بقالى اكتر من اربع سنين مبسمعش نجوم اف ام
لاني بعدت عن الراديو من بعد الثانويه العامه
لكن بعد ما ركبت كارت الستالايت على الكمبيوتر
قلت اما ارجع اسمع للاذاعه اللى كانت بتونسني ايام وليالي المذاكره
بجد اتحرق دمي لما لقيتهم مشغلين اغنيه محمد سعد
حبيبي خساره .. تجيبلي المراره
وتعمل صداااع
قفلتها ورجعت لاغاني منير تاني !
جلسوا دوما يقنعوني بانه ما اجتمع رجل وامرأه الا وكان الشيطان ثالثهما
جلسوا دوماً يقنعوني انه لا علاقه بين الرجل والمراه الا علاقه الجنس
وها قد اثبت عكس النظريه
جلست معي اسبوعاً بلياليه بمفردنا
فى تلك الشقه على شواطيء الاسكندريه
تعلمني كل يوم شيئاً جديدا عن ثقافتها
تخبرني شيئا غريبا عن دول زاراتها
تدربني على رقصات الوالس والسوينج
لا انكر اني شعرت بالاثاره فى بعض الاحيان
عندما ركزت فى عينيها الملونتين لبعض الوقت
الا انني استطعت التحكم باحساسي الجنسي
واصبحت ملامساتنا خاليه تماما من اي خوف او تردد
اثبت لنفسي اني لست كتلك الحيوانات الجنسيه التى ما تلبث ان ترى فتاه اوروبيه
لتفرغ فيها كبت السنين فى الاوطان الشرقيه
وليس لنقص عندي او امتناع منها فانا رجل وواثق من نفسي جيداً
وهي انسانه تفعل ما تريد بكل حريه بدون قيود دينيه او قانونيه
ومع ذلك اثبتنا عكس النظريه
اثبتنا انه يمكن ان نكون اصدقاء
اثبتنا انه يمكن ان نكون متحضرين
اهداء لصديقتي العزيزه
يانيا رودولف – سلوفينيا
قدام باب الجامعه
كانت واقفه منهاره
اول ما شافتني اترمت فحضني
لاول مره بحس ان فى حد محتاجني
محتاج لحضني
ضميتها لثواني وايدي على كتفها وشعرها المفرود
وفقت على اتوبيسين الام سي في اللى كانوا بيتفرجوا علينا !!
واحد سخيف قعد يقول يا قليل الادب بلهجه ساخره
قلتلها .. اللى بتعمليه ده فعل فاضح فى الطريق العام !!
تخيلي اننا فوطن لو مسكت فيه ايدك ادفع غرامه ؟!
تخيلي اننا فوطن لو حضنتك وبوستك وقلتلك بحبك اتسجن ؟!
تخيلي اني لو حطيت ايدي على خدك ابقى ارتكبت جنحه
تخيلي اننا فوطن بيلبس فيه السياح البكيني فى شرم
بيلبس فيه الهاي كلاس البكيني فمارينا
وبيلبس فيه الحريم اللوكال جلاليب سوده فبلطيم
تخيلي انه ممنوع امسك ايدك فى الشارع
ومش ممنوع تقعدي معايا فشقتي مادام مش متجوزه غيري !!
اتمنى ان يتحرك رجال القانون ليعالجوا هذا الخلل القانوني
ولا يربطوا الفعل الفاضح بما يسمى القيم العامه
لانه لا يوجد معيار للقيم العامه فهي متغيره يوم بعد يوم
اتمنى ان لايجبروا الشباب للجوء الى الكازينوهات ليعلنوا عن حبهم
فلا يمكن ان يكون مصير شاب بسيط يجلس مع خطيبته على شاطيء النيل
ممسكاً بيدها الى قسم من اقسام الشرطه !!
اتمنى توفير اماكن نستطيع ان نخرج فيها مع من نحب
دون التعرض لحماقات المراهقين والرجعيين
دون تدخل الرافضين للعلاقه بين الجنسين الا فى اطار الزواج
الزقازيق بها مليون مواطن مصري ولا يوجد بها ربع حدائق الاسماعيليه !!
احاول كتابه اي شيء .. احاول التعبير عن شيء
ابحث عن تلك الكلمات التى طالما وجدتها تدور فى رأسي
600 قتيل فى غزه نتيجه للقصف الاسرائيلي والجرحى تجاوزوا الثلاثه الاف !
مجزره عسكريه ترتكب فى حق الانسانيه
بغض النظر عن دور حماس فى ما حدث نتيجه لافتقارها للدبلوماسيه
ولمرجعيتها السياسيه المنعدمه (مثلها مثل كل التنظيمات الاسلاميه الموجوده التى تحاول الدخول فى العالم السياسي غصباً)
وبغض النظر عن دور مصر المتمثل فى الرفض والوساطه وغيرها من التدخلات السياسيه المحايده
التى لا تشبع رغبات وعواطف الشوارع العربيه التي ترغب برمي شباب مصر للحرب مره اخرى
وبغض النظر عن الاحراج الشعبي الذي تسببت به زياره ليفني للقاهره قبل الضرب مباشره وكانها كانت تاخذ الاذن من مصر !
وبغض النظر عن خروج مصر بدبلوماسيتها من الاحراج سريعا بنقل الغضب الشعبي الى حماس نتيجه لغبائها السياسي
وقتلها لظابط الحدود المصري .. كما قتلت بشكل غير مباشر بعنادها 600 فلسطيني !
نعم فانا احمل حماس مسئوليه دماء الفلسطينين كاسرائيل تماماً
حماس مستمره فى اطلاق الصواريخ التى تصيب مره وتخطأ مائه وتعترف بذلك وتفخر به
فليذكرني احدكم بما كان يفعله عبد الناصر والفدائيين فى حرب الاستنزاف ..
هل كان يخرج كل صباح ليقول خطفنا الامس 3 اسرائيليين ؟؟
الا ان ذلك لا يجعل احدا موافق على ما يحدث فى غزه
او ما تنوي اسرائيل فعله فى رفح الفلسطينيه
ومع ذلك فلن اقبل من اي من الرعاع العملاء والمحميين بالقواعد الامريكيه
بالمزايده على النظام المصري واتهامه بالخيانه
لقد بدات اميل وبشده لخروج مصر من الدائره العربيه والاسلاميه
كلها مرجعيات تسببت فى تأخر مصر على مر العصور
هذه المرجعيات التى حاربت حتى محمد على عندما بنى مصر الحديثه
انا سأوافق بشده اي قرار يعود بمصر للغتها القبطيه
اي قرار يفصل الشعب المصري بثقافته عن ثقافه الرعاع والبدو
وبناء عليه فدورنا تجاه القضيه الفلسطينيه لا يتجاوز الدور التركي فى الوساطه
وضمان الاستقرار الاقليمي والامن القومي لمصر
فاي هجمات من الاسلاميين على المصالح المصريه
مموله من الدول العربيه الرجعيه ستسفر بشكل قاطع عن رفض شعبي مصري جارف
والى اي متحدث نحن لم نبع القضيه الفلسطينيه القضيه ليست قضيتنا بالاساس
وان كنا ساهمنا من قبل فى تحرير فلسطين فقد كان هذا كرماً منا وليس واجب علينا
تحرير فلسطين واجب على الفلسطينين انفسهم
كما كانت مسئوليه استعاده سيناء مسئوليه المصريين فقط
فلتبحثوا عن سادات غير الذي قتلتوه بفكركم !
تبدأ الاحداث يوم وقفه العيد الاضحى
لود مرتفع جدا على السيرفر نتيجه هجوم DDOS
من مختلف انحاء العالم .. ميه ميه اعداء الغناء فى الوطن بيعيدوا عليا
تجهيز السيرفر باللازم لمواجه الهجوم
تاني ايام العيد سيرفر الاغاني واخد باند والشركه طالبه صوره الباسبور والكريديت
بعت المستندات اللازمه .. تلت ايام الموقع واقف
نقلت الملفات على استضافه من هوست جاتور
تلت ايام والموقع سسبند لانه بيستهلك اكتر من 25% من موارد السيرفر
قشده ..
سيرفر التصفح لم يتحمل الهجوم والداون تايم وصل ليومين تقريبا
والسبورت مش عارف يوصل لحل
نقل بعض المواقع وتوزيعها على اكتر من VPS توزيعا للاهداف
وتحسبا لاي عمليه اختراق شبيهه بالعيد الماضي
التاكد من سيرفر الباك اب ومراجعه الملفات
كله تمام .. سيرفر جديد من iweb
نقل الملفات وعادت المياه لمجاريها وكله اشتغل
قوم ايه بقى .. ماهو المنحوس منحوس ياعم الحج
الموقع كان واصل لاعلى ترتيب ليه من يوم ما اتفتح
الترتيب اليومي كان بيوصل 6 الاف فى اليكسا
هوب .. انقطاع فى تلات كابلات بحريه امام صقليه بايطاليا
ايه سفن ايه !
هيا كانت ناقصاهم هيا
يومين والنت شغال بنسبه 80%
وفى ناس هنا هتقول ان الانقطاع علشان فى ايطاليا حلو المشكله بسرعه
ولما كان فمصر قعد سنتين .. لا يا ظلمه لا
بجد انا ارسل برقيه تحيه لوزاره الاتصالات وكل المسئولين فى الحل السريع
وتوصيل الخدمه لهذا المستوى بهذه السرعه على الرغم من الانقطاع
عايز اقولكوا اني بعمل ريكوست على سيرفر الاي ويب
الريكوست بيطلع من مصر على تركيا على فرنسا وبعدين انجلترا
وبعدين يدخل امريكا وبعدين يوصل مونتريال فكندا بالسلامه
وانا قاعد اعد الريكوستات ياعم الحج .. لووول
طبعا صاحب الانقطاع الطويل ده نقص حاد فى ايرادات الشهر ده من الاعلانات
ده بالاضافه لتوقعي ان شركات الاعلانات تخفض الاسعار
نظرا للازمه العالميه اللى اكيد هتلقى بظلالها على الاعلانات على الانترنت .
وكل داون تايم وانتم بخير
أحدث التعليقات