مدونة أحمد هتلر

بالزمه فى حد يقدر ميحبش بلد بالجمال ده ؟؟ حد يقدر ميدوبش فحب مصر ويعشقها ؟؟
منظر البحر فبير مسعود روعه جداً ومع اننا فى الشتا إلا إن الشمس طالعه وبتحس
بالدفا بجد تحت الشمس وقدام البحر فعز الشتا …
سالته عن البير قالى انه عباره عن قنوات بتعدي من بين الجبل للبحر
عدد القنوات دول 3 واحده منهم على ما اذكر اسمها عين العسكري
فى واحده منهم عليها بوابه حديد من زمان .. بيقول من ايام نابليون والحمله الفرنسيه
..
وبقول ان فى تحت رصاص قديم جداً وآثار .. مفيش اي اهتمام بيها من هيئه الآثار
المصريه ..
وبيقول ان الاثار جم مره وفجروا باب بالديناميت وطلعوا صندوق كن لقوا فيه شويه
اوراق ووثائق متآكله تماماً لانها كانت مغموره بالماء لسنين طويله ..
وفي بقى قناتين واحده منهم تقدر تمشي فيها وتطلع للبحر لان مستوى الميه مش عالى
فيها وفيها هوا .. ومش طويله ..
القناه التانيه وهيا اللى بتحصل فيها حالات وفيات شباب كتير من هواه المغامره ..
لانها طويله بالنسبه للتانيه ومفيهاش هواء خالص ..

تالت يوم كنت قاعد على الرمل قدام البحر بيني وبينه متر ونص تقريباً
بشرب تيليو.. معرفش هو ايه بالضبط ..
وبتكلم فى الموبايل لقيت الموج طلع وقام مغرقني
قمت متنرفز جداً وقعدت اشوط الرمل فى البحر واشتمه بصوت عالي لدرجه ان فى اسره كانت
بعيده عني شويه ماتوا على روحهم من الضحك عليا ..

صورت طبعاً شويه صور للبحر ولمنظر غروب الشمس الرائع ..

وشويه قلب ميت بقى وجو الماتريكس قلت اما اطلع فوق الصخور

تقولش راكب التايتانيك يا ولاد

 مش تمثال الكاتب المصري اصلاً كان لواحد بيلعب يوجاً
هههههههههههههههههههههه

وحان وقت الغروب