مدونة أحمد هتلر

رجعت من الاسكندريه فى قطر 4:40 الفجر
كان المفروض اكون في المرور الساعه 9 علشان اتصور واخد الرخصه اللى بقالى خمسين سنه بعملها تقولش باخد الجنسيه الكنديه
وصلت المرور الساعه 11 الضهر .. وانا فاكر نفسي متاخر
اتارى الملفات لسه متمضتش من احمد بيه حواله
واحمد بيه حواله هو من الشخصيات اللي الناس بتحبها جداً
لدرجه ان مفيش حد الا وبيلعن اليوم اللى راح فيه مرور الزقازيق ..
عموماً انا مش من الناس اللى بتخلي حاجات تافهه زي الرخصه تنكد عليها
النت بقى واستمرارن (ايوه هيا بتكتب كده بالطريقه النونيه نسبتن لنوني) للسرعه اللى زي الزفت فى الابلود واللى مخلياني مش عارف ارفع اي حاجه .. ارفع على الموقع محدش دماغه تروح بعيد
ولا احدث اي موقع من مواقعي لان كل مارفع ملف php يترفع نصه ولما افتحه يقولى

 syntax error, unexpected $end

اول لما طلعلى الخطأ راجعت الملف سطر سطر علشان اشوف فين الزفت الغلط
لكن اكتشفت ان الملف سليم 100% وان المشكله ان الملف اللى على الموقع مش كامل اساسا ..
مش هخلى ده برضه ينرفزني وخلونا ناخد الامور ايزي خالص ..
هو فى حاجه تعصب ؟
عموماً انا مش متضايق علشان الانترنت فى مصر وحش بالعكس احنا يمكن متقدمين جداً فى مجال الانترنت والاتصالات مقارنه بدول شقيقه متقدمه عنا اقتصادياً .. اللى مضايقني هو اني اكون متعود على مستوى معين من الخدمه وبعد فتره الاقى مستوى الخدمه انحدر بشكل فظيع
الكلام ده مش على النت وبس الكلام برضه على موبينيل وفودافون اللى ماشاء الله عليهم وعلى شبكاتهم المحروسه .. واللى برضه لا اتوقع ان تكون الشركه التالته بافضل منهم ..
وده لانه من الواضح جداً ان سياسه التخطيط لاستيعاب الضغط على الشبكه نتيجه للانخفاض فى سعر الخدمه واللى بيتبعه طبعاً ازدياد فى الطلب عليها سياسه فاشله ان وجدت اصلاً ..
مش عارف انا ايه اللى كتبته فى السطرين بتوع الاستيعاب دول
بس انتوا فاهمني اكيد .. هع هع هع
ربنا يعينك ياعوف على غتاتي اليومين دول لغايه ماتصرف فى النت ..
هروح ارفعلكم تقرير مصور عن رحله الاسكندريه الاخيره
واللى رجعت منها تعبان كالمعتاد .. معرفش ليه كل ماروح اسكندريه ارجع تعبان ..
حاجه بقى غايظاني من جوايا
ليه في بنات اعرفهم ويمكن نقدر نقول اصدقاء لما بشوفهم فى الشارع وقدام الناس ولا كانهم يعرفوني
حاجه تغيظ دي صح .. مع انهم لو معايا فكافيه الوضع هيختلف تماماً ..
مش عارف بس يمكن اتربينا على النفاق والمظاهر ..
واننا نقيس احترام البنت بتصرفاتها ولبسها ..
ثقافه متخلفه جداً .. ومش عارف الواحد يقدر يصححها ازاى ..

حاجه اخيره عايز اضيفها
وصلنى ايميل من شخص .. باعتلى رساله عن النبي هتلر معرفش مين اللى عمله نبي بس هما خلوه نبي يعني ..
الاخ باعتلى شويه لينكات من موقع اقباط المهجر ..
وطبعاً الموقع تحت سيطره مسيحيه كامله …
وان كانت كلمه الاقباط تعني المصريين وليس المسيحين وكأن لا مصريين الا المسيحين ..
طبعاً انا بعت للاخ رد حلو قوي ومختصر قوي
طيـ …ك حمره ..
تم حذف حرف حفاظاً على الزوق العام .. هع
معلش يا جماعه فى بنات بتقرى المدونه
بس هوه ده الرد اللى جه على دماغى
لانه اختار الرساله الغلط للشخص الغلط وفى الوقت اغلط
كما يقول المثل الهتلورى المحرف ..

وسلامي على اللى ساكن معانا
سلامي ان شالله يوصل سلامي
وبررم برررم تيرا را را