أبريل 03
هتحرك بعد نص ساعه من دلوقتي علشان الحق قطر اسكندريه ..
ضحكت على باشر وقلتله انى فى اسكندريه دلوقتي .. هع
المهم ..
انا بيقولوا النهارده انى نجحت
كنت مجنون النهارده بطريقه اوفر شويه لدرجه ان البنات كانوا هيضربوني
انا نجحت بتقدير مقبول يا جماعه .. هع هع
مش عارف نوني ونسمه متغاظين ليه
يمكن علشان انا مكنتش بذاكر ونجحت صافي
وهما اللى كانوا بيذاكروا كل واحده شالت ماده ..
مش عارف ايه الحقد ده ..
قبل ما انزل الجامعه الصبح كنت فى البنك قدامي 40 رقم على ما يجي دوري
كنت عايز اكلم هدى اخت نوني بتدرب فى البنك هيا .. وبعدين قلت لا بلاش الموضوع مش محتاج وسايط نستنى .. المشكله انى منمتش بقالى يومين .. بعد شويه لقيت نفسي هنام على نفسي قلت لا مفيش غير هدى حبيبتي تنقذني .. يانوني هاتى رقم هدى ..
وعلى راي هدى اللى ليه ضهر ميضربش على بطنه .. يضرب على قفاه ..
البنك بيبقى زحمه جداً فى اول الشهر .. بس كان في شويه مزز جامدين فى البنك بيني وبينكم .. وانا قاعد اغلس على دي شويه واغتت على دي شويه ..
المهم طلعت من البنك على الجامه .. وطلعت النتيجه .. وقال ايه كانوا عايزني اعزمهم على مؤمن .. تقولش اول واحد ينجح فى الكليه دي ..
وسلّم على لما قابلني سلّم علي .. برررم برررم تيرا را را ..
فى حته اغنيه جامده لانغام سمعتها النهارده .. اسمها بسبوسه ..
اغنيه نكته .. اسمعوها من هنا هتلاقوها فى آخر الصفحه ..
المهم بقى دلوقتي انا عايز هدايا بمناسبه النجاح يا جدعان
كل واحد يشوف ربع جنيه معاه مخروم ولا حاجه ..
اهو ينفع برضه نجيب بيه لب ونقزقزوه .. حلوه نقزقزوه دي
خلاص بقى الواحد لازم يستكندر (علشان رايح الاسكندريه يعني) ..
هبلغكم بآخر التطورات من الإسكندريه ..
ضحكت على باشر وقلتله انى فى اسكندريه دلوقتي .. هع
المهم ..
انا بيقولوا النهارده انى نجحت
كنت مجنون النهارده بطريقه اوفر شويه لدرجه ان البنات كانوا هيضربوني
انا نجحت بتقدير مقبول يا جماعه .. هع هع
مش عارف نوني ونسمه متغاظين ليه
يمكن علشان انا مكنتش بذاكر ونجحت صافي
وهما اللى كانوا بيذاكروا كل واحده شالت ماده ..
مش عارف ايه الحقد ده ..
قبل ما انزل الجامعه الصبح كنت فى البنك قدامي 40 رقم على ما يجي دوري
كنت عايز اكلم هدى اخت نوني بتدرب فى البنك هيا .. وبعدين قلت لا بلاش الموضوع مش محتاج وسايط نستنى .. المشكله انى منمتش بقالى يومين .. بعد شويه لقيت نفسي هنام على نفسي قلت لا مفيش غير هدى حبيبتي تنقذني .. يانوني هاتى رقم هدى ..
وعلى راي هدى اللى ليه ضهر ميضربش على بطنه .. يضرب على قفاه ..
البنك بيبقى زحمه جداً فى اول الشهر .. بس كان في شويه مزز جامدين فى البنك بيني وبينكم .. وانا قاعد اغلس على دي شويه واغتت على دي شويه ..
المهم طلعت من البنك على الجامه .. وطلعت النتيجه .. وقال ايه كانوا عايزني اعزمهم على مؤمن .. تقولش اول واحد ينجح فى الكليه دي ..
وسلّم على لما قابلني سلّم علي .. برررم برررم تيرا را را ..
فى حته اغنيه جامده لانغام سمعتها النهارده .. اسمها بسبوسه ..
اغنيه نكته .. اسمعوها من هنا هتلاقوها فى آخر الصفحه ..
المهم بقى دلوقتي انا عايز هدايا بمناسبه النجاح يا جدعان
كل واحد يشوف ربع جنيه معاه مخروم ولا حاجه ..
اهو ينفع برضه نجيب بيه لب ونقزقزوه .. حلوه نقزقزوه دي
خلاص بقى الواحد لازم يستكندر (علشان رايح الاسكندريه يعني) ..
هبلغكم بآخر التطورات من الإسكندريه ..
تحياتي الهتلوريه ..
أحدث التعليقات