مدونة أحمد هتلر

طار طار طار ..

أحمد هتلر — Fri, 04 Jul 2008 10:55:06 +0000

لتاني مره من يوم ما اشتريت كمبيوترات
يضرب مني هارد
ويضيع معاه كل شغلي
اول هارد كان ويسترن ديجيتال 40 جيجا
من خمس سنين تقريبا
وبسببه قعدت شغال على هارد 10 جيجا لمده سنه
على ما قدرت اجيب تمن هارد 80 جيجا وكان ويسترن برضه

ودلوقتي جهازي شغال على هارد 160 ويسترن ديجيتال ساتا
وكان في الهارد اللى لسه طاير من 4 ايام
ويسترن ديجيتال 80 جيجا عادي

وديته لمول الكمبيوتر
قالولى البورده محروقه
والميديا بايظه
طيب ايه الحل لازم اطلع الداتا من عليه
قالى ياعم سهله ان كان على الفيلمين السكس اديهملك انا

ياريت اي حد عنده حل او مر بالتجربه دي وقدر يطلع
الداتا يبلغني
الهارد عليه كل شغلى وباك ابات مواقعي
وصور وفيديوهات مصورها من سنتين
وملفات علشان انزلها تاني محتاج شهور
وكل ما افتكر فى ايه على الهارد يجيلي احباط

عموما الدرس المستفاد :
ان الواحد لازم يعين باك اب من كل شغله
على هارد تاني واسطوانات
ويعين الهارد فى درج امن
زي المنزل الامن بتاع أدهم صبري كده
ويحط الهارد جوه كيس بلاستيك
محكم الغلق عازل للماء
وبعدين يحطه جوه جردل ميه
عازل للحريق والحراره
ويحطهم فى التلاجه بعد كده

يعني من الاخر
لا تضع الفلوس كلها فى البنك الأهلى

البوم تامر حسني الجديد قرب كمان

أحمد هتلر — Wed, 25 Jun 2008 02:36:58 +0000

اخيرا البوم تامر حسني الجديد
قرب كمان اللى كان هينزل باسم احضني قوي
حصريا على سمعنا
من هنا

وهنا البوم شيرين الجديد
والبوم محمد منير الجديد
دي البومات 2008

موقع رتّب ..

أحمد هتلر — Mon, 23 Jun 2008 23:30:43 +0000

موقع عربي
بفكره مستهلكه
فكره عداد الزوار
مالناش دعوه بالفكره
ولا باصحاب الفكره ودماغهم واتجهاتهم
صاحب الموقع مش عايز حد مشترك صاحب موقع اغاني
هو حر
صاحب موقع سكس
هو حر برضه
لكن لما يكون واحد مشترك فرتب اصلا
ويقفلوله حسابه
ليه بقى ليه ؟؟
علشان التصميم فى مزه
وفى مقطع غنائي فقسم نغمات الجوال
يقوم يعمل ايه بقى صاحب الموقع ؟؟
يغير التصميم ويحذف موضوع النغمات
اقوم اقوله ايه ؟؟ احه .. احه بجد يعني
ده رتّب اللى لا راح ولا جه ولا طلع ولا نزل
وفى خمسين مليون موقع بيقدموا نفس الخدمه وببلاش
وبتقنيه اعلى ودقه اعلى !!
ايه التحكم الغبي ده ؟؟
وازاي صاحب الموقع يسمح لرتب انه يتدخل بالشكل السافر ده فى محتوى الموقع
مافي قدامه مليون بديل !!
ليه بنسمح لاي حد ايا كان فكره انه يتدخل فحريتنا ؟؟
ويتدخل فى توجهاتنا
ليه مكونش انا صاحب قراري فى موقعي
اذا مكناش هنلاقى الحريه عالنت .. هنلاقيها فين بعد كده ؟؟
عالمريخ الامريكي ؟؟

أميركا الإله ..

أحمد هتلر — Sun, 15 Jun 2008 15:31:10 +0000

فكره بقالها اسبوعين فى دماغي مش عايزه تسيبني
هيا تنفع قصه فيلم خيال علمي
لكن اناشايف انها ممكن تكون حل لـ 80% من اللغز
لغز بدايه الحياه على كوكب الأرض ..

نظريه الاحتمالات بتقول ان كل شيء محتمل
وانا مش شايف اي مانع واقعي قوي للنظريه
ايه بقى هيا النظريه ..

