مدونة أحمد هتلر

اليوم الرابع قمنا بدري
منمتش كويس الجو كان برد جدا
والدفايه مكانتش عامله اي حاجه
نزلنا على مكتب البريد
كانت عاوزه تبعت بوست كارد عليه صوره لاسكندريه
الموظفه قالتلها لازم تشتري البوست كارد من بره احنا مبنبيعش هنا
قعدنا نلف نص ساعه على المكتبات فى المنطقه اننا نلاقى بوست كارد !
مش عارف انا بوست كارد ايه ده .. الحاجات دي انقرضت من زمن
دلوقتي فى ايميلات وام ام اس ياعم الحج !
لقيناه فى الاخر فى مكتبه فسان ستيفانو
قعدت تشخبط عليه باقلام الوان وترسم القلعه كان منظره كوميدي
المهم رحنا البريد تاني وبعتناه من هناك
وطلعنا على المكتبه
الدنيا بدأت تمطر
قعدنا نص ساعه ندور على مكان حوالين المكتبه نركن فيه العربيه
المنطقه مزحومه بطريقه غريبه
فين وفين على مالقينا مكان فى الشارع اللى بيعدي فيه الترماي
وركنا العربيه ومشينا فى المطر لغايه المكتبه .

نفس السستم فى اسعار التذاكر
قطعنا التذاكر وطلعنا على البوابه علشان ندخل
الموظف قالى سجلت اللابتوب ؟
قلتله اسجله ازاي .. لا مسجلتوش !
قالى هتلاقى مكتب فى مدخل الموظفين
هيسجلهولك هناك
المهم رحت سجلت اللاب توب ورجعت
مسك فيانيا المره دي وقالها الشنطه لازم تتساب فى الامانات
جنب الشباك بتاع التذاكر
الله يخربيتكوا مقولتوش ليه من الاول !
رحنا حطينا الشنطه فى الامانات
واخيرا هندخل المكتبه
خدنا جوله فى المتاحف
والمعارض اللى موجوده
للاسف مخدتش صور كتير من جوه المكتبه
بس هيا مسابتش حاجه مصورتهاش
طلعنا فوق المكتبه بعد ما خلصنا المتاحف اللى تحت
قلتلها مع نفسك بقى
هقعد انا بقى انت عالوايرليس
لان النت واحشني جدا جدا جدا
ولما تخلصي ابقى تعاليلي هنا ..

خلصنا المكتبه وطلعنا على سلينترو فكارفور
لسه بركن العربيه فى الباركنج
ونازل لقيت بنت راكبه عربيه دايو جولييت
وقامت واخده جنب العربيه من اوله لاخره بعربيتها
وولا كانها عملت اي حاجه نزلت هيا واصحابها
ومشيت .. مسكت اعصابي على قد ماقدر
يعني مش كفايه مبتعرفش تسوق
لا وكمان قليله الذوق .. حتى مفيش سوري !
قلتلها هما دول بنات مصر يا يانيا
اشتريت بطانيه علشان الجو كان تلج بغباء
كنت تعبان جدا .. وكان المفروض هنطلع على الزقازيق علشان نحضر خطوبه اخت عاصم
وخطوبه الواد محمود عادل هوه كمان كانت فنفس اليوم
بس اتصلت بيهم اعتذرت لاني مش هقدر اسافر وارجع تاني فنفس اليوم ..
والبرد بدأ يشتغل معايا ..
اشترينا شويه حاجات للبيت ورجعنا .
كورس سوينج فيه كام حركه جداد
وانتهى اليوم ..

انت لم تعرفني الا لكي تمارس معي الجنس !
عفواً فهي لم تعرف كيف تكون الاناث ..
انا لست بعاهره لامارس معك الجنس !
اذا فمع من ستمارسينه اذا لم يكن مع شخص تدّعي بانك تحبينه ؟؟
تبدوا وكأنها تريد ان تسأل
كيف سمحت لك مخيلتك بالتفكير اساسا فى هذه الامور ايها الفاسق المنحل !
هذه الطبيعه .. لن انكر متطلباتي
وان لم يكن معك .. فسيكون مع غيرك
الا اني وقتها لن اكون لك
فانا لا ارضى بانصاف الحلول
لن يكون قلبي معك .. وجسدي فى حضن غيرك !

وصلت مصر ومفترض انها حسب اتفاقيه اغادير معفيه من الجمارك
والاسعار بتبدا من 55 الف جنيه حتى 66 الف جنيه
فى حين ان سعر السياره فى الخارج فى حدود الـ 6 الاف دولار
ودول اخرى 5 الاف يورو
بمعنى اصح لا يتجاوز سعر السياره 35 – 40 الف جنيه مصري
والاسعار بالاعلى هي اسعار التسيلم بعد الشحن ايضاً
فعلى الاقل هناك 15 الف جنيه زياده على السعر المفترض ان تعرض به السياره فى السوق المصريه
محتاجين توضيح الفرق ده بتاع ايه ؟؟؟

كان راجع من شغله منهك تعبان
وفالطريق للبيت لقى جنازه كبيره ماشيه
وبطبيعته كراجل مصري قالك اما اشيل معاهم واخد ثواب
دخل وسط الزحام وشال مع الناس اللى ماشيه
وبعدين لما لقى الناس كتير قوي .. سال هوه مين الميت ؟؟
قالوله جمال عبد الناصر !
قالهم يالا يا ولاد الكلب يا مجانين
شايلين الكفن فاضي
هوه انا ناقصكوا

* حدث بالفعل ..

