الحكايه بدأت لما جيت اركب سكربت انفايت
السكربت ده وظيفته انه بياخد ايميل وباسورد الزائر ويبعت رساله للكونتاكت باسمه
تدعوهم لزياره الموقع
طبعاً انا كنت عايز هعدل عليه تعديل بسيط بحيث يخزن الايميلات بدل ما يبعتلهم
لان الارسال الكتير من السيرفر بيعتبر "سبام" رسائل مزعجه محرمه دولياً
المهم لقيت السكربت .. قريت معاه انه محتاج CURL ومحتاج SSL
بدور على شرح لتركيبهم لقيت فموقع سوالف شرح فرد كده رحت جربته فى السيرفر
وكانت النتيجه السيرفر وقع لمده يومين
واحمد منسي جري ورايا فى الشارع
والناس تتصل المواقع فيـــــــــــــــــــــــــــــــــــــــن ؟
يا جماعه ده انا كل اللى عملته ابديت للسيرفر
واتاريني بهدلت الاباتشي ومحرك البي اتش بي بالكامل وكل الموديلز اللى كانت راكبه على السيرفر اتفرتكت
المهم بعد ما اشتغل السيرفر بعت رساله للدعم الفني بقولهم يشغلوا الـ CURL والـ SSL هما
ردوا قالولى
P.S. Curl + SSL is already configured for whole server
طبعاً دمي اتحرق لاني خربت السيرفر لمده 48 ساعه علشان اركب حاجه هيا موجوده اصلاً
وفى النهايه طلعت المشكله فى السكربت اللى معايا
كلمت موظف عندي فى فيتنام .. حلوه موظف دي 
كان مركبه على موقعه .. بعتهولى وسبحان الله يا اخي
السكربت اول ما حطيته على الموقع اشتغل ..
يابركاتك يا فيتنام ..
19 مايو, 2007 في الساعة 7:54 م
يا رب انا رجعت ف كلامي ..
خليه 35 متر :@
أحمد المنسي من امبراطورية القهر وشد الشعر
ممكن أصوت ولا دي مدونة محترمة ؟