ليه ميكونش من 3 الاف سنه
وصلت دوله متقدمه جدا فى الفضاء والبيولوجي
وصلت لدرجه انها تصنع كائنات معقده من وجهه نظرنا اسمها البشر
ونقلت اتنين منهم اللى هما ادم وحوا كما فى القرآن
او ادم وليلي كما فى الانجيل .. ايا كانوا
ذكر وانثى حسب تصنيفنا ..

واستمر الدعم من الكائنات الخفيه
وارسال الافكار وزرعها فى عقليات البعض من البشر
ليكونوا رسل منهم ..
ليظهروا هم بدور الإله الخفي ..

ويمكنكم سرد باقى القصه وتفسير العديد من الأحدث التاريخيه
بنفس المنطق ..

ممكن تكون امريكا عايزه تعمل نفس الموضوع فى المريخ ؟؟
عن طريق زياده الاكسجين فى الكوكب ونقل بعض البشر وايجاد عالم آخر ..

واذا كانت امريكا وصلت للمسافه دي
فلا استبعد احتماليه ان هناك من وصل الينا عبر المجرات

تزوجها منذ سنين ..

أحمد هتلر — Fri, 06 Jun 2008 04:07:43 +0000

بي ملامح صدمه
لقد سمعت القصه فاندهشت
أبين ليله وضحاها تزوجت ؟؟

فقال :

دخلت امي فانكشفت
انا وفتاتي في سريري !!

ارتفعت منها الصرخات
والجارات بالباب واقفات

دهشه وذهول
ألاحظتم الآن اني كبرت ؟؟

ياتي والدي بالمأذون .. ووالد فتاتي
ويكتب كتابي فى ذهولى

مابكم !!
ماذا فعلت ؟؟
أكل هذا لاني إنكشفت ؟؟

هذه قصه اول صديق
والاخر فاض الان به الضيق

ميسور الحال ليس بفقير
وتزوج فتاه ابنه غفير

قالوا غلبانه .. سترضى بالقليل
وأهلها لن يطلبوا منك الكثير

فتزوج
والآن يقول
كل ما بينا "عيل وسرير"

الأول عنه قال ثالث
سنتين وسيطلقها
من يتزوج فتاه نام معها بسرير ؟

والرابع قال حظه "واكل شارب نايم ببلاش "
ليت اباه كان ابي ..

وخامسه قالت عن الثاني
عينه فارغه وما يملاها الا التراب ؟؟
وقال سادس "هذه سنه الحياه"

اما انا
فلم اقل شيئاً
لازلت مذهولاً

ابحث فى فكري
عن فتاه شقراء

مارست الجنس مع رجال غيري
كانوا لها اصدقاء

ولكن الفرق هنا
انها لا تتحدث العربيه
ولا تشعر انها ارتكبت الجريمه النكراء

ففى وطننا يغسل الحب بالدم
وتعرف العاشقه بالبلهاء
ويكتب عليها وولدها الشقاء

ولو كان الحب طاهراً بريئاً
فبحجه درء المفاسد
جعلوه جريمه نكراً

فلتجلس كل فتاه بجانب امها
لاتعرف حتى رجلاً فى عمرهاً
وليسدل عليها خماراً يداري سوءاتها

وليذهب العبسي فى شنطته ناقه
لوالدها طالباً قربهاً

وهو لم يسمع حتى صوتها
ولا يعرف ما لون شعرها

وان لم يات العبسي
لانه بالتاكيد ذهب لانقره

ليبحث عن بولنديه مجانيه
في بلاد تحارب لاجل العلمانيه

فلتمارس هي السحاق مع اختها
او تمارس الجنس مع نفسها
فهذا ما سيتاح وقتها ..

—
اول مره اسجل حاجه بصوتي وانزلها عالبلوج
عارف ان فى اخطاء فى "الاسبلينج"
وفى طبعاً اخطاء فى الفتحه والضمه والكسره
فياريت مش عايز ردود تفلحص وتفعص
كمحاوله اولى .. عايز رايكم .. وعن الموضوع ..
حملوها من هنا

كام مريخ ؟؟

أحمد هتلر — Tue, 03 Jun 2008 15:17:52 +0000

وصلت فينكس المريخ يوم الحد اللى قبل اللى فات
بعد ما مشيت 676 مليون كيلو متر فى مده عشر شهور
علشان تدور اذا كان فى امكانيه للحياه فى المريخ ولا لا
وده لان كوكب الارض مبقاش صالح للحياه بالنسبه للامريكان ..

طيب .. منستش ابداً فى فيلم المملكه Kingdom
لما كان فريق الـ FBI رايح السعوديه
وواحد منهم بيسال التاني عالطياره
عن السعوديه دي عامله ازاي
فقاله اعتبر نفسك رايح المريخ ..

