اكتشفت لما صحيت من النوم النهارده اني بقالى حوالى 3 ايام مبكتبش فى المدونه
متعرفوش ليه ولا انا كمان عارف
يمكن علشان مفيش جديد
يمكن علشان وعلشان وعلشان ..
المهم انا بقالى فوق 19 ساعه في نوم متواصل او زي ما تقولوا غيبوبه
اختياري
انا مش هروح الدرس بتاع الاجرام مع نهال لان المستر شخصيته ضعيفه
جدا وانا مش مقتنع بيه اساساً
بس مستر علي بتاع الشريعه كويس الحمد لله وبيعاملنا كويس وشرحه
مفهوم بالنسبه لعقليتي المتدمره وذاكرتي الممسوحه والزهايمر المبكر
اللى الواحد عايش فيه ..
انا مش عارف اشكر نهال ازاى الصراحه البنت انقذتني بالمدرسين دول
وما قصرتش الصراحه كلمتهملى كلهم بدون اي مقابل او حتى صداقه
قويه .
مصر لسه بخير
نهال دي انا عايز اكتب فيها مواضيع ..ربنا يسهل
المهم انا كمان قررت انى ارجع لمستر علاء وهاني
اللى كنت باخد عندهم الترم الاول ودول بيدوا كل المواد
بس ما شاء الله عليهم طريقتهم ممتازه جدا فى الشرح
ولولاهم كنت ضعت فى الترم الاول ..
انا كلمت احمد مختار واحمد والواد سامح يقولوله انى عاوز ارجع وكده اصل
مش طالبه اروح وتقلب باحراج .
اما بقى على الصعيد الالكتروني ففي مشروع جديد انا شغال فيه
موقع صورتي دوت كوم وده ناوي اخليه من اكبر مواقع الصور العربيه
وان شاء الله هتكون البدايه فيه بـ 40 الف صوره
وتقدروا تتابعوا تطور المشروع خطوه بخطوه من هنا www.9orte.com
انا مستنى شيك الكاش يو اللى اول مره استلم منهم فلوس ربنا يسهل
لانى اول مره اتعامل بموضوع الشيكات ده
ماله الويسترن يونيون بس ولا البنك الاهلى
وفي النهايه انا هسيبكم بقى
انا رايح لرفعت ادردش واذاكر معاه شوية
بقالى يومين مشفتوش الفاشل ده
يلا سلام بقى
يلا مفيش نصيب خاين وعرفته دلوقتي
أحدث التعليقات