرج على يوتيوب ولا بلاش يوتيوب لحسن فيه حاجات قبيحه
وعندها موبايل وخطين واحد موبينيل وواحد فودافون
ويمكن اكون اتعرفت عليها فهاي فايف ولا فيس بوك
بعد كده الناس وهيا رايحه تتجوز
العروسه تشوف العريس بيشرب سجاير ولا لا
وهوه يشوف عندهم كمبيوتر ولا لا ؟
وواحد يجي يقولك المنتدى ده مصطبه
لو ترضى ان مراتك تقعد على مصطبه
تبقى راجل مش ولا بد
مش عارف انا هيا قاعده على مصطبه اباحيه ؟؟
ولا هيا كانت مصطبه ابوه ؟؟
كمان كام يوم هنلاقى موضوع هل تقبل الزواج بفتاه تشاهد ميلودي افلام
فين الواد اللى بيتحدى الملل عاوزينه فمشوار ..
احنا نقول عليهم متخلفين
وهما يقولوا علينا كفار
وزغرطي يام فاروق
يناير 12
12 يناير, 2008 في الساعة 8:31 م
very beautiful description, well said Ahmed, the problem is we are really changing as society to the dark ages, it became extremely hard to find an EGYPTIAN who still speak reasonably , it became very obvious, i feel so scared to think how lonely liberal people feel, but you know you give me hope that there is still someone there, the point is they always mix up between freedom and moral corruption. they think to be closed narrow minded is the way to keep chastity of the people while it is not the case, and on contrary the reverse thing happens.
16 فبراير, 2008 في الساعة 3:49 ص
تقبل الزواج بفتاه تشاهد ميلودي افلام
لا طبعا ميلودى افلام عيب
تتفرج بس على قناة الناس وقناة تميمه عشان تعرف تشترى الحلل اللى هتطبخ فيها لسى السيد اللى هيفتح لها بيت العدل ياخويا
عالم متخلفه والله
منا بدخل نت اهو ولا انحرفت ولا اشتغلت رقاصه هههههههه
وعلى رايك
زغرطى يا ام فارووق لولولولوليششش
10 مارس, 2008 في الساعة 1:32 ص
عالم فاضيا يا خويا ما انا اهو بدخل نت ولا انحرفتش على رايك زغرطى يا ام فاروق لووووووووووووووووووووووووووووووووولى