احنا بقى هنا فمصر
مستنين اليوم اللى نهاجر فيه من المريخ المصري !!
ونروح نشتغل فى المريخ السعودي
ولو واحد طموح قوي قوي يهاجر للمريخ الامريكي ..
وده يختلف عن كوكب المريخ بعد الاحتلال الامريكي ..

اترزع هنا !!

أحمد هتلر — Wed, 28 May 2008 23:54:32 +0000

بقالى اسبوعين بالظبط
كل يومين رايح لدكتور السنان
بعمل حشو عصب
مش دي المشكله
الم العصب اسهل عندي
من اني استنى ساعه
على ما يجي دوري وادخل للدكتور
وتعليق الدكتور : معلش معملوش لسه دكاتره سنان دليفري !!

اعتقد ان السبب الاول
فى اني مبحضرش محاضرات فى الجامعه
اني مقدرش اقعد نص ساعه اجباري
مع العلم اني بقعد بالتسع ساعات قدام الكمبيوتر
لكن مش حاسس بالالزام .. ودي مشكله الشعب المصري ..

النهارده بقى
كنت هفرقع من الغيظ
مناقشه مجاستير بنت عمتي
والمناقشه فكليه صيدله
المشكله مش ان القسم اسمه فارماكولوجي
ولا ان الفار اللى فى المناقشه سويسري
المشكله اني اقعد 3 ساعات فى مكاني
بسمع كلام بفهم منه كلمتين بالعافيه
لمجرد اني احضر مناقشه بنت عمي
وميصحش محضرش
طيب انا احضر بناء على ايه مثلاً
اولا مفيش حاجه عامه ممكن استفيدها
ثانياً المناقشه بالانجليزي وانا يدوب فاهم الانجليزي اليومي مش الفيراني ..
انا شايف ان اللى المفروض يحضر المناقشه
اللى هيناقش واللى عايز يسمع ويستفيد
وبعد المناقشه متخلص
ممكن نعمل احتفال بسيط كده ظريف
نشرب فيه حاجه ساقعه وناكل جاتوه
احتفال بالمناقشه يحضره الجميع
انما نحضر المناقشه ليـــــــــــــــــه ؟؟؟

كان فى حاجه كمان غاظتني
دكتور صيدلاني
مربي دقنه
طول مناقشته لبنت عمي
قال كلمه "واخده بالك" مالايقل عن 100 مره
وانا مطلع الموبايل وكل ما يقولها احطله نقطه فى النوت
اللى غاظني بقى
ان دكتور خلي بالك المتخلف
بعد ما خلصت المتاقشه
بنت عمي بتسلم عالدكاتره
ومدتله ايدها بتسلم
والاخ ميمدش ايده
مش دي اسمها قله ذوق برضه ؟؟

عنتره ..

أحمد هتلر — Mon, 26 May 2008 03:16:49 +0000

تجد فى وطننا خمسين رداًً على قول عنتره
ولكنك لا تجد قولاً لعنتره
ولا حتى عنتره ..

واقعياً ..

أحمد هتلر — Tue, 20 May 2008 04:41:22 +0000

قالوا :
إنما الأعمل بالنيات

قلت :
إنما "النسوان" بالكاشات

عذراً
فهذا ما يحدث عندما يصبح طن الحديد بـ 8 الاف جنيه !
فتصبح العاهره مثل الزوجه
الا انها ارخص قليلاً .

انت ياواد يا يوسف !!

أحمد هتلر — Fri, 16 May 2008 13:53:41 +0000

صاحي من النوم على صوت عيل ساكن في العماره اللى قدامنا
عمال يقول 4 جمل بالظبط
1- واد يا يوسف
2- اطلع ياوله بدل ما انزلك
3- طيب خليك قاعد كده في الشمس لغايه ما انزلك
4- يا واد اطلع يا وله

وبعدين يرجع من الاول تانى
واد يا يوسف وهكذا
مع لهجه تهديده متصاعده
يقابلها تنفيض متصاعد من سي يوسف !!
وطبعاً انا مش عارف انام
بس مش ده اللى خنقني

الأخ كان ممكن ينزل يجيب يوسف ده ويطلع
ويوسف ينزل تاني وينزل يجيبه تلت مرات كمان ..

بدل ماهو قاعد زي الولايا يدعي على اسرائيل
اللهم دمر الفريق الأسود ذو القلب الأسود والتيشرت الأسود