أغسطس 14
طرأت لي فكره
لكتابه روايه جديده
مع العلم بجهلى التام باسس وبقواعد الروايات
وقررت ان يكون اسم روايتي
"البول على ضوء المحمول" - المعذره اذا كان العنوان ذكركم بشيء ما
العنوان مقتبس من احد الافلام الشهيره فى السينما المصريه الان
يسالني سائل كيف ذلك ؟
عندما كنت فى السينما
اشاهد ذلك الفيلم
واشرب الكانز مع كيس الشيبسي العائلي
احسست برغبه ملحه فى التبول
فذهب الى حمام السينما واذا بالاضائه محروقه
فما كان مني الا ان اخرجت محمولي
واتممت العمليه بنجاح
ومن هنا استوحيت الاسم للروايه
طبعا لا علاقه للموضوع
بالاسم بمنبع الفكره بالسينما
لكن الامر منطقي
فلم يستنكر احد
نسب المخرج خالد يوسف
للمشاهد الساخنه فى فيلم الريس عمر حرب
باغتصاب الولايات المتحده لبغداد ..
يوليو 27
صحيح كنت متوقع وفاته فأي لحظه
لان رجوعه من بره على مستشفى القوات المسلحه
كان رد بيقول
ان مفيش امل .. ويموت عندكوا احسن ما يموت عندنا
مع ذلك اتصدمت لما قريت خبر وفاته النهارده الصبح
زعلت جدا على انسان
انسان مصري
فنان
انسان مخلص ومبدع
انسان كان ثروه وكنز للبلد دي
عملاق نفتخر بيه
فكل افلامه كان بيرسم مشوار وطريق من ذهب
انسان ليبرالى حر
بيرفض الرقابه وبيرفض العدوان والتشدد
واي انسان يقول غير كده يبقى انسان مبيفهمش
ومش هتقبل ردود ترفض كلمه من اللى قلته
ربنا يرحمه وكنت اتمناله حياه اطول
لان كل يوم هيعيشه زياده
هيبدع فيه ويخدم مصر
وحياته اهم بكتير من ناس متخلفه قوالب متكرره منسوخه من بعضها ..
أحمد
يوليو 25
كنت أجلس مع أحد افراد العائله
واذا به يطلب مني تجهيز موقع له
وقالى انه قد جهز بعض الشروحات والدورات
ويريد موقع ليقوم بعرضها وبيعها من خلاله
وعندما سالته عن مجال الموقع والدورات قال انها ستكون مفاجأه
فقلت بكل برود .. يبقى فوركس
فوجئت به وقد ذهل
وبطريقه تعجبيه سألني
كيف عرفت انه عن الفوركس ؟؟
يوليو 20
تلك أمتنا
أمة بدأت بغزوة بدر وأحد
وتأتي لتقول أنها لم تنتشر بحد السيف !!
أمة ارتد أغلبها بعد ما مات رسولها
وما عادت الا بعد حروب رده
وتأتي لتقول انها تدعوا لسبيل ربها بالحكمه .. والموعظه !!
أمة قالت عن اليهود انهم المنافقين
ولا ادرى ماذا ستقول عندما تطالب اسرائيل بتعويضات
نتيجه تهجير يهود خيبر !!
أمة أراد الله ان يخبرها بنفاقها
فجعل أهلها لاهم بيضاً ولاهم سوداً
وتأتي لتقول أنها أمة الوسط !!!!
يوليو 18
من اسكندريه
من حوالى 4 سنين
كنت فنفس الكافيه
كان يوم نتيجه الثانويه العامه
اخويا الصغير جالى وانا نايم رقم جلوسك كااااااااام ؟؟
قلتله رقم مش فاكره
راح وبعدين رجعلى
قالى ده رقم غلط ده بتاع بنت وساقطه !!!
يادي النيله
طيب حط الخمسه بدل التلاته وجرب
رجعلى تاني
يابني غلط برضه
بتاع بنت وساقطه
قوم ماما مستنياك فى النت كافيه
رحت الكافيه
قعدت اجرب ارقام وابدل
والغريب ان 90% من النتائج بنات وساقطين ..
وفي النهايه طلعت النتيجه
ونجحت بنسبه 71% باين
ومع ذلك دخلت هندسه
لان الحياه فى بلدنا بسيطه
وبصراحه انا الهندسه زيها زي الحقوق عندي
كلها اشتغالات بيضحكوا علينا بيها
وعالاسر الغلبانه المؤمنه بالنظام التعليمي المصري العقيم !!
وبالمناسبه البنتين اللى عندنا من الزقازيق الاوائل عالجمهوريه
الاتنين مدارس خاصه
تفتكروا دي دعايه للتعليم الخاص مثلاً
ولا دليل واقعي على فشل التعليم الحكومي ابو بلاش ؟؟
يوليو 12
امبارح بس حسيت اني كنت فغيبوبه !!
رحت اغير زيت العربيه لقيته غلى 15 جنيه زياده
رجعت طلبت كنتاكي نفس الاوردر بتاع كل مره
الو .. لو سمحت عاوز واحد ميجا زنجر سوبريم كومبو ..
لدرجه اني بقيت بقولها بطريقه شبه آليه
ويوصلني الاوردر غالى حوالي 8 جنيه !!!
مصاريف الدليفري كانت 3 جنيه بقت 5
واللى يغيظ ان الاوردر من غير كاتشب 
ولما اتصلت بالفرع قالى لازم تطلبه والكيس ببريزه !!
واخدين 31 جنيه وبيقولي بريزه 
امبارح جيت ادور العربيه مش راضيه تدور
افتح الكبوت .. ادور على سير الدينمو مش لاقيه !!
انا مفلس هشتري واحد بكره واصلحها
تفتكروا هلاقيه غلي كام عن اخر مره 
يونيو 24
موقع عربي
بفكره مستهلكه
فكره عداد الزوار
مالناش دعوه بالفكره
ولا باصحاب الفكره ودماغهم واتجهاتهم
صاحب الموقع مش عايز حد مشترك صاحب موقع اغاني
هو حر
صاحب موقع سكس
هو حر برضه
لكن لما يكون واحد مشترك فرتب اصلا
ويقفلوله حسابه
ليه بقى ليه ؟؟
علشان التصميم فى مزه
وفى مقطع غنائي فقسم نغمات الجوال
يقوم يعمل ايه بقى صاحب الموقع ؟؟
يغير التصميم ويحذف موضوع النغمات
اقوم اقوله ايه ؟؟ احه .. احه بجد يعني
ده رتّب اللى لا راح ولا جه ولا طلع ولا نزل
وفى خمسين مليون موقع بيقدموا نفس الخدمه وببلاش
وبتقنيه اعلى ودقه اعلى !!
ايه التحكم الغبي ده ؟؟
وازاي صاحب الموقع يسمح لرتب انه يتدخل بالشكل السافر ده فى محتوى الموقع
مافي قدامه مليون بديل !!
ليه بنسمح لاي حد ايا كان فكره انه يتدخل فحريتنا ؟؟
ويتدخل فى توجهاتنا
ليه مكونش انا صاحب قراري فى موقعي
اذا مكناش هنلاقى الحريه عالنت .. هنلاقيها فين بعد كده ؟؟
عالمريخ الامريكي ؟؟
أحدث التعليقات