حاسس بملل بيقتلنى ببطء
مفيش طعم للحياه
اخر مره دخلت فيها الويكيبيديا وقريت عن موضوع جديد كانت من شهرين
اخر مره شفت فيها فيلم جديد كانت من شهر
بدأ الملل يخنقني
بقيت عامل زي انسان عجوز
بيصحى الصبح يشوف حسابه فى البنك بقى كام
ومستنى يموت
ويوزعوا الثروه ..
قلت اما اغير الرتم الممل بتاع الحياه
نزلت فيلم الكتاب الأسود (The Black Book)
الفيلم بيحكي قصه فتاه هولنديه يهوديه
فى فتره احتلال المانيا
حسيت بتعاطف كبير جداً لليهود
حسيت كمان بشرف مقاومتهم للألمان
مستغربتش لما كان الالمان بيطلقوا عليهم لفظ ارهابيين
مسلمين فلسطين كمان بيتقال عليهم ارهابيين
انصحكوا تشوفوا الفيلم
الفيلم فيه بعض المشاهد الخارجه
البطله كانت مجبره تستخدم جسدها
للدفاع عن قضيتها ..
بفتح المفضله عندي
كان فى مواضيع ضفتها زمان
تحت تصنيف سياسه
لقيت صفحه عن محافظه المنوفيه
وصفحه عن الإلحاد
اكتشفت ان فى الفتره اللى ضفت فيها الصفحات دي
كانت اى معلومات عايز ابقى ارجع اقراها بعدين
كنت بضيفها تحت تصنيف سياسه
حاسس بخوف اول مره بحس بيه فحياتي
بقيت بكره المجتمع اللى عايش فيه
مش عارف يمكن مينفعش اكتب الكلام ده
بس اتمنيت لو انى اتولدت فمجتمع غير ده
وناس ثقافتهم مختلفه عن الوطن ده
ساعتها برضه كانوا هيعلموني ان افكارهم
هيا الصح وان دينهم هو الأصح
وان لو لم اكن منهم لوددت ان اكون منهم
هما مين دول معرفهمش
بس اكيد مش اللى انا عايش معاهم …
حاسس كمان بتضارب نفسي
مش عارف ممكن انساه بعد 10 دقايق
بس انا من فتره كان لازم ارجع عقلى يشتغل تاني
واشيل طبقه التراب اللى غطته
بقى عندي فلسفه استنتجتها
ان الانسان عباره عن كمبيوتر
مدخلات ومعالجه ومخرجات
مفيش مدخلات مفيش معالجه مفيش مخرجات
هي دي معادله الحياه ..
حتى فى الحب ..
بمناسبه الحب
كنت عايز اكتب جواب لـ "حبيبتي"
زمان كنت لما افتح ايميلى
اول ايميل ابص عليه اشوفه ايميلك
الافيكي اوف لاين
اقعد اقرى المحادثات
كنت برتاح جداً
كان ممكن تعدي عليا ساعتين اقرى واضحك
وابتسم واحياناً ابكي .. واحزن .. وارجع اضحك
كان كل ايميل يفتح اتاكد هو ايميلك ولا لا
اكتر من مره كنت اجي ابص على ايميلك
الاقيكي دخلتى اون لاين فجأه
كنت بقول يمكن صدفه
بس انا حاسس انه حاجه تانيه
ابعد بكتير من انها تكون صدفه
كنت حاسس اننا زمان اقرب لبعض من النهارده
كنا بنضحك ونعيط
كنتي فعلا اقرب انسانه ليا
وكنت زي ماكنتي بتقولى اقرب انسان ليكي
او الوحيد اللى سمحتيله يعدي الحدود زي ما بتحبي توصفيني
لكن دلوقتي بقيت اقعد استناكي وبس
ومبقتش الاقيكي
كانى بستنى وهم او شبح
او حد اداني ميعاد ونسيني
مع ان عمرنا مكان فى بينا مواعيد
عموما اتمنى اقدر ارجع احمد تانى
احمد الكوكتيل
مش احمد المجوف
اللى لما رخصه تتسحب علشان العربيه متفيمه
يحس ان الدنيا انتهت وان البلد ظالماه
ارجع احمد الواقعي
اللى بيبقى عارف انه عامل مخالفه
ومقدر تماما ايه عقوبتها
وعارف هيتصرف معاها ازاى
ومقابلها ايه
احمد اللى قيم الكليه
واقتنع بانها عديمه القيمه
واداها الاهتمام اللى تستاهله
ولما سقط بتلت مواد محزنش ولو دقيقه
لان اعتبر نجاحه فبقيت المواد اكبر دليل على فشل النظام الدراسي
احمد اللى مخه طااااااااااااااااااقق
هوه انا …
29 أكتوبر, 2007 في الساعة 5:23 ص
I read what you write usually, I think you are talented and very good programmer, u have a very good future,
It looks that You are now very depressed may be love may be the goals that you have not enough to make you eager to work on them. you can\\\\\\\’t change the community but you can change your own future by thinking positively .
well start with making specialised webs mean subjectives so people can use them and you gain money. I like rapidshare can you make one like it. I know it needs servers but it is a thought. I will be happy if we become friends, do not ask aboutage I am older than you and not in the middle east at all, but I am egyptian doctor.
29 أكتوبر, 2007 في الساعة 5:25 ص
I do not have arabic keyboard
29 أكتوبر, 2007 في الساعة 9:57 م
احمد انت كويس؟؟؟؟؟؟؟؟؟؟؟؟؟؟
والله بجد هموت من القلق عليك,بص لو فيه اى حاجه مزعلاك نفضلها ومتعملش كده فى نفسك ليه انت حزين كده انا هكلمك علشان اطمن عليك وعايزه اشوفك فى الكليه حاول تيجى مره وظبط معايا عشان اشوفك يومها وخد بالك على نفسك بالله عليك واتوضى وصلى وهتكون كويس
31 أكتوبر, 2007 في الساعة 5:17 م
الحاله دى ملهاش غير معنى واحد ((غياب الهدف)) أنا مش دكتور نفسانى بس جربت
كتير
3 نوفمبر, 2007 في الساعة 10:54 ص
Don,t be depressed ahmad, because what u feel is almost very normal for a rational person like you. you can consider it as the tax of being that talented in a society losing its rationality with time, I am egyptian but not in egypt . what you write exactly describe the feeling of many good persons who find themselves lonely among their own people. my advice is never lose confidence that you are right and good, this is fun in itself. I am sure your life style is far much better than many boring others. so keep up with my best wishes.
4 نوفمبر, 2007 في الساعة 7:29 ص
تصدق و تؤمن بالله من اول الحته بتاعت الحب دي لحد اخر المقالة كانك بتتتكللم عني سبحان الله
6 نوفمبر, 2007 في الساعة 5:03 ص
Emhoteb
ميرسي لمرورك وشكرا لتشجيعك .. بالنسبه لرابيد شير .. مش فمخططاتي انى اعمل حاجه قريبه منه للاسف ..
دونّا دينا
ميرسي يا ندله على مرورك .. واحشاني والله … قريب هنتقابل ..
ahmed ali
ردك ده متعرفش كان مفيد بالنسبالى قد ايه .. مع انه كام كلمه لكن تحديد المشكله
اول الطريق لحلها .. انا عملت نوت فى الموبايل كاتب فيه الاهداف اللى هحققها فى الفتره الجايه فكل الاهتمامات من اول تطوير مواقعي لغايه الجواز !
Nefert
متقلقوش عليا .. عمر الشقي بقى ..
SU-GCM
قصدك تناسخ ارواح يعني .. اوه سوري تناسخ افكار