أولاً كل سنه وانتوا طيبين ومن اللحمه مانتخين ومتنفخين
ثانياً عزائي لكل عملاء سنترال شرق الزقازيق اللي زي حالاتي مبضونين
قبل صلاه الفجر يوم الوقفه
حرامي روش طالبه معاه ينتقم من الحكومه ويثبتلهم انهم بقر
ويستاهلوا يدبحوا على العيد
او الظاهر كان بيلم العيديه
لتالت مره ينط على السنترال
ويسرق الكابلات اللى موصله دسلامات النت بداخل السنترال
سيادته مسابش سلك مقطعوش
وفصل كل شركات الـ DSL بشرق الزقازيق
من أول تي اي داتا (فرست كوم) ولينك دوت نت وغيرهم
ماعدا شركه ايجي نت لانها لسه صغيره فالسلك بتاعها صغير فاستخسر يسرقه
والشركات ولاد الكلاب بقالهم خمس ايام من يوم الوقفه للنهارده كل يوم يقولوا بنصلحهم بعتنا نجيب كابلات جديده
والنت فاصل عن نص الزقازيق بسبب حرامي متخلف خد النحاس يسيحه
او صراع بين شركات على العملاء الله اعلم
المهم العملاء الضحيه فى الاخر
النت يقعد فاصل 5 ايام ولاد الكلب
والواحد شغله متعطل بسبب تخلفهم
الداتا سنترز بره الداون تايم بتاعها بيبقى دقايق
ودول 5 اياااااااااااااااااااااااااام الله يلعنهم
ومقعدين اتنين عساكر متلحفين ونايمين
يحرسوا اتصالات نص الزقازيق
سنترال حكومي بيخدم نص مدينه عدد سكانها مليون بني ادم
حرامي يدخل يسرقه تلت مرات فى شهر واحد
ومش عارفين يمسكوه ؟؟
23 ديسمبر, 2007 في الساعة 9:02 م
جميل قوي انت عرضت المشكله ايه الحل من وجهه نظرك
28 ديسمبر, 2007 في الساعة 3:33 م
ياحرام
بجد دي حاجه تغييييييييييييييظ جدا
بس ايه مصلحه واحد بيسرق في انه يقطع الكابلات كده
دي اكيد حاجه مقصوده
والي عاملنها اصحاب السلك القصير الي لسه متقطعش
ههههههههههه
انا اول مره ادخل هنا
وعرفت المدونه دي بالصدفه البحته قوي قوي
بس انبسط جدا بيها وعجبتني والحمد لله اني عرفتها
يلا بقي(بست وشز فور يو)0
28 ديسمبر, 2007 في الساعة 3:49 م
عصوم حبيب جلبي ..
الحل نقفل السنترال خالص يا ولدي
تفتكر بخبرتك القانونيه
وحواسك الامنيه
ايه الحل غير اننا نحط اتنين عساكر صاحيين
يمسكوه لما يجي تاني ؟؟
وياخدوا منه ميتين جنيه
ويسيبوه !!
نوري
ولكم ان ذا بلوج
الاشاعات بتقول ان الجماعه السلفيه اياها
طلعت فتوى بحرمانيه الانترنت
لان فى ناس بتنزل من عليه اغاني وافلام خليعه
فقالوا نسكب ثواب فى الناس ونمنع الشر من دخول بيوتهم ..
وناس تانيه بتقول ان الاتصالات هيا الى عملت كده
عملا بمبدأ ما اسكر كثيره فقليله حرام
عملوا الباندويث المفتوح
لقوه وحش عملوه محدود
لقوه وحش قطعوه ..
20 يناير, 2008 في الساعة 1:18 م
ههههههههه
الحالة عندكم خربانة اوي ياعم .
من رأي ترفع من الروح المعنوية عند الحرامية عندكم !!
يعني كل واحد من الحرامية يجيليك كل اخر اسوبع تديله 500 جنيه علشان يعرف يعيش
هههههههههه
علشان معتش حد يقطع اى كبلات
هههه ،
الاختلاف فى الرأي لا يفسد فى الود قضية !!
تشأأأأأأأأو
1 يوليو, 2008 في الساعة 11:50 م
السلام عليكم ورحمة الله وبركاته
ياريت طلب من كل الاخوة اللى فى مركز الزقازيق حبايبنا
يعطينى معلومات عن الوكلاء والمندوبين لشركات النت تى داتا ولينك دوت نت
فى الزقازيق
عشان عايز اغير المندوب اللى معاى
واشوف الاسعار عشان كل واحد بيغالى على مزاجه
4 يوليو, 2008 في الساعة 1:58 م
استاذ عبد الستار
انا اللى عندي تليفونات القوميه نت
055/2321205
055/2385598
وهما موزعين لنايل اون لاين ولينك دوت نت على حد علمي
واتصل استفسر احسن