عربه كارو يجرها حمار وسيم
محمله بالاطباق البلاستيكيه الملونه
تقف فى شارعنا .. ينادي قائدها بعلو صوته الموسيقي سكسووونيا !
فى البدايه لم افهم .. ما علاقه سكسونيا بالاطباق الملونه ؟؟
هل هذه الاطباق المانيه الصنع مثلا ؟
نادت عليه احدى الجارات فأوقفته
واذا به تعطيه كيسان ممتلئان بالملابس القديمه
وتأخذ مقابلهما طبقان مختلفا الحجم واللون فى سعاده
لم اندهش عندما عرفت انه يقوم ببيع هذه الملابس فى سوق التلات المشهور بالزقازيق
ويعود ليقوم بعمليه المقايضه مع سكان المناطق الشعبيه كمنطقتنا ..
منادياً .. سكسوووونيا

لا ادرى ما حب المسلمين على مر الزمان فى تشبيه البشر بالحيوانات !
فى اكثر من واقعه مؤرخه تاريخيا وحتى فى صميم الدين
فالقرده والخنازير هي من الالفاظ المعتاده عند وصف اليهود مثلاً
ولا ادرى لم تتجاهل العقليه المسلمه ان اليهود او غيرهم هم بشر
متساوون معهم فى نفس الحقوق والواجبات
واذا كان من حق المسلم ان يصف اليهودي بالقرد فمن حق اليهودي ان يفعل المثل !
اذكر اثناء دراستي بالمملكه فى ماده التاريخ
تلك القصه المشهوره للاسيره التى صرخت بعلو صوتها وامعتصماه
فماذا كان رد المعتصم ؟
ارسل برساله لقيصر الروم قائلاً
"من المعتصم الى قيصر كلب الروم .. والله ان لم تأتوني بالمرأه المسلمه
لاتيكم بجيش اوله عندكم واخره عندي"
وطبعا كانوا يضربون لنا به المثل فى الشجاعه
وكان المفترض ان نستنتج نحن اننا ما احتقرنا بين الامم حتى اصبحنا فى
هذا الوضع المهين الا لبعدنا عن الاسلام ونظام الخلافه الاسلامي
لكن هم فى نفس الوقت قد زرعوا بداخلك ان وصف الاخر بالحيوان هو من اعمال البطوله الاسلاميه !
نفس اللفظ قد تكرر من هارون الرشيد
الذي كان قد اعتاد على اخذ الاتاوه الاسلاميه من الملكه ريني
فلما انقلب عليها نقفور واخذ الحكم وامتنع عن دفع الجزيه
وارسل برساله الى ابن الرشيد ورد بها
"أما بعد: فإن الملكة التي كانت قبلي كانت أقامتك مقام الرخ، وأقامت نفسها مقام البيذق، فحملت إليك من أموالها أحمالا، وذلك لضعف النساء وحمقهن، فإذا قرأت كتابي فاردد ما حصل قبلك من أموالها، وإلا فالسيف بيننا وبينك"
ومع ان نقفور لم يتجاوز حدود اللباقه بوصفه ابن الرشيد بطائر الرخ
لان ذلك كان من باب الاعتراض على تعظيم الملكه له لدرجه انها عاملته على انه طائر الرخ !
الا ان رد هارون الرشيد الذي انتابته نوبه غضب
عند مطالبته بارجاع الحق لاصحابه من الرؤيه المنطقيه
فنحن كمصريين اخذنا تعويضات مقابل استغلال اسرائيل لموارد سيناء طوال فتره احتلالها
الا ان الرؤيه الاسلاميه ترى ان سرقه الاخرين تحت اسم الجزيه هو حق مكتسب
بما انهم اصحاب الدين الصحيح والقوه العسكريه المفرطه باسم الدين
فما كان الرد الا
" من هارون امير المؤمنين الى نقفور كلب الروم ، قد قرأت كتابك يا ابن الكافرة، والجواب ما تراه لا ما تسمعه"
ودعنا هنا من ذكر ابن الرشيد لام نقفور ووصفها بالكافره
لانه بالرغم من انه كان اميرا الا انه كان لا يفقه شيئاً فى فنون الادب ولم يكترث بنظره الاخرين لشعب هو يمثله
فلم يكن بصعب على نقفور ان يرسل له برساله يسب بها امه وجدته الكافره من وجهه نظره ايضاً
هذه صور بسيطه من اسلوب تعامل المسلمين مع الاخر
واحترامهم